PAMMILANGNGANG 14:33 - KITTA' MATANGKASA'

³³ Patampulo taungi ana'-ana'nu la'jappa ri parang lompoa. Lanri tena namajarre' pa'mai'nu, lasessai ana'-ana'nu, sa'genna matemo tau kala'busanga ri kau.

PAMMILANGNGANG 14:33 Referans Kwoze

YEHEZKIEL 23:35

Batara Kaminang Tinggia Nakana, “Lanri takkaluppa mako siagang a'boko mako battu ri Nakke, lanupisa'ringimi pa'risika passabakkang balere'nu siagang passundallannu.”

PAMMILANGNGANG 32:13

Larroi Batara mae ri bansa Israel sa'genna Nalappassang ke'nanga a'la'ba' a'lampa ri parang lompoa patampulo taung sallona, sa'genna sikontu anjo tau angngewaya mae ri ia mate ngasemmi.

PAMMUJI 107:40

Nipakatunai ri Batara sikamma pamarentana ke'nanga, na nisuro ke'nanga a'la'bang a'lampa ri parang lompoa ia tenaya oloanna.

PAOLE 2:14

Anjo kajariangi ri wattunna tallumpulo assagantuju taung le'ba'namo nibokoi Kades-Barnea. Sikontu tantaraya ri anjo silapisika turungang mate ngasemmi sangkamma Nakananga Batara.

HOSEA 9:1

He bansa Israel, tea' mako pakalompoi pole allo-allo lomponu sangkamma bansa-bansa maraenga. Nubokoimi Allata'alanu siagang tenamo namajarre' pa'mai'nu mae ri Ia. Ri tampa'-tampa' panggilingang gandunga nubalukangi kalennu a'jari rapang pasundala' mae ri Rewata Baal, siagang sannangi nyawanu antarimai gandung nukanaya sawala' nugappa battu ri anjo rewataya!

PAMMUJI 107:4

Nia' a'la'bang mange-mange ri parang lompoa, tanaassenga oloang mange ri pammantangnganga ri kotaya.

YOSUA 14:10

Kamma-kamma anne patampulomi allima taung baku' le'ba'na Napau Batara anjo passalaka mae ri Musa. Anjo kajariangi ri wattu sitabanna a'jappa alla'bang bansa Israel ri parang kassika. Na kamma le'baka nipa'janjiang ri Batara, le'ba'ma' Nala'langngi Batara sa'gengku attallasa' ija sa'genna kamma-kamma anne. Ciniki, kamma-kamma anne sagantuju pulomi allima taung umurukku,

PAOLE 1:3

Ri tanggala' se're bulang sampulo asse're lalang taung makapatampulona le'ba'na nabokoi ke'nanga butta Mesir, napabattumi Musa mae ri anjo bansaya sikontu apa Nasuro pabattua Batara mae ri ke'nanga.

PAMMILANGNGANG 33:38

Situru' parentaNa Batara, naiki Imang Harun ri Moncong Hor. Anjoremmi mate ri tanggala' se're bulang lima ri taung makapatampulona bansa Israel le'ba' nabokoi butta Mesir. Umuru' 123 taung namate Harun.

PAMMILANGNGANG 5:31

Anjo bura'nea ta'lappasaki battu ri kasalanga; mingka bainenna, punna ma'nassa kasalang tojengi, musti natanggongi kodina kale'bakkanna.

LAMPA-LAMPANA 7:36

Iaminjo Musa ampimpingi bansa Israel assulu' battu ri Mesir; iami anggaukangi anjo gau'-gau' appakalannasaka ri Mesir, ri Tamparang Ejaya, kammayatompa ri parang lompoa patampulo taung sallona.

KALAPPASSANG 20:5

Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

PAOLE 2:7

U'rangi antekamma bateNa Karaeng Allata'alanu le'ba' ambarakkakiko lalang sikontu apa nugaukanga. Naparakaiko siapa sallonu lalang ri pa'la'bakkannu a'jappa ri anne parang lompoa. Nala'langngiko lalang anne patampulo taunga siagang Nasareko sikontu apa nuparalluanga.

PAOLE 8:2

U'rangi! Patampulo taungko Napimping Karaeng Allata'alanu lalang pa'jappang bella ammalo ri parang lompoa. Erokko Naso'ri Batara ilalang ri anjo pa'jappanga, sollanna akkulle Nacini' apa niaka lalang ri atinnu, siagang apaka lanuturukiji parenta-parentaNa yareka tena.

PAOLE 8:4

Lalanna anne patampulo taunga tena na'jari toa pakeannu siagang tena nakkambang bangkennu.

PAOLE 29:5

Patampulo taungi sallona Batara ampimpingko a'jappa ri parang lompoa, mingka tena na'jari toa pakeannu siagang sandala'nu.

PAMMUJI 78:33

Jari Napa'le'ba'mi tallasa'na ke'nanga sanrapang nappasa', cappu'mi taung-taung tallasa'na ke'nanga lalang kamallakkang.