Biblia Todo Logo
Bib sou entènèt

- Piblisite -




PAMMILANGNGANG 13:21 - KITTA' MATANGKASA'

21 Jari a'lampami anjo ke'nanga mange ri bageang wara' nampa nasalidiki anjo pa'rasanganga appakkaramula battu ri parang lompo Zin ri bageang timboro' sa'genna wara' ri kota Rehob, ri ampi'na agang mangea ri Hamat.

Gade chapit la Kopi




PAMMILANGNGANG 13:21
15 Referans Kwoze  

Lalanna bulang se're nabattu sikontu umma' Israel ri parang lompo Zin nampa ammantang ri Kades. Anjorengi mate siagang nitarawang Miryam.


nasaba' ri parang lompo Zin le'bakko sipa'rua angngewai parentaKu. Ri wattunna a'moro-moro sikontu ra'yaka mae ri Nakke ri Meriba, tena nanupa'nyatai kakoasangKu ri dallekanna ke'nanga ri passala'na anjo je'neka.” (Anjo passalaka anjorengi kajariang ri timbuseng je'ne' Meriba, ri Kades, ri parang lompo Zin.)


Kaluarga-kaluarga battua ri suku Yehuda annarimai pambageang butta kammaya anne pa'baeng-baenna: Ri bageang timboro', anjo daeraya a'la'bui sa'genna mange ri kaminang cappa' timboro'na daera parang lompo Zin ri pa'baeng-baenna Edom;


nampa daera bansa Gebal, siagang sikontu daera Libanon a'lampa anrai', battu ri Baal-Gat ri bageang timboranna Moncong Hermon, tulusu' mange ri oloang mangea ri Hamat.


Mae mako ciniki ri Kalne, siagang a'jappa tulusu' mako mange ri anjo kota Hamat lompoa, nampa mange ri kota Gat ri Filistin. Nukapangi angkanaya anjo kota-kotaya la'bi bajiki nakakaraengang Yehuda siagang Israel. Maka la'bi lompoangangi daerana ke'nanga nadaeranu?


Karaeng Tou battu ri Hamat nalangngereki angkanaya le'ba'mi nabeta Daud sikontu tantarana Hadadezer.


Ikau sipa'rua tena namajarre' pa'mai'nu mae ri Nakke siagang tena nupakala'birikKa' ri dallekanna bansa Israel ri wattunnu nia' ri timbuseng je'ne' Meriba, ri ampi'na kota Kades, ri parang lompo Zin.


Antama'mi ke'nanga ri anjo daera monconga sa'genna Ka'bung Eskol bellana, nampa a'la'ba' ke'nanga anjappai.


Iaminne kananNa Batara ri sesena Damsyik. “Pandudu'na kota Hamat siagang Arpad ranggaselai siagang lussaki lanri allangngereki kabara' kodi. Lussaki siagang ta'ronang-ronangi atinna ke'nanga rapang bombang ri tamparanga.


Nampa nierang Karaeng Zedekia mange ri Karaeng Nebukadnezar ri kota Ribla ri daera Hamat, nampa nitappuki hukkungang mate nagappa.


mange ri Berota siagang Sibraim (kota-kotaya anjo ri alla'nai kota Damsyik siagang kota Hamat pammantanganna), nampa mange ri kota Hazar-Enan, ri pa'baeng-baenna kota Hauran.


nampa battu anjoreng mange ri Oloang Hamat, nampa tulusu' mange ri Zedad


Swiv nou:

Piblisite


Piblisite