Biblia Todo Logo
Bib sou entènèt

- Piblisite -




PAMMILANGNGANG 17:5 - KITTA' MATANGKASA'

5 Anjo takkanna tau Kupilea laccu'laki. Kammaminjo caraKu lampamari kunrarenna sikamma tau tulusu' a'moro-moroa mae ri kau.”

Gade chapit la Kopi




PAMMILANGNGANG 17:5
21 Referans Kwoze  

Nampa nakana mae ri Korah siagang sikamma tumminawanna, “Ammuko bari'basa' laNappicinikangi Batara mae ri katte angkana inai umma'Na, siagang inai nisa'la' untu' mae ri KalenNa. Tau Napilea lanipa'biangi a'reppese' mae ri Ia.


Nakana Batara, “UmmakKu ammengka salaya, Kuallei ammotere' naKukamaseang sikontu pa'mai'; talaKukalarroiami pole ke'nanga.


Lanatunui ke'nanga sikamma balla'nu nampa nasuro sikamma tubai'-bainea anciniki anjo hukkunganga. Kammami anjo bateKu lampamariko ri gau' bawannu. Tenamo nula'bage-bage hadia mae ri sikamma tanrinnu.


Ammukona bari'basa', ri wattunna antama' Musa ri KemaNa Batara, nacini'ni angkanaya anjo takkanna Harun, iamintu takkanna tu Lewia, accu'la'mi. A'bungami anjo takkanga, siagang a'rappo toami!


Punna ikau siagang sikamma tumminawannu a'moro-moro mae ri Harun, sikontutojenna angngewa mako mae ri Batara!”


Kammami anjo bateKu lampamari balere'nu siagang sikontu gau' bawang nugaukanga appakkaramula ri nia'nu ri Mesir. Tenamo nulamanrannuang pole mae ri manna pole barhala battu kemae yareka angngu'rangi mae ri Mesir.”


Ri wattu labattua sallang, bansa Israel lasanrapangi poko' kayu angngaka' siagang a'bakka', siagang napirassi tompo'na buttaya siagang rappo-rapponna.


Nakana Batara, “LaKuhukkungi linoa lanri kaja'dallanna, siagang tau ja'dalaka lanri dosa-dosana ke'nanga. Tunggala' tau tampoa laKupakatunai, siagang laKuhukkungi tau borroa siagang pallaka.


Turunganna Karaeng Daud rapangi poko' kayu le'baka nita'bang. Mingka sanrapang attimbona pole cu'la' berua battu ri tonasa'na, kamma tomminjo lania' sitau karaeng lammumba battu ri turunganna Daud.


Nutollaki ajaranNa Batara Kaminang Koasaya, na nuhina parentaNa Allata'ala matangkasa'na tu Israel. Lanri kammana anjo, rapang rarame siagang ruku' kalotoro' la'busu' nakanre pepe', kamma tomminjo aka'-aka'nu la'jari bottoki, bunga-bungannu la'jari kalotoroki na la'busu' nairi' anging.


Nampa Nakanamo Batara mae ri Musa, “Padongkoki ammotere' takkanna Harun ri dallekanna Patti Parjanjianga. Anjo takkanga musti niboliki salaku pappiu'rangi mae ri tu Israel nangaia angngewa, sollanna mate ke'nanga punna tena nammari a'moro-moro.”


Takkullea tongki' a'moro-moro, akkunrareng; sangkamma nagaukanga ke'nanga riolo, sa'genna nibuno ke'nanga ri Malaeka'na Kamateanga.


Ammuko lanucini' ngasengi singara' kahaderanNa Batara. Nalangngereki Batara angkanaya larro-larro ngasengko mae ri Ia; iyo, Batara nukalarroi, nasaba' anne ikambe poro parentaNaji nagaukang ikambe.


Ri se'reang allo appakkaramulami bansa Israel akkunrareng mae ri Batara passabakkang sikamma kasukkarranna ke'nanga. Nalangngere'na kunrarenna ke'nanga, larromi Batara siagang appabattumi pepe' mae ri ke'nanga. Anjo pepeka a'lemere'mi ri tangnga-tangngana ke'nanga na nakanre sa'genna ammutung sipa'gang pakkemaanna ke'nanga.


Anjo passalaka napabattumi Musa mae ri tu Israel. Nampa sikamma pamimpinga massing napassareammi takkanna mae ri Musa, tasse're takkang untu' tunggala' pamimping sukua. Yangasenna nia' sampulo anrua, na nia' takkanna Harun ri alla'na anjo sikamma takkanga.


Nampa Nasuro Musa atanNa siagang Harun tunipileNa.


Punna a'lettekko, tu Lewi musti ambongkaraki KemaKu, nampa napasang ammotere' ri tampa' pakkemaang berua. Pantaranganna ke'nanga, manna nai punna a'reppeseki ri anjo KemaKu musti nihukkung matei.


parallui nupauang ke'nanga angkanaya ammantangi a'lo'loro' je'ne'na Binanga Yordan ri wattunna nierang a'limbang Patti ParjanjianNa Batara ri anjo binangaya. Anjo batu-batua latuli ampiu'rangiangi bansa Israel mae ri apa kajarianga anrinni.”


Ri wattunna kassa'mo Uzia, a'jari tampomi, siagang iami anjo a'jari saba' naancuru'. Nadakkai parentaNa Karaeng Allata'alana lanri antamaki ri Balla'Na Batara untu' attunu dupa irate ri tampa' pakkoro'bangngang dupaya.


Swiv nou:

Piblisite


Piblisite