PAMMILANGNGANG 10:35 - KITTA' MATANGKASA'

³⁵ Sampang niangka' anjo Patti Parjanjianga, angkanami Musa, “Ammenteng maKi' o Batara, Kipasimbung-simbungi musunTa sa'genna lari tau angkabirisiaKi'.”

PAMMILANGNGANG 10:35 Referans Kwoze

YESAYA 51:9

Ammenteng maKi' o Batara, Kitulung laloi ikambe, pasalamaki ikambe lanri koasaTa. Ammenteng maKi' sangkamma ri jammang riolo ri wattunna Kilissarrang Rahab siagang Kicoka naga tamparanga sa'genna mate.

PAMMUJI 132:8

Battu maKi' siagang ammantang maKi' ri BallatTa, o, Batara, siagang Patti ParjanjianTa, tanra kakoasanTa.

PAOLE 32:41

Punna le'ba' Kukantisi' pa'dangKu sa'genna accilla', laKupajappai kaadelanga. La'balasakKa' mae ri sikontu musua; Kuhukkungi tau birisika ri Nakke.

PAOLE 7:10

Mingka tena todong Nabata-bata anghukkungi tau birisika ri Ia.

1 SAMUEL 4:3

Ri wattu ammotere'na anjo tantara tassesaya mange ri tampa' kemaya, nakanamo sikamma pamimpinna tu Israel, “Apa kutadeng saba'na naNalappassangki' Batara nibeta ri tu Filistin anne alloa? Umba nanialle Patti ParjanjianNa Batara battu ri Silo, na nierang mae anrinni, sollanna ero' Batara antulungki' siagang Napasalamakki' battu ri musua.”

PAMMUJI 9:19

Tena natuli nikaluppai satunggu-tungguna tu kasi-asia; tena natulusu' tena panrannuanna tu sessaya.

PAMMUJI 94:16

Inai angngalleia' battu ri tau dorakaya? Inai angngagangnganga' angngewai tau a'gau' ja'dalaka?

PAMMUJI 3:8

Kipasalamaka', o Batara Allata'alaku, hukkungi naKipesoki sikontu balingku.