PAMMILANGNGANG 22:34 - KITTA' MATANGKASA'

³⁴ Appialimi Bileam angkana, “Dorakama'. Tena kuassengi angkana ikatte ammenteng ri tangngana aganga untu' anrompai ikambe. Mingka kamma-kamma anne, punna turu' ri panggappata tabajikai punna kupatulusuki anne pa'lampangku, lammoterekka'.”

PAMMILANGNGANG 22:34 Referans Kwoze

2 SAMUEL 12:13

Nampa nakanamo Daud ri Natan, “Dorakama' mae ri Batara.” Appialimi Natan angkana, “Le'ba' maki' Napammopporang Batara; jari tena kilamate karaeng.

1 SAMUEL 15:24

Nalangngere'na anjo, mangakumi Saul ri Samuel, angkana, “Memang dorakama'. Kudakkaimi parentaNa Batara siagang takujampangiami pitunjutta bapa'. Mallaka' ri ana' buaku nakuturukiang pappala'na ke'nanga.

1 SAMUEL 26:21

Appialimi Saul angkana, “A'gau' dorakama'. Daud, ammotere' mako ana'! Tenamo nakula'gau' ja'dala' mae ri kau, lanri nurellakanga' attallasa' ri bangngia. Tolo sikali panggaukangku. Lingu tojeng-tojemma' nakke!”

1 SAMUEL 15:30

Appialimi Saul angkana, “Dorakama'. Mingka kitulunga' bapa', ammotere' maki' siagang inakke sollangku akkulle assambayang ri Karaeng Allata'alata. Lalang kammana, kipakalompoma' ri dallekanna sikamma pamimpinna bansaku siagang ri dallekanna sikontu tu Israel.”

PANGNGEBARANG 24:18

Saba', mattantu laNaciniki Batara anjo panggaukannu siagang Nabilang ja'dalaki, nampa tenamo Nahukkungi anjo musunnu.

PAMMUJI 78:34

Kere wattu naNabuno Allata'ala siapa are jaina ri ke'nanga, assesse'lalammi maraenga nammotere' mae ri Ia.

1 PATTOTTORANG 21:7

Tena Nasannang Allata'ala ri anjo bilanga siagang Nahukkummi tu Israel.

1 SAMUEL 24:17

Nampa nakanamo ri Daud, “Ikau annaba, na inakke sala.

PAMMILANGNGANG 22:12

Nakanamo Allata'ala ri Bileam, “Teako a'lampai siagang anjo taua, siagang teako tunrai anjo bansaya, nasaba' anjo ke'nanga le'baki Kubarakkaki.”

PAMMILANGNGANG 14:40

Ammukona bari'basa' dudu, apparurumi ke'nanga ero' nai' ri coppo' buluka. Nakana ke'nanga, “Memang dorakami ikambe. Mingka kamma-kamma anne sadiami ikambe untu' a'lampa mange ri tampa' Najo'joka Batara.”

PAMMILANGNGANG 11:1

Ri se'reang allo appakkaramulami bansa Israel akkunrareng mae ri Batara passabakkang sikamma kasukkarranna ke'nanga. Nalangngere'na kunrarenna ke'nanga, larromi Batara siagang appabattumi pepe' mae ri ke'nanga. Anjo pepeka a'lemere'mi ri tangnga-tangngana ke'nanga na nakanre sa'genna ammutung sipa'gang pakkemaanna ke'nanga.

KALAPPASSANG 9:27

Nampa nakio'mi karaenga anjo Musa siagang Harun, na nakana, “Dorakama'. Batara annaba, inakke siagang ra'yakku a'gau' ja'dala'.

PAMMILANGNGANG 22:33

Ri wattungku nacini' keledainu, a'lili sa'genna pintallung. Punna tena, ma'nassa le'ba' mako kubuno, mingka kupasalamaki anjo keledaia.”