PAMMILANGNGANG 18:13 - KITTA' MATANGKASA'

¹³ Yangasenna anjo kammaya untu' ikau. Tunggala' anggota kaluarganu tenaya nara'masa' akkullei nakanre.

PAMMILANGNGANG 18:13 Referans Kwoze

KALAPPASSANG 22:29

Ri allo le'baka nipattantu, angngerangko passare mae ri Nakke, iamintu bageang battua ri wassele' gandunnu, je'ne' anggoro'nu siagang minynya' zaitunnu. Passareangi mae ri Nakke ana' bura'ne bungasa'nu,

MIKHA 7:1

Cilakama' inakke! Rapanga' tau cipuruka a'lampa mange angngattili' rappo anggoro' ri wattunna allalomo wattu rappoa. Tena rapponna poko' rappo-rappoanga. Rappo anggoroka siagang rappo ara bajika la'busu' kabusu'mi nialle.

HOSEA 9:10

Nakana Batara, “Ri wattu uru Kubuntulu'na Israel, rannuA' rapang tau anggappaya rappo anggoro' ri parang lompoa. Ri wattu uru Kucini'na boe-boenu sanna' sannanna nyawaKu, rapang tau uru ancinikai rappo bungasa'na rappo araya. Mingka, ri wattunna a'lampa ke'nanga mange ri Bulu' Peor, appakkaramulami ke'nanga anynyomba ri Baal, sa'genna a'jari ra'masa' ke'nanga sangkamma ra'masa'na anjo rewata nangaia ke'nanga.

YEREMIA 24:2

Anjo baku' makase'rea rassi rappo ara baji'-bajika ngaseng, sangkamma rappo ara bungasaka; nampa anjo baku' makaruaya rassi rappo ara bottoka ngaseng, sa'genna takkullea nikanre.

KALAPPASSANG 23:19

Tunggala' taung musti angngerangko mae ri Balla'Na Karaeng Allata'alanu gandunnu uru nukattoa. Dagenna ana' gimbalaka yareka ana' bembea takkulleai nipasipallu siagang dadi'na anronna.”

KALAPPASSANG 34:26

Tunggala' taung musti angngerangko mae ri Balla'Na Karaeng Allata'alanu iamintu wassele' bungasa'na buttanu. Dageng gimbalaka yareka dageng ana' bembea takkulleai nipallu siagang je'ne' susunna anronna.”

PAOLE 26:2

musti massing nupantamaki bageang uru-uru panggappannu battu ri pakkattoanga ri se'reang baku', nampa nuerang mange ri tampa' ibada le'baka nitantukang.

YEHEZKIEL 44:30

Sikamma imanga musti nisareangi bageang kaminang bajika battu ri sikontu wassele' alleang bungasaka, siagang battu ri apa-apa mamo nipassareanga mae ri Nakke. Punna appare' bansa Israel roti, anjo roti bungasa' nipareka musti untu' imanga. Jari laKubarakkaki ruma tanggana bansa Israel.

KAIMANGNGANG 22:7

Punna labumo alloa a'jari tangkasa'mi siagang akkullemi nakanre, lanri iaminjo kanrena.

KAIMANGNGANG 23:17

Tunggala' kaluargaya musti assarei ruang batu roti untu' passare nipappicinikang mae ri Batara. Tunggala' rotia musti nipareki battu ri ruaya kilo labu' alusu' ammakea pa'gambang siagang musti nipassareangi mae ri Batara salaku passare wassele' butta bungasaka.

PAOLE 18:4

Wassele' bungasa'na gandunnu, je'ne' anggoro'nu, minynya' zaitunnu siagang bulu gimbala'nu, bageanna todong ke'nanga.

2 KARAENG-KARAENG 4:42

Ri se'reang wattu maraeng, nia' sitau bura'ne battu ri Baal-Salisa. Napangngerangngangi Elisa gandung beru nikatto kammayatompa ruampulo roti nipareka battu ri wassele' bungasaka ri wattu pakkattoang anjo taunga, kammayatompa battu ri gandung beru nikattoa. Nasuro bagemi Elisa anjo rotia mae ri anjo na'bi-na'bia,

2 PATTOTTORANG 31:5

Le'baki nipa'la'bang nipabattu anjo parentaya, massing angngerammi tu Israel mange ri Balla'Na Batara passarena ke'nanga iamintu massing wassele' bungasa' nagappaya ke'nanga, kammayami anggoro', tarigu, minynya' zaitun, je'ne' bani, siagang wassele' lamung-lamung maraengannaya. Angngerang tommi ke'nanga passare bage sampulona battu ri pa'barang-baranganna ke'nanga.