PAMMILANGNGANG 24:24 - KITTA' MATANGKASA'

²⁴ Mingka lania' pasukang battu ri Siprus, lanabetai tu Asyur siagang Heber, nampa laancuru' todong anjo pasukanga.”

PAMMILANGNGANG 24:24 Referans Kwoze

PA'JARIANG 10:4

Sossoranna Yawan iami a'jari pandudu' ri Elisa, Spanyol, Siprus, siagang Rodes.

DANIEL 11:30

Nasaba' tu Roma siagang kappala'-kappala'na laniaki battu ri Siprus; lanibunduki ri ke'nanga sa'genna a'jari sanna'mi malla'na. Nampa lammotere'mo larro sikali siagang ero'mi naancuru' agamana umma'Na Allata'ala. Lanapilangngeri pappitangara'na tau a'bokoamo battu ri anjo agamaya.

PAMMILANGNGANG 24:20

Nampa nacini' tommi Bileam tu Amalek lalang paccini'na. Jari napabattumi anne boto kammaya, “Battu ri sikontu bansaya ri lino, tu Amalek kaminang makoasa. Mingka kale'bakkanna anjo bansaya, lalanynya' tongi sa'genna satunggu-tungguna.”

YOHANES 11:48

Punna nipa'laloangi tuli appakamma anjo, kale'bakkanna latappa' ngasengi taua ri Ia. Na kale'bakkanna labattumi pamarenta Roma angngancu'-ancuruki Balla'Na Batara siagang sikontu bansata!”

MATIUS 24:15

“Lanuciniki sallang ammenteng ri tampa' matangkasaka, ‘Kaja'dallang langngancuruka’, sangkamma le'baka napau Na'bi Daniel.

DANIEL 11:45

Ba'lalo lanatannangi kema kakaraenganNa ri alla'na tamparanga siagang bulu' tampa' pammantanganna Balla'Na Batara. Mingka kale'bakkanna lamatei siagang tena manna sitau lantulungi.”

DANIEL 10:20

Nampa appialimi angkana, “Nuassengi angkana apa saba'na kubattu mae ri kau? Iamintu untu' ampauangko apa tattulisika lalang ri Kitta' Katojenganga. Kamma-kamma anne musti ammoterekka' mange a'bundu' siagang malaeka' pajagana Persia. Le'baki anjo labattui malaeka' pajagana Yunani. Tena lantulunga' pantaranganna malaeka' Mikhael, iamintu malaeka' pajagana Israel, bansanu.

DANIEL 8:21

Anjo bembe lakia, iami pangngebarranna kakaraengang Yunani, siagang anjo tanru' assuluka ri alla'na ruaya matanna, iamintu karaenna makase'rea.

DANIEL 2:45

Sai kiciniki karaeng, angkanaya tena sikali tau amberoi, nania' se're batu ta'lappasa' battu ri ta'binga nampa natuju siagang naancuru' anjo patung nipareka battu ri bassi, tambaga, butta pi', pera' siagang bulaeng? Allata'ala malompoa ampa'nyatai mae ri karaengku apa lakajarianga sallang. Anjo so'naya akkullei nipatappa' siagang anne napakasingaraka atanta sanna' sikali kamma tojenna.”

DANIEL 2:35

Rumbang silalonnami anjo patunga nampa a'jari tambungang bassi, butta pi', tambaga, pera', siagang bulaeng; ancuru' taba sikalimi anjo patunga sangkamma limbu'bu' niaka ri tampa' pa'lessorang gandunga punna wattu timoro'. Anri'ba'-ri'ba'mi anjo timbunganga niiri' ri anging, sa'genna tena sikalimo bate-batena manna sike'de'. Mingka anjo batu anrumbangai anjo patunga a'jari pila' lompomi sangkamma moncong lompona na napirassi sikontu buttaya.

YESAYA 23:1

Iaminne pappasang ri passala'na Tirus. He, sikamma pakappalaka ri Tarsis ansombaliai tamparang lompoa, appiraung mako! Ri wattunnu assombala' ammotere' battu ri Siprus, lanipauang mako angkanaya ancuru'mi Tirus. Pa'labuannu siagang sikamma balla'nu a'jari rumbangang ngasemmi.

PA'JARIANG 14:13

Mingka nia'mo sitau ta'lappasa' battu ampabattuangi Abram anjo tu Ibrania, sikamma anjo apa kajarianga. Anjo Abram niaki ammantang ri ampi'na poko'-poko' kayu karama' ri tampa' passambayanganna niarenga Mamre, sitau tu Amori. Na anjo Mamre siagang sikamma sari'battanna, iamintu Eskol siagang Aner, agannai Abram.

LUKAS 20:24

“PicinikiangA' bedeng se're doe' pera'. Inai pata areng siagang inai pata gambara' anne niaka lalang ri doeka?” Appialimi ke'nanga angkana: “Karaenga.”

PAMMILANGNGANG 24:23

Nampa napabattu todong Bileam anne boto kammaya, “Cilakami! Inai lattallasa', punna Nagaukang Allata'ala anjo passalaka?

YEHEZKIEL 27:6

Sikamma pa'bisenu, kayu-kayu lompo battu ri Basan nipare'. Dapara'nu kayu camara nipare', battu ri pulo Siprus kabattuanna, belo-belona battu ri gading ka'jalaka anggaranna.

YESAYA 10:5

Nakana Batara, “Cilakai Asyur! Asyur laKupake a'jari cambo' siagang palu-palu untu' antunrungi tau natabaya pangngalarroingKu.

YESAYA 10:12

Mingka Nakana Batara, “Punna le'ba'mo apa eroka Kugaukang ri Bulu' Sion siagang ri Yerusalem, laKuhukkungi karaeng Asyur lanri kaborroanna siagang katampoanna.”