PAMMILANGNGANG 22:41 - KITTA' MATANGKASA'

⁴¹ Ammukona bari'basa' nierammi Bileam ri Balak angngambi' ri Bulu' Bamot Baal. Battu anjoreng akkullei nacini' Bileam sipa'gang bansa Israelka.

PAMMILANGNGANG 22:41 Referans Kwoze

PAMMILANGNGANG 23:13

Nampa nakana Balak ri Bileam, “Umba ki'lampa siagang mange ri tampa' maraenga; battu anjoreng akkullei nucini' poro sipa'gang bawang bansa Israelka. Tunrami ke'nanga battu anjoreng.”

YEREMIA 48:35

LaKupammari tu Moab attunu koro'bang ri tampa'-tampa' panynyombanna ke'nanga, siagang Kupammari ke'nanga assare koro'bang mae ri rewata-rewatana ke'nanga. INakke, Batara, anne akkana.

2 PATTOTTORANG 11:15

Angngangkaki Yerobeam imang-imang untu' kalenna, untu' allayani tampa'-tampa' panynyombang barhalaya siagang untu' anynyomba ri jing-jing kammayatompa patung-patung sapi napareka kalenna.

PAOLE 12:2

Punna antama' mako ri anjo pa'rasanganga, musti nuancuru' ngasengi sikamma tampa'-tampa' panynyombanga irate ri moncong-moncong tinggia, ri bulu'-buluka siagang irawanganna poko'-poko' kayu copponga leko'na, tampa'na bansa niaka ammantang anjoreng untu' anynyomba ri rewata-rewatana ke'nanga.

PAMMILANGNGANG 21:28

Nia' se're wattu nabattu ri anne kotaya namaju pasukanna Sihon sanrapang pepe'. Angngancuruki kota Ar ri Moab, siagang angkoasai bulu'-bulu' niaka ri Arnon.

PAMMILANGNGANG 22:40

Anjoreng ri tampaka assaremi Balak koro'bang pirang kayu are sapi siagang gimbala'. Sipa'gang battu ri anjo dagenga napassareangi mae ri Bileam siagang sikamma pamimping naaganga.

PAMMILANGNGANG 23:1

Nakanamo Bileam mae ri Balak, “Ambangung mako ri anne tampaka tuju tampa' pakkoro'bangngang untu' inakke, siagang appasadia mako anrinni tuju kayu sapi laki siagang tuju kayu gimbala' laki.”

YEREMIA 19:5

Appaentengi ke'nanga tampa' pakkoro'bangngang untu' Rewata Baal, untu' ampassareangi ana'-ana'na ke'nanga a'jari koro'bang nitunu, padahala' tale'bakai Kusuro ke'nanga anggaukangi anjo kammaya, ba'lalo anjo kammaya tale'bakai ammumba lalang ri pikirangKu.