PAMMILANGNGANG 19:21 - KITTA' MATANGKASA'

²¹ Anjo paratoranga nipakei untu' satunggu-tungguna. Anjo tau ampiraccikiai anjo je'ne' upacaraya musti nasassa tongi pakeanna, siagang anjo tau natabaya anjo je'neka a'jari ra'masaki sa'genna labu alloa.

PAMMILANGNGANG 19:21 Referans Kwoze

IBRANI 10:4

Nasaba' tena memang nakkulle anjo cera' sapia siagang cera' bembe lakia ampa'lanynyaki dosaya.

IBRANI 9:10

Nasaba' anjo upacara-upacaraya poro mange bawang ri passala' kanre-kanreang, inung-inungang, siagang a'rupa-rupa upacara pannangkasi. Yangasenna anjo poro paratorang-paratorang nacinikaji bawang mata, akkullea tappake sa'genna bawang ri wattunna Naberui ngaseng Allata'ala sikontu apa-apa niaka.

IBRANI 7:19

Takkulleai hukkung agama Yahudia ampa'jari sukkuki baji'na se'rea apa-apa. Lanri kammanami anjo nakinisaremo kamma-kamma anne panrannuang la'bi bajikanganga; iaminjo patteteang nakiakkulle a'reppese' mae ri Allata'ala.

KAIMANGNGANG 11:40

Tau angngeranga yareka tau angnganrea bakke kammaya anjo musti nasassai pakeanna, mingka tuli ra'masa'na sa'genna labu alloa.

KALAPPASSANG 27:21

Harun siagang sikamma ana'na musti angngurusuki anjo lampua battu ri karueng sa'genna bari'basa' ri tampa' kahaderangKu, pantaranna kaeng ta'gentunga ri dallekanna Patti Parjanjianga. Anjo parentaya musti nigaukangi untu' satunggu-tungguna ri tu Israel siagang sikontu jari-jarina.”

PAMMILANGNGANG 19:7

Nampa musti nasassai pakeanna siagang a'je'neki imanga. Le'baki anjo akkullemi antama' ri pakkemaanga, mingka tuli ra'masa'na ija sa'genna labu alloa.

PAMMILANGNGANG 18:23

Appakkaramula kamma-kamma anne tu Lewiji bawang akkulle angngurusuki KemaKu siagang ampisangi tanggong jawaka mae ri anjo jama-jamanga. Anjo paratoranga nipake tongi mae ri jari-jarinu sa'genna satunggu-tungguna. Tu Lewi tena pambageang warisi'na ri Israel,

PAMMILANGNGANG 19:8

Anjo tau antunuai anjo sapia musti nasassa tongi pakeanna siagang musti a'je'neki; ia ra'masa' tongiji sa'genna labu alloa.

PAMMILANGNGANG 19:10

Anjo tau ampasse'reai anjo auna sapia musti nasassai pakeanna, mingka ra'masa' iji sa'genna labu alloa. Anne paratoranga nipakei sa'genna satunggu-tungguna, baji' mae ri tu Israel kammayatompa mae ri bansa maraeng ammantang tulia ri tangnga-tangngana ke'nanga.