PAMMILANGNGANG 14:42 - KITTA' MATANGKASA'

⁴² Teako mangei a'bundu'! Lanibetako ri musu-musunnu lanri tena Narurungangko Batara.

PAMMILANGNGANG 14:42 Referans Kwoze

PAOLE 1:42

Mingka Nakana Batara mae ri nakke, ‘Teako lappassangi ke'nanga a'lampa mange a'bundu', lanri tena nalaKururungang ke'nanga; nibetai ke'nanga sallang ri musunna.’

YOSUA 7:12

Iaminjo saba'na natenamo nakkulle attahang ke'nanga andallekangi musua. Nitunrungi nipamono' boko ke'nanga ri musua, lanri kalenna ke'nanga nipitujuimi hukkungang untu' niancuru'. Tenamo nalaKururungangko, punna tenapa naniancuruki anjo barang-barang tenaya nakkulle nialle.

YOSUA 7:8

O, Batara! Le'ba'mi nitunrung nipaono' boko tu Israel. Kamma-kamma anne apami lakukana?

PAMMILANGNGANG 14:43

Ri wattunnu assidallekang sallang siagang anjo tu Amalek siagang tu Kanaan, lamateko lalang pa'bundukang. Tena nalaNarurungangko Batara, lanri taero'nu mannuruki ri Ia.”

PAOLE 31:17

Punna kajariang anjo kammaya, la'bettese'mi larroKu mae ri ke'nanga. LaKubokoi ke'nanga siagang laKupanraki. Jai bala lompo lantujui ke'nanga; nampami sadara' ke'nanga angkanaya nakajariang ngaseng anjo kammaya lanri iNakke, Allata'alana ke'nanga, tenamo naKururungangi ke'nanga.

HAKING-HAKING 16:20

Nampa ammarrang angkana, “Simson! Niaki battu tu Filistin!” Ambangummi Simson nanapikkiri' kapang angkana akkullei tallappasa' sangkamma allalo-lalloa. Tanaassengai angkanaya nibokoimi ri Batara.

2 PATTOTTORANG 15:2

sa'genna a'lampa mange assicini' siagang Karaeng Asa, nampa nakana, “He Karaeng Asa, siagang ikau ngaseng sikontu pandudu' Yehuda siagang Benyamin! Pilangngeri anne! A'reppeseki Batara punna a'reppesekko mae ri Ia. Punna appalakko pangngunju' ri Batara, laNasareko. Mingka punna tena numanjampangi ri Ia, tena todong nalaNajampangiko.

PAMMUJI 89:43

Kisarei pammetang musu-musunna, Kipa'jari rannu ngasengi sikontu balinna.