PAMMILANGNGANG 15:35 - KITTA' MATANGKASA'

³⁵ Nakanamo Batara mae ri Musa, “Anjo taua musti nihukkung matei. Musti nierangi assulu' ri pantaranganna pakkemaanga nampa anjoreng musti nisambilai ri sikontu ummaka siagang batu sa'genna mate.”

PAMMILANGNGANG 15:35 Referans Kwoze

LAMPA-LAMPANA 7:58

Nare'resammi ke'nanga Stefanus assulu' battu ri kotaya nampa namanang-manangngi nasambila batu. Naboli'mi pakeanna anjo tau ancinikai anjo apa kajarianga mae ri se'rea tu rungka niarenga Saulus.

1 KARAENG-KARAENG 21:13

Nia'mo rua pajaba' ammempo assidallekang siagang Nabot. Na ri dallekanna tujaia nitudumi angkanaya natunrai Allata'ala siagang karaenga. Lanri kammana anjo nierammi assulu' ri pantaranganna kotaya nampa nisambila batu sa'genna mate.

PAOLE 21:21

Nampa tu bura'ne niaka ri anjo kotaya musti nasambilai anjo anaka siagang batu sa'genna mate. Kammaminjo caranu ampaccappuki kaja'dallang kammaya anjo. Sikamma tu Israelka lanalangngereki kabara'na anjo kajarianga siagang a'jari malla'mi.”

KAIMANGNGANG 24:23

Le'baki napabattu Musa sikamma anjo kana-kanaya mae ri bansa Israel, naerammi ke'nanga anjo tau le'baka antunrai Allata'ala assulukang ri pantaranganna pakkemaanga nampa nisambila siagang batu sa'genna mate. Kammaminjo carana tu Israel anggaukangi apa le'baka Naparentakang Batara mae ri Musa.

KAIMANGNGANG 20:2

ampabattui anne passalaka mae ri bansa Israel angkanaya, “Inai-nai ri kau yareka bansa maraeng niaka ammantang tuli ri alla'nu angkoro'bangkangi ana'na mae ri Rewata Molokh, musti nisambilai batu ri tau jaia sa'genna mate.

LUKAS 4:29

Ammentemmi ke'nanga nampa nabongka Isa assulu' ri pantaranganna anjo kotaya. Naerammi ke'nanga Isa mange ri tubiri'na buluka ero' nasorongang naung.

KAIMANGNGANG 20:27

Inai-nai tu bura'ne yareka tubaine appare' passisambungang siagang roh-rohna tau matea, musti nisambilai batu sa'genna mate. Anjo taua matei lanri salana tonji.”

PAMMILANGNGANG 15:36

Jari nierammi anjo taua ri sikontu ummaka assulukang ri pantaranganna pakkemaanga nampa nisambilai batu sa'genna mate, sangkamma Naparentakanga Batara.