PAMMILANGNGANG 11:8 - KITTA' MATANGKASA'

^8-9 Punna bangngi tu'guruki anjo mannaya siagang saliuka ri tampa' pakkemaanga. Ri bari'basa'na a'jappami taua kemae-kemae ampasse'rei, nampa nagilingi yareka nadengkai na'jari labu', nampa napare' a'jari kanrejawa a'bo'dong siagang a'leppa'. Naia kasia'na sangkammai kanrejawa nitunua siagang minynya' zaitun.

PAMMILANGNGANG 11:8 Referans Kwoze

KALAPPASSANG 16:31

Anjo kanrea naarengi tu Israel manna. Tanja'na kammai lisere'-lisere' ca'di, keboki, nakasia'na kammai kanrejawa ammakea je'ne' bani.

YOHANES 6:27

Teako naporo untu' kanre lala'busuka siagang labottokaji bawang nanuanjama-jama. Anjamako untu' kanre tenaya nakkulle botto' siagang akkullea assare katallassang mannannungang. Iaminjo kanre kammaya laNasareangko Ana' Ma'rupataua, nasaba' Iami le'ba' Nalanti' Allata'ala Manggea.”

KALAPPASSANG 16:23

Nakanamo Musa mae ri ke'nanga, “Iaminne parentaNa Batara: Ammuko iamintu allo le'ba' nisa'la' untu' ammari-mari, allo Pammari-mariang, allo nisa'laka nanipassareang mae ri Batara. Apa eroka nulangga anne alloa, langga memammi, siagang apa eroka nupallu, pallu memammi. Apa la'bia untu' kaparalluang anne alloa, sa'laki siagang boliki untu' ammuko.”

YOHANES 6:31

Boe-boena ikambe angnganrei kanre Napaturunga Allata'ala ri parang luaraka. Sangkamma tattulisika lalang ri Kittaka angkanaya, ‘Nasarei kanre ke'nanga, iamintu roti battua ri suruga.’ ”

PA'JARIANG 25:29

Ri se'reang allo ri wattunna sitabang appallu Yakub gangang campe' eja, battumi Esau, ammotere' battu assoso'. Na sanna' cipuru'na anjo wattua.

PAMMILANGNGANG 11:7

Anjo tanja'na mannaya sangkammai lisere' ca'di-ca'di, kebo' kunyi'-kunyiki nicini'.