PAMMILANGNGANG 15:27 - KITTA' MATANGKASA'

²⁷ Punna sitauji bawang anggaukangi anjo dosa tenaya nikunjungi, anjo taua musti assarei koro'bang sikayu bembe gana umuru' sitaunga untu' koro'bang pammopporang dosa.

PAMMILANGNGANG 15:27 Referans Kwoze

1 TIMOTIUS 1:13

Riolo le'baki kupitina, kusessa siagang kuhina. Mingka manna nakamma Nakamaseang tonja' Allata'ala, nasaba' anjo wattua tenapa nakutappa', jari takuassengai anjo apa kugaukanga.

LAMPA-LAMPANA 17:30

Anjo wattu kadongokanta Nakaluppaimi Allata'ala, mingka kamma-kamma anne Nasuromi toba' battu ri dosa-dosana sikontu rupataua ri lino.

LAMPA-LAMPANA 3:17

Sikamma sari'battangku ngaseng! Kamma-kamma anne kuassemmi angkanaya anjo apa nugaukanga siagang pamimping-pamimpinnu mae ri Isa, apa tena ngaseng nanupahangi nanugaukangi.

LUKAS 12:48

Mingka inai-nai palayang tangngassengai ero'na karaenna, nampa nia' kasalang nagaukang sa'genna musti nicambo', latenaja nasanna' dudu nicambo'. Nasaba' inai-nai le'ba' nisare jai, lajai tongi nipappalakkiangi. Na inai-nai jai nipappirannuang ri kalenna, lajai tongi nituntu' battu ri kalenna.”

KAIMANGNGANG 4:2

ampa'la'bangi napau mange ri tu Israel angkanaya inai-nai tena nasangajakki a'gau' dosa lanri nadakkai kalase'renna parentaNa Batara, musti nipinawangi anne paratoranga.

PAMMILANGNGANG 6:14

siagang angngerang mae ri Batara tallung kayu olo'-olo' tenaya callanna: sikayu ana' gimbala' laki umuru' sitaunga untu' koro'bang nitunu, sikayu ana' gimbala' gana umuru' sitaunga untu' koro'bang pammopporang dosa, siagang sikayu gimbala' laki untu' koro'bang passiamakkang.