PAMMILANGNGANG 22:20 - KITTA' MATANGKASA'

²⁰ Anjo bangngia battumi Allata'ala mae ri Bileam na Nakana, “Battui anjo sikamma taua ampalaki sollannu ero' a'lampa siagang ke'nanga. Jari apparuru mako untu' a'lampa. Mingka iaji bawang akkulle nugaukang apa Kuparentakanga mae ri kau.”

PAMMILANGNGANG 22:20 Referans Kwoze

PAMMILANGNGANG 24:13

manna pole kisareang ngasenga' sikontu peraka siagang bulaeng niaka lalang ri balla' kakaraenganta, talakkullei kudakkai parentaNa Batara siagang anggaukangi apa nangaia pa'maikku? Iaji bawang lakupau apa Nasuro paua Batara ri nakke.”

PAMMILANGNGANG 23:26

Appialimi Bileam angkana, “Sai le'ba'mi kupau mae ri katte karaeng angkanaya lakugaukangi sikontu apa Naparentakanga Batara?”

PAMMILANGNGANG 23:12

Appialimi Bileam angkana, “Inakke iaji bawang akkulle kupau apa Nasuro paua Batara.”

PAMMILANGNGANG 22:35

Mingka nakanamo malaeka'Na Batara, “Amminawangko ri nakke siagang sikamma anjo taua. Mingka iaji bawang akkulle nupau apa kusuro paua.” Jari napannarrusu'mi jappana Bileam siagang anjo sikamma tunasuroa Balak.

HOSEA 13:11

LarroA' naKusareko karaeng, nampa lanri sanna' nassuKu naKupasinta' ke'nanga ammotere'.”

YESAYA 37:29

siagang Kulangngere'mi ri passala'na anjo kalarroannu siagang katampoannu. Kamma-kamma anne Kusarei pakkai' ka'murunnu siagang Kusarei sa'mang bawanu, nampa Kubesokko ammotere' allalo ri oloang nuoloa ri wattunnu battu.”

PAMMUJI 81:12

Mingka ummakKu taerokai mappilangngeri ri Nakke, taeroka Israel mannuruki ri Nakke.

PAMMILANGNGANG 23:16

Battumi Batara angngagangi assibuntulu' Bileam nampa Napauang apa mustia napau, nampa Nasuro ammotere' mange ri Balak untu' ampabattui anjo pasanNa Batara.

PAMMILANGNGANG 23:5

Nampa Napabattumo Batara mae ri Bileam apa musti napau, siagang Nasuromi ammotere' mange ri Balak untu' ampabattui pasanNa Batara mae ri ia.

PAMMILANGNGANG 22:19

Mingka baji'mi punna a'bangngi ngasengko anrinni sangkamma nagaukanga sikamma tunisuro rioloa. Eroki kuasseng angkanaya apaka nia' ija ero' Napau Batara mae ri nakke.”

PAMMILANGNGANG 24:4

le'baka allangngereki kana-kananNa Allata'ala siagang ancinikai apa Napappicinikanga Kaminang Koasaya, anra'bai, mingka tassungkei matanna.

YEREMIA 1:7

Mingka appiali Batara angkana, “Teako angkanai rungka dudu ija'. Punna Kusuroko mange manna pole ri nai, musti a'lampako, siagang sikontu apa Kusuro paua, musti nupabattui mae ri ke'nanga.