Biblia Todo Logo
Bib sou entènèt

- Piblisite -




PAMMILANGNGANG 21:34 - KITTA' MATANGKASA'

34 Nakanamo Batara mae ri Musa, “Teako mallakki mae ri ia. LaKusareko pammetang. Lanubetai anjo karaenga, sikontu ra'ya'na kammayatompa pa'rasanganna. Gaukammi ri ia sangkamma apa le'baka nugaukang mae ri Karaeng Sihon ammarentaya ri Hesybon.”

Gade chapit la Kopi




PAMMILANGNGANG 21:34
24 Referans Kwoze  

Iaminjo wattua numusti assulu' battu ri tampa' paccokkoannu, siagang nualle anjo kotaya. Karaeng Allata'alanu lampassareangi mae ri kau.


Saba' iNakke Batara, Allata'alanu, anta'galaki lima kanannu; kukana, ‘Teako mallakki, iNakke lantulungko.’ ”


Nampa nakana pole Elisa, “Mingka anjo sikammaya kara-kara ca'diji bawang mae ri Batara. Lanasare tongko pammetang mae ri tu Moab.


Nampa nia'mo sitau na'bi battu mae ri Karaeng Ahab siagang angkana, “Iaminne Nakananga Batara: ‘Lanri anjo tu Siria nakanangi ri daera pa'moncongangi bawang jari kakoasangKu na tena ri lappara' rawaya, laKusareko pammetang mae ri anjo tantarana ke'nanga, sannaka ta'liwa'na jaina. Ikau siagang ra'ya'nu lanuassengi angkanaya iNakkemi Batara.’ ”


Lalang anjo wattua, nia'mo sitau na'bi mange ri Karaeng Ahab na nakana, “Nakana Batara, ‘Nuciniki anjo tantara jaia? LaKusareko pammetang mae ri ke'nanga anne alloa. Lanuassengi angkanaya iNakkemi Batara.’ ”


Akkuta'nammi Daud ri Batara angkana, “Apa musti kubunduki anjo tu Filistin? Maka laKisarea' pammetang?” Appialimi Batara angkana, “Bundukimi. INakke lassareko pammetang.”


Lanri kammana anjo sikalipi pole Daud appala' pitunju' battu ri Batara. Nampa appialimi pole angkana, “Teako mallakki. Bundukimi kota Kehila, nasaba' anjo tantara Filistin laKupassareangi mae ri kau.”


A'janjimi Yefta mae ri Batara angkana, “Punna nasarea' pangngellai Batara nakubeta tu Amon,


Le'baki anjo nakanamo Yosua mae ri sikamma perwiraya, “Teako lussakki siagang teako mallakki. Paralluko tappa' siagang barani, nasaba' kammaminne caraNa Batara langgauki sikontu musunnu.”


Nakana Batara ri Yosua, “Teako mallakki mae ri ke'nanga. Le'ba'mi Kupattantu laKupassareang pammetanga mae ri kau; lanri kammana anjo tena manna sitau ri ke'nanga akkulle attahang angngewako.”


Paralluko majarre' pa'mai' siagang barani! Teako mallakki mae ri ke'nanga! Karaeng Allata'alanu KalenNa lantulungko. Tena nalaNapassalasako siagang tena nalaNabokoiko.”


‘Sikamma sari'battangku, pilangngeri anne! Anne alloa erokko maju a'bundu'. Teako mallakki yareka teako ca'di pa'maikki, yareka teako lingui.


LaNapassareangi sikamma karaenna ke'nanga mae ri kau. Lanubunoi ke'nanga, nampa nikaluppaimo arenna ke'nanga. Tena manna sitau akkulle attahang andallekangko; anjo ke'nanga lanuancuru' ngasengi.


Anjo Karaeng Og iami karaeng kala'busanga ri tu Refaim. Patti maya'na iamintu batu nipare'; la'buna appa' metere' na sangkara'na a'biringi rua metere' situru' siagang ukkurang le'baka nipattantu. Sa'genna kamma-kamma anne akkulle iji nicini' ri Raba, kotana tu Amon.)


Teako angngewai mae ri Batara, siagang teako mallakki mae ri tau niaka ammantang anjoreng ri pa'rasanganga, nasaba' gampang sikali lanibeta. Anjo alla'langiai ke'nanga a'lampami ambokoi ke'nanga, siagang Batara anrurungangki'. Jari teako mallakki.”


Mingka tena napa'biangki' Karaeng Sihon ammalo ri anjo pa'rasanganna. Nipa'jari kapala batumi ri Karaeng Allata'alanu siagang nakellai duduki' ambetai anjo Karaeng Sihon. Sa'genna kamma-kamma anne nipammantangngi iji daerana.


“Nampa a'giokki' a'lampa wara', mange ri Basan. Majumi Karaeng Og, iamintu karaeng Basan, siagang sikontu tantarana untu' ambundukiki' ri ampi'na kota Edrei.


Gassing nupikkiriki angkanaya la'bi jaiangngangi anjo bansa-bansaya sa'genna tanukulleai ambongkai ke'nanga.


Mingka teako mallakki mae ri ke'nanga; u'rangi apa le'baka Nagaukang Karaeng Allata'alanu mae ri karaeng Mesir siagang sikontu ra'ya'na.


Jari teako mallakki mae ri anjo bansa-bansaya. Karaeng Allata'alanu lanjagaiko. Iami Allata'ala malompo siagang sannaka heba'na.


Swiv nou:

Piblisite


Piblisite