PAMMILANGNGANG 21:7 - KITTA' MATANGKASA'

⁷ Nampa battumo anjo bansaya andallekang ri Musa angkana, “Dorakami ikambe lanri a'moro-morona mae ri Batara siagang mae ri kau. Appala' doang mako mae ri Batara sollanna nipakabella anne sikamma ularaka battu ri kambe.” Jari appala' doammi Musa untu' anjo bansaya.

PAMMILANGNGANG 21:7 Referans Kwoze

LAMPA-LAMPANA 8:24

Nakanamo Simon mae ri Petrus siagang Yohanes, “Tulunga', nakipala' ri Batara sollanna tena lalo manna sirupa kajariang mae ri nakke, anjo apa kipaua.”

PAMMUJI 78:34

Kere wattu naNabuno Allata'ala siapa are jaina ri ke'nanga, assesse'lalammi maraenga nammotere' mae ri Ia.

PAMMILANGNGANG 11:2

Ammarrang-marrammi anjo taua appala' tulung ri Musa. Nampa appala' doammo Musa mae ri Batara, sa'genna matemo anjo pepeka.

KALAPPASSANG 8:8

Nakio'mi Karaenga Musa siagang Harun nampa nakana, “Appala' doang mako mae ri Batara sollanna Napa'lanynya' anne sikamma tumpanga, nampa kulappassang a'lampa bansanu untu' mange assare koro'bang mae ri Batara.”

1 KARAENG-KARAENG 13:6

Nampa nakanamo Karaeng Yerobeam ri anjo na'bia, “Tulunga' nuppala' doang mae ri Karaeng Allata'alanu untu' inakke. Palaki pangngamaseanNa sollanna Napakabaji' limangku!” Appala' doammi anjo na'bia ri Batara, nampa baji'mo limanna karaenga.

KALAPPASSANG 8:28

Nakanamo karaenga, “Baji'mi, kulappassangko a'lampa mange ri parang lompoa untu' assare koro'bang mae ri Batara, Allata'alanu, assala' tenaja nu'lampa bella. U'rangi, na nupappala' doanganga'!”

YAKOBUS 5:16

Lanri kammana, paralluko massing ammangakui kasalannu mae ri parannu tau, siagang sipappala' doangangko, sollannu nipammolle. Pappala' doangang situruka ero'Na Allata'ala, lompo sikali kakoasanna.

ROMA 10:1

Sikamma sari'battangku ngaseng! Sanna' ma'minasaku sollanna nipasalama' ngaseng sikontu bansaku. Nasanna'mo bateku ampappala' doangangi ke'nanga mae ri Allata'ala.

MATIUS 27:4

Nakanamo ri ke'nanga, “Dorakama' kubalukangi tau tenaya salanna, sa'genna nihukkung mate!” Appialimi ke'nanga angkana, “Ikatte tena naparallu kijampangi; anjo urusannu kau!”

HOSEA 5:15

LaKubokoi ummakKu sa'genna sukku'mo pa'risi'na ke'nanga lanri dosa-dosana, nampa battu ke'nanga amboyA'. Nakulle kapang lalang ri kapa'risanna ke'nanga nalappattujuammo amboyA'.”

YEREMIA 37:3

Karaeng Zedekia nakiringi Yukhal ana'na Selemya, siagang Imang Zefanya ana'na Maaseya untu' battu ampalaki ri nakke sollanna kuappala' doang mae ri Karaeng Allata'ala untu' kasalamakkanna bansaya.

YEREMIA 15:1

Nakana Batara ri nakke, “Tena nalaKukamaseang anne bansaya, manna pole nania' Musa siagang Samuel anrinni untu' ammenteng ampappalakkangi ke'nanga pangngamaseangKu. Suroi anne bansaya a'lampa, tena Kuero' anciniki ke'nanga!

PAMMUJI 106:23

Jari ero'mi Allata'ala ampossoki umma'Na, mingka nipisangkai ri Musa, tunipileNa. Musa a'jari antangngai ke'nanga, sa'genna naung larroNa Allata'ala.

AYUB 42:10

Nampa, ri le'ba'namo Ayub appala' doang untu' anjo tallua aganna, nipa'jari kalumanynyammi ammotere' ri Batara; a'lappi ruami kakalumanynyanganna na rioloa.

AYUB 42:8

Jari, angngalleko kamma-kamma anne tuju kayunna sapi laki siagang tuju kayunna bembe laki, nampa a'lampako mange ri Ayub. Passareang ngasengi anjo sikammaya, a'jari koro'bang untu' kalennu. Lappala' doangi Ayub untu' ikau ngaseng, nampa laKupilangngeri pappala' doanna. Tena nalaKupakasirikko, manna nusiratang annarima hukkungang. Teai kammatojenga nupau ri passala'na KalengKu, mingka Ayub napaui kammatojenga.”

1 SAMUEL 15:30

Appialimi Saul angkana, “Dorakama'. Mingka kitulunga' bapa', ammotere' maki' siagang inakke sollangku akkulle assambayang ri Karaeng Allata'alata. Lalang kammana, kipakalompoma' ri dallekanna sikamma pamimpinna bansaku siagang ri dallekanna sikontu tu Israel.”

1 SAMUEL 15:24

Nalangngere'na anjo, mangakumi Saul ri Samuel, angkana, “Memang dorakama'. Kudakkaimi parentaNa Batara siagang takujampangiami pitunjutta bapa'. Mallaka' ri ana' buaku nakuturukiang pappala'na ke'nanga.

PAOLE 9:20

Larro dudu tongi Batara mae ri Harun sa'genna eroki Nabuno; mingka kupappala' doangngang tongi.

KALAPPASSANG 32:30

Ammukona nakanamo Musa ri anjo bansaya, “Ikau doraka lompo ngaseng mako. Mingka kamma-kamma anne eroka' nai' poleang ri monconga untu' andallekang ri Batara; dasi-dasi na Napammopporanga' siagang Napammopporangi dosa-dosanu.”

KALAPPASSANG 32:11

Napala'mi Musa mae ri Karaeng Allata'alana, nakana, “O, Batara, angngapa namusti kamma anjo Kigaukang mae ri ke'nanga? Sai iKatte ampasalamaki ke'nanga battu ri Mesir siagang kakoasanTa na kagassingang lompoTa?

PA'JARIANG 20:7

Mingka kamma-kamma anne poterangi mae ri bura'nenna. Na'bi bura'nenna antu bainea, na lanapappala' doangangko sollanna tena numate. Mingka punna tena nanupoterangi, u'rangi angkanaya ikau siagang sikontu ra'ya'nu lamate ngasengko!”

PA'JARIANG 20:17

Nipa'jari tamanang ngasemmi ri Batara sikontu baine niaka ri balla' kakaraenganna Abimelekh passabakkang Sara, bainenna anjo Abraham. Nampa appala' doammo Abraham ri Allata'ala, sa'genna nipa'jari baji' ammotere' Abimelekh. Bainenna siagang sikamma atanna bainea, nipa'jari baji' ngaseng tommi ammotere' sa'genna akkulle ngasemmi ammana' poleang.

2 KARAENG-KARAENG 13:4

Nampa appala' doang Yoahas mae ri Batara, na Nalangngere'mo Batara anjo pappala' doanna, lanri nacini'na antekamma palla'na karaeng Siria anjallakkangi tu Israel.

YESAYA 26:16

Le'ba'mi Kihukkung ikambe; lalang ri kasukkarrang a'gilingi ikambe mae ri Katte, siagang appala' doang mae ri Katte, o Batara.

KALAPPASSANG 8:4

Anjo tumpanga la'lumpaki siagang lanaambikko, siagang sikontu pagawea kammayatompa ra'yaka.”

KALAPPASSANG 10:17

Kamma-kamma anne pammopporangi dosaku, siagang appala' doang mako mae ri Karaeng Allata'alanu, sollanna Naalle battu ri nakke anne hukkungang ammunoa tau.”