PAMMILANGNGANG 20:12 - KITTA' MATANGKASA'

¹² Mingka nikalarroimi Musa siagang Harun ri Batara, angkana, “Lanri kurang tappa'nu sipa'rua mae ri Nakke untu' ampa'nyatai kakoasangKu matangkasaka ri dallekanna bansa Israel, tena nalanupimping ke'nanga antama' ri pa'rasangang Kupa'janjianga mae ri ke'nanga.”

PAMMILANGNGANG 20:12 Referans Kwoze

PAOLE 1:37

Passabakkang ikau ngaseng tommi Nalarro Batara mae ri nakke siagang Nakana, ‘Musa, manna ikau tena todong nukkulle antama' ri anjo pa'rasanganga.

YEHEZKIEL 36:23

LaKupicinikiangko anjo katangkassanna areng malompoKu, iamintu areng le'baka nura'massi ri tangnga-tangngana bansa-bansaya, sa'genna nuassemmo angkanaya iNakkemi Batara. INakke, Batara Kaminang Tinggia anne akkana. LaKupakeko untu' ampappicinikangi mae ri bansa-bansaya angkanaya iNakke anne matangkasakKa', Batara tenaya ruanna.

PAMMILANGNGANG 27:14

nasaba' ri parang lompo Zin le'bakko sipa'rua angngewai parentaKu. Ri wattunna a'moro-moro sikontu ra'yaka mae ri Nakke ri Meriba, tena nanupa'nyatai kakoasangKu ri dallekanna ke'nanga ri passala'na anjo je'neka.” (Anjo passalaka anjorengi kajariang ri timbuseng je'ne' Meriba, ri Kades, ri parang lompo Zin.)

PAMMILANGNGANG 20:24

“Tena nalantama' Harun ri pa'rasangang le'baka Kupa'janjiang mae ri bansa Israel; lamatei lanri ikau sipa'rua nubaliangi parentaKu ri ampi'na timbuseng je'ne' Meriba.

ROMA 4:20

Tuli tappaki siagang tena nabata-bata mae ri janjinNa Allata'ala. Ba'lalo, a'jari pila' jarre'mi nasaba' tappa'na; sa'genna mammuji-mujimi ri Allata'ala.

LUKAS 1:45

Mate'ne mako, lanri tappa'nu angkanaya lakajariangi ri kalennu anjo Napabattua Batara ri kau!”

LUKAS 1:20

Anne apa kupaua, ma'nassa la'rupai punna narapi'mo wattunna. Mingka lanri tenana nutappa', la'jari pepe mako; na iapa nukkulle a'bicara ammotere', punna a'rupamo anne apa kupauangangko.”

MATIUS 17:20

Appialimi Isa Nakana, “Nasaba' kurang tappa' ngasengko. U'rangi! Punna nia' tappa'nu manna sillompoja lisere' kaminang ca'di dudua, akkulleko angkana mae ri anne buluka, ‘A'lettekko anrinni mange anjoreng!’ ma'nassa tena ta'lette'na anne buluka. Jari tena takkulle nugaukang punna tappakko! [

YESAYA 8:13

U'rangi angkanaya iNakke, Batara Kaminang Makoasaya, tangkasakKa'. INakkeji bawang musti nukamallakkang.

1 PETRUS 3:15

Mingka lalang ri pa'mai'nu, parallui Almasi bawang nupakalompo situru' empoanNa salaku Batara. Siagang paralluko tuli sadia ampiali sikamma tau akkuta'nanga mae ri kau ri sesena panrannuang niaka ri kau.

YOHANES 1:17

Nitarimai HukkunNa Batara, tete ri Musa. Mingka pangngamaseang siagang pangngatutuiNa Allata'ala nipa'nyatami lalang ri Isa Almasi.

MATIUS 17:17

Appialimi Isa angkana, “Teaiko anne sipato' ngaseng! Ma'nassa tau sala oloang ngasengko siagang tena ngaseng tappa'nu. Siapapi salloKu lammantang siagang lasa'bara' ri tangnga-tangnganu ngaseng? Erangi mae anjo anaka!”

YEHEZKIEL 38:10

Nakana Batara Kaminang Tinggia ri Gog, “Anjo wattua lapparekko rancana ja'dala'.

YEHEZKIEL 20:41

Punna le'bakko Kuerang assulu' battu ri pa'rasangang-pa'rasangang tampa'nu nipasisa'la'-sa'la', laKupasse'reko nampa Kutarima sikamma koro'bang nitununu. Nampa naassemmo sikontu bansaya angkanaya iNakke anne Allata'ala Kaminang Matangkasaka.

YESAYA 7:9

Anjo Israel tena nakassakkangngang na Samaria, iamintu ibukotana, kammayatompa anjo Samaria tena nakassakkangngang na Karaeng Pekah. Punna tena nuttojeng-tojeng tappa' mae ri Nakke, mattantu tena nukkulle lattahang.”

2 PATTOTTORANG 20:20

Ammukona bari'basa' dudu, assulu'mi ra'yaka nampa a'lampa mange ri daera parang lompoa ri ampi'na Tekoa. Ri wattunna ero' appakkaramula ke'nanga a'lampa, appasammi Karaeng Yosafat ri ke'nanga angkana, “He ra'ya' Yehuda siagang Yerusalem! Tappakko mae ri Karaeng Allata'alanu, sollannu akkulle attahang. Tarimai pappakainga'na na'bi-na'binu, sollannu akkulle ammeta.”

YOSUA 1:2

Nakana Batara, “Matemi atangKu Musa. Jari baji'mi punna apparuru mako siagang sikontu umma' Israel kamma-kamma anne, untu' a'limbang ri Binanga Yordan, siagang ampantamakki pa'rasangang Kupassareanga mae ri ke'nanga.

PAOLE 34:4

Nampa Nakanamo Batara mae ri Musa, “Iaminjo pa'rasangang Kupa'janjianga mae ri Abraham, Ishak siagang Yakub untu' nipassareang mae ri jari-jarina ke'nanga. Kupappicinikangi mae ri kau, Musa, mingka tena naKupa'biangko a'lampa mange anjoreng.”

KAIMANGNGANG 10:3

Jari nakanamo Musa mae ri Harun, “Iaminjo natabaya kananNa Batara ri wattunna angkana, ‘Sikontu allayania mae ri Nakke musti napakala'biriki katangkasangKu. Kupa'nyatai kalompoangKu mae ri sikontu bansaKu.’ ” Mingka tena nakkana-kana Harun.

PAMMILANGNGANG 11:15

Punna tuli nipakamma' anne Batara, Kikamaseanga'; bajikangngang bunoma' linta' sollanna tenamo nakukasiaki anne kasessang kammaya.”

PAOLE 4:21

Mingka a'jari larromi Karaeng Allata'alanu mae ri nakke passabakkang ikau ngaseng, siagang assumpami angkanaya tena nalakulimbang Binanga Yordan untu' antama' ri butta coppong le'baka Napassareang mae ri kau.

PAMMUJI 99:8

O, Karaeng Allata'alana ikambe, Kipilangngeri ummatTa; iKatte Allata'ala mangngaia ampamopporangi ke'nanga, manna naKihukkung ke'nanga lanri kasalanna ke'nanga.

PAMMUJI 106:32

Ri bungung-bungung Meriba napakanassui ke'nanga Batara, napakasusai Musa lanri panggaukanna ke'nanga.