PAMMILANGNGANG 23:27 - KITTA' MATANGKASA'

²⁷ Nakana Balak, “Umba ki'lampa mange ri tampa' maraenga. Inai angngassengi gassingka napa'biang jako Allata'ala antunrai bansa Israel untu' inakke ri anjo tampaka.”

PAMMILANGNGANG 23:27 Referans Kwoze

ROMA 11:29

Nasaba' punna Napilei Allata'ala anjo taua siagang Nabarakkaki, tale'bakai Nabeso' ammotere' anjo apa le'baka Nagaukang.

YESAYA 14:27

Le'ba'mi Natappuki Batara Kaminang Makoasaya untu' laNagaukang kammaya anjo. LaNapajonjoi limanNa untu' assare hukkungang, siagang tena manna sitau akkulle ampisangkai.

PANGNGEBARANG 21:30

Tena kaporeang, tarang pikkirang, siagang kacara'dekang akkulle attahang ri dallekanNa Batara.

PANGNGEBARANG 19:21

Rupataua jai rancanana, mingka kaputusanNa bawang Batara a'jari.

AYUB 23:13

Anjo Allata'ala tena pamminraNa; tena akkulle angngewai. Nagaukangi apa Nakaerokia.

PAMMILANGNGANG 23:13

Nampa nakana Balak ri Bileam, “Umba ki'lampa siagang mange ri tampa' maraenga; battu anjoreng akkullei nucini' poro sipa'gang bawang bansa Israelka. Tunrami ke'nanga battu anjoreng.”

MALEAKHI 3:6

“INakkemi Batara, siagang tale'baKa' amminra. Lanri kammana, ikau ngaseng jari-jarina Yakub, tena nipanrakiko.

PAMMILANGNGANG 23:26

Appialimi Bileam angkana, “Sai le'ba'mi kupau mae ri katte karaeng angkanaya lakugaukangi sikontu apa Naparentakanga Batara?”

PAMMILANGNGANG 23:28

Jari naerammi Bileam mange ri coppo'na Moncong Peor assidallekanga siagang parang lompoa.

PAMMILANGNGANG 22:6

La'bi kassakangngangi ke'nanga na ikambe. Jari battu sako mae! Tunraimi anjo ke'nanga untu' inakke. Gassingka akkulleji ikambe ambetai ke'nanga siagang ambongkai ke'nanga battu anrinni ri pa'rasanganga. Nasaba' tappaka' angkanaya inai-nai tau nubarakkaki, langgappai barakka', siagang inai-nai nutunrai langgappai bala.”