PAMMILANGNGANG 12:2 - KITTA' MATANGKASA'

² Nakana ke'nanga, “Apaka tete ri Musa ji bawang akkulle a'bicara Batara? Sai akkulle tonji a'bicara tete ri katte?” Nalangngereki Batara anjo apa nakananga ke'nanga.

PAMMILANGNGANG 12:2 Referans Kwoze

PAMMILANGNGANG 16:3

A'lampa ngasemmi siagang ke'nanga mange andallekang ri Musa siagang Harun nampa angkana, “Angganna'mi anjo sikammaya Musa! Sikontu umma' Israel nisa'laki untu' Batara. Nampa niaki Batara ri tangnga-tangngata ngaseng. Mingka angngapa nanukana kalennu la'bi tinggiangangko na umma'Na Batara?”

FILIPI 2:14

Gaukammi sikontu jama-jamannu; mingka teako a'moro-moroi yareka teako a'besereki anggaukangi.

FILIPI 2:3

Teako na lanri kaparalluang kalennu nanugaukang se'rea jama-jamang, yareka lanri ero'na nupattampo-tampoang kalennu. Mingka paralluko massing tuna pa'mai', nanucini' bajikangang taua na kalennu.

MIKHA 6:4

Le'ba' mako Kuerang assulu' battu ri butta Mesir, siagang Kulappassangko battu ri nipareka ata; le'ba'mi Kusuro Musa, Harun, siagang Miryam untu' ampimpingko.

YESAYA 37:4

Nasuroi karaeng Asyur perwira tantarana untu' anghinai Allata'ala mattallasaka. Inai angngassengi, gassingka Nalangngereki Karaeng Allata'ala anjo panghinaanga na Nahukkung tau ampasulukai anjo kana kammaya! Lanri kammana anjo appala' doang laloko mae ri Allata'ala untu' sikamma tau attallasaka ija.”

ROMA 12:10

Musti massing sikamaseang duduko sangkamma tau assari'battanga lalang se're balla'; kammayatompa massing sipirioloiko assare sallang.

2 KARAENG-KARAENG 19:4

Nia'mo sitau panglima tinggi pangka'na battu nasuro karaeng Asyur untu' antunai Allata'ala mattallasaka. Inai angngassengi, gassingka Nalangngere'mi Karaeng Allata'alanu anjo kana-kana mappakatunaya mae ri KalenNa, siagang Nahukkung tau le'baka ampasuluki anjo kana kammaya. Lanri kammana anjo appala' doang laloko mae ri Allata'ala untu' taunta attallasaka ija.”

PAMMILANGNGANG 11:1

Ri se'reang allo appakkaramulami bansa Israel akkunrareng mae ri Batara passabakkang sikamma kasukkarranna ke'nanga. Nalangngere'na kunrarenna ke'nanga, larromi Batara siagang appabattumi pepe' mae ri ke'nanga. Anjo pepeka a'lemere'mi ri tangnga-tangngana ke'nanga na nakanre sa'genna ammutung sipa'gang pakkemaanna ke'nanga.

1 PETRUS 5:5

Kammayatompa ikau sikamma tau rungkaya. Mappilangngeriko mae ri tau toaya. Musti nupakatunai kalennu; siagang musti silayaniko siagang tuna pa'mai'nu. Nasaba' nia' tattulisi' lalang ri Kittaka angkanaya, “Nabaliangi Allata'ala tau tampoa, mingka Nakamaseangi tau tunaya pa'mai'na.”

2 SAMUEL 11:27

Nampa le'ba'na kasusaanna, nasuro allemi Daud anjo bainea nanierang mange ri balla' kakaraenganga siagang nabaineammi. Siapa are bulang ribokoanganna allassukammi sitau ana' bura'ne. Mingka tena nasannang pa'mai'Na Batara mae ri anjo panggaukanna Daud.

PAMMILANGNGANG 11:29

Appialimi Musa angkana, “Angngapa na inakke nunawa-nawa? Ba'lalo kuminasai inakke sollanna Napassareang RohNa mae ri sikontu bansaNa, siagang Napa'jari na'bi ngaseng ke'nanga!”

ROMA 12:3

Le'ba'ma' Nasare passare malammoro'Na Allata'ala. Lanri kammanami anjo nakupakainga' ngasengko angkanaya: Teako pakatinggi dudui kalennu battu ri siratannaya. Parallui nupakatuna pa'mai'nu nampa nuparessa rolong kalennu; massing-massing tau parallui naparessa kalenna situru' pakkulle natarimaya battu ri Allata'ala lanri tappa'na ri Isa.

PANGNGEBARANG 13:10

Katampoanna poro pa'beserang bawang napaumba; tau cara'deka eroki annarima pangngajarang.

KALAPPASSANG 7:10

Jari a'lampami Musa siagang Harun andallekang ri karaenga siagang nagaukammi anjo apa Naparentakanga Allata'ala. Nabuangi Harun takkanna ri buttaya ri dallekanna karaenga siagang sikamma pagawena, nampa a'jari ulara'mo anjo takkanga.

KALAPPASSANG 5:1

Nampa a'lampamo Musa siagang Harun mange andallekang ri Karaeng Mesir. Nakana ke'nanga, “Kammaminne parentaNa Batara, Allata'alana Israel, ‘Sarei ising bansaKu a'lampa sollanna akkulle ke'nanga anggaukangi ibadana mae ri Nakke ri parang lompoa.’ ”

PA'JARIANG 29:33

Nampa attianammo pole Lea siagang allassukammi sitau ana' bura'ne. Nakanamo Lea, “Nasareamma' pole Batara anne anaka lanri nalangngere'na angkana tena ningaia'.” Nampa naaremmo anjo anaka Simeon.

KALAPPASSANG 4:30

Napabattumi Harun mae ri ke'nanga sikontu apa le'baka Napau Batara mae ri Musa. Siagang nagaukang tommi Musa sikontu anjo gau' malompoa ri dallekanna ngaseng anjo taua.

PAMMILANGNGANG 12:3

Anjo Musa tau sanna' tuna pa'mai'na, tena sangkammanna ri sikontu tau attallasaka ri anne linoa.

KALAPPASSANG 4:14

Jari larromi Batara mae ri Musa na Nakana, “Sai nia' sari'battannu niarenga Harun? Kuassengi angkanaya ia cara'deki a'bicara. Sikontutojenna, kamma-kamma anne niaki lalang pa'jappang mae anrinni, siagang lasannang sikali nyawana lanri assibuntulu'nu.