PAMMILANGNGANG 11:11 - KITTA' MATANGKASA'

¹¹ Jari angkanami ri Batara, “Angngapa Kisusai kamma' anne? Maka tena naKisannang mae ri nakke? Angngapa naKipassareang anne sikontu taua anjari tanggong jawakku?

PAMMILANGNGANG 11:11 Referans Kwoze

PAOLE 1:12

Mingka antekamma bateku lakkulle kalengku ampisangi anne tanggung jawa' kammaya battala'na, untu' ampa'le'baki sikontu urusannu ngaseng.

KALAPPASSANG 5:22

Nampa andallekammo pole Musa ri Batara na nakana, “O, Batara, angngapa naKigau' kodi kamma bansa Israel? Angngapa naKisuroa' mae anrinni?

2 KORINTUS 11:28

Pantarangannaya anjo, allo-alloku todong lussa' napakamma sikontu jama'aka.

MALEAKHI 3:14

Nukana ngaseng, ‘Tena matu-matunna taua anynyomba ri Allata'ala. Apa matu-matunna nigaukang kawajibanta mae ri Batara Kaminang Koasaya, yareka nipappicinikang mae ri Ia angkanaya assesse' lalang maki' ri kasalanta?

YEREMIA 15:18

Angngapa kutulusu' sessa mamo? Angngapa nasanna' lokokku siagang tena le'bakai ammolle? Maka erokKi' ampakala'bai pa'maikku rapang binanga a'jari kalotoroka ri wattu timoro'?”

YEREMIA 15:10

Tojeng, inakke siala' memang tonga'. Untu' apa nanalassukanga' anrongku? Tunggala' tau niaka ri anne pa'rasanganga kuagang ngasengi a'besere' siagang a'gea'. Manna kutale'baka appapiinrang yareka angnginrang, mingka nitunraia ri sikontu taua.

PAMMUJI 143:2

Inakke anne atanTa, teaKi' adelia', saba' taniakka tau tania' salana ri dallekanTa.

PAMMUJI 130:3

Punna tulusu' Kiu'rangi dosana ikambe, o, Batara, inai lakkulle attahang?

AYUB 10:2

O, Allata'ala, teaKi' salakangia' inakke; Kipisingarianga' angngapa na inakke Kibaliang.

PAMMILANGNGANG 11:15

Punna tuli nipakamma' anne Batara, Kikamaseanga'; bajikangngang bunoma' linta' sollanna tenamo nakukasiaki anne kasessang kammaya.”

KALAPPASSANG 17:4

Jari akkio'mi Musa mae ri Batara, angkana, “Apa musti kugaukang mae ri anne taua? Ciniki, eroki ke'nanga ansambila' batu.”

PAMMILANGNGANG 11:10

Nalangngereki Musa anjo tu Israel a'moro-moro, a'gompo-gompo ri dallekang pakke'bu' kemana ke'nanga. Nampa a'rinramo larroNa Batara napakamma, sa'genna si'na nasa'ring pa'mai'na Musa.