PAMMILANGNGANG 26:3 - KITTA' MATANGKASA'

^3-4 Nagaukammi Musa siagang Eleazar anjo parentaya. Nakio'mi ke'nanga sikontu bura'ne umuru' ruampulo taunga na rateanganna nampa asse're ke'nanga ri lappara' Moab, ba'leanna Binanga Yordan, ri ampi'na kota Yerikho. Iaminne tu Israel assuluka battu ri butta Mesir:

PAMMILANGNGANG 26:3 Referans Kwoze

PAMMILANGNGANG 22:1

A'lampami pole bansa Israel nampa akkema ri lappara'na Moab, ri daera ba'leanna Binanga Yordan, ri ampi'na kota Yerikho.

PAMMILANGNGANG 35:1

Ri lappara' Moab, ri biring Binanga Yordan, ri ampi'na kota Yerikho, Nakana Batara mae ri Musa,

PAMMILANGNGANG 26:63

Iaminjo dattara' napareka Musa siagang Imang Eleazar ri passala'na sikamma golongang niaka lalang ri Israel ri wattunna nibilang ke'nanga ri Lappara' Moab ba'leanna Binanga Yordan ri ampi'na kota Yerikho.

PAOLE 34:8

Appare'mi upacara kasusaang bansa Israel tallumpulo allo ri lappara'na Moab lanri kamateanna Musa.

PAOLE 34:6

Nitarawammi ri Batara ri se'reang ka'bung ri Moab, ri ba'leanna kota Bet-Peor, mingka sa'genna anne alloa tena tau angngassengi angkana kemae jera'na.

PAOLE 34:1

Nampa a'lampamo Musa ambokoi lappara'na Moab siagang angngambi' ri Moncong Nebo, ri coppo'na Pisga irayanganna Yerikho. Anjoreng Napappicinikammi Batara mae ri ia sikontu anjo pa'rasanganga, iamintu: Daera Gilead sa'genna wara' ri kota Dan;

PAMMILANGNGANG 31:12

nampa naerang mae ri Musa siagang Imang Eleazar kammayatompa mae ri sikontu umma' Israel. Anjo wattua sitabangi ke'nanga akkema ri lappara' Moab, ri birinna Binanga Yordan, ri ampi'na kota Yerikho.