PAMMILANGNGANG 20:28 - KITTA' MATANGKASA'

²⁸ Nampa nala'gasimi Musa pakeanna Harun siagang napataba mae ri Eleazar. Iratemi ri coppo'na anjo monconga mate Harun, nampa ammotere'mo naung Musa siagang Eleazar.

PAMMILANGNGANG 20:28 Referans Kwoze

PAOLE 10:6

Le'baki anjo a'lampami tu Israel battu ri bungung-bungunna tu Yaakan, siagang mangemi ri Mosera. Anjoremmi mate siagang nitarawang Harun. Ana'na, iamintu Eleazar, ansambeangi a'jari imang.

2 PETRUS 1:15

Jari lakuusahai sollanna manna pole matema', tuli lanuu'ranginna ammotere' yangasenna anne passalaka.

1 PATTOTTORANG 22:17

Nampa nasuromo Daud sikontu pamimping niaka ri Israel ambantui Salomo.

PAOLE 34:9

Yosua ana'na Nun nisarei kacara'dekang ri Batara lanri iami le'ba' nijo'jo' ri Musa a'jari sambenna. Mannuruki bansa Israel mae ri Yosua siagang napajappami parenta-parenta Napassareanga Batara mae ri ke'nanga tete ri Musa.

PAOLE 34:5

Nampa matemo Musa, anjo atanNa Batara, ri butta Moab, sangkamma le'baka Napau riolo Batara.

PAMMILANGNGANG 20:26

La'gasi pakeanna Harun nampa nupataba mae ri Eleazar. Harun lamatei anjoreng ri tampaka.”

PAMMILANGNGANG 20:27

Nagaukammi Musa anjo apa Naparentakanga Batara. Angngambi'mi Musa, Harun siagang Eleazar ri Moncong Hor, nicini' ri sikontu ummaka.

PAMMILANGNGANG 27:13

Punna le'ba'mi nucini', lamate mako sangkamma daennu Harun,

KALAPPASSANG 6:23

Korah nia' tallu ana'na bura'ne, iamintu: Asir, Elkana, siagang Abiasaf. Iaminjo ke'nanga boe-boena golongang kaluargana Korah.

KALAPPASSANG 29:28

Iaminne kaputusangKu tenaya nakkulle nipinra: Ri wattunna battu ummakKu ampassareangi anjo koro'bang passiamakkanga, barambanna siagang bongganna anjo olo'-oloka iami bageanna sikamma imanga. Iaminjo passarena ummakKu untu' iNakke.

PAMMILANGNGANG 20:1

Lalanna bulang se're nabattu sikontu umma' Israel ri parang lompo Zin nampa ammantang ri Kades. Anjorengi mate siagang nitarawang Miryam.

YOSUA 24:33

Nampa mate tommo Eleazar ana'na Harun, na nitarawang ri Gibea, iamintu kota niaka ri daera pa'monconganna Efraim. Anjo kotaya le'ba'mi nipassareang mae ri Pinehas, ana'na Eleazar.