PAMMILANGNGANG 10:29 - KITTA' MATANGKASA'

²⁹ Nakanamo Musa mae ri ipara'na, iamintu Hobab ana'na Rehuel tu Midian, “La'lampai ikambe mange ri tampa' nakanaya laNapassareangi Batara mae ri kambe. Le'ba'mi Napa'janjiang Batara apa bajika mae ri tu Israel. Jari amminawang mako, tena tanigau' baji'nu ri kambe.”

PAMMILANGNGANG 10:29 Referans Kwoze

PA'JARIANG 12:7

Napappicinikammi KalenNa Batara mae ri Abram na Nakana ri ia, “Iaminne pa'rasangang laKupassareanga mae ri sossorannu.” Nampa ambangummo Abram se're tampa' pakkoro'bangngang anjoreng untu' Batara, ia le'baka ampappicinikangi KalenNa mae ri ia.

HAKING-HAKING 4:11

Anjo wattua nia' se're tau nikana Heber tu Keni, nasa'la'mi kalenna battu ri bansana (anjo bansa Keni turungang battu ri Hobab, ipara'na Musa). A'lampami Heber appaenteng siapa are jaina kema rampi'na poko'-poko' niarenga poko' terpentin ri Zaanaim, tena nabella battu ri Kedes.

KALAPPASSANG 3:1

Anjo wattua nakalawaki Musa sikamma gimbala'na siagang bembena Yitro, iamintu matoanna, imanga ri butta Midian. Ri wattunna naemba anjo olo'-olo' piaraya anta'leang ri parang lompoa, battumi mange ri Moncong Sinai, iamintu moncong matangkasaka.

KALAPPASSANG 2:18

Wattunna ammotere' ke'nanga, akkuta'nammi manggena ke'nanga angkana, “Angngapa nulinta' kamma ngaseng ammotere' anne alloa?”

PA'JARIANG 32:12

Kiu'rangi angkanaya le'ba' maKi' a'janji Batara, angkanaya laKiatoro' baji' ngasengi sikontu-kontuna untu' inakke siagang Kisarea' majai turungang. Tena manna sitau lakkulle anrekengi lanri sanrapangi kassika ri biring tamparang jaina.”

PAPPICINI' 22:17

Nakanamo RohNa Allata'ala siagang Bunting Bainea, “Mae mako!” Sikamma allangngerekai musti angkana tongi, “Mae mako!” Inai-nai turere, battu mako mae! Siagang inai-nai ero' mae mako angngalle cuma-cuma je'ne' katallassang!

IBRANI 6:18

Anjo ruaya passala' takkulleai lamminra; tena olona la'balle-balle Allata'ala ri janjinNa siagang sumpaNa! Lanri kammana, ikatte tau a'la'langamo irawanganNa Allata'ala, nikellaiki' anna'gala' jarre' mae ri panrannuang niaka ri dallekanta.

TITUS 1:2

situru' panrannuanga mae ri katallassang sitojennaya siagang mannannunganga. Le'ba'mi Napa'janjiang Allata'ala anjo katallassanga ri wattu tenanapa nanipa'jari anne linoa; natena olona la'balle-balle Allata'ala.

LAMPA-LAMPANA 7:5

Anjo wattua, manna sike'de' tania' anne pa'rasanganga Napassareanga Allata'ala mae ri Abraham a'jari pa'rasanganna; manna sipala' bangkeng tania' nipassareang mae ri ia. Mingka a'janji Allata'ala angkanaya laNapassareangi mae ri Abraham siagang sossoranna anne pa'rasanganga, a'jari pa'rasanganna. Anjo wattua tena ana'na Abraham.

YEREMIA 50:5

Lanapakkuta'nangngangi ke'nanga oloang mangea ri Sion, nampa a'jappa mange anjoreng. Lappareki parjanjiang satunggu-tunggua ke'nanga siagang iNakke, siagang tuli laKuta'galaki anjo parjanjianga.

YESAYA 2:3

nakana ngaseng ke'nanga, “Umba kinai' ri Bulu'Na Batara, ri Balla'Na Allata'alana Israel. LaNapangngajarrangi mae ri katte apa mustia nigaukang. Lanipinawangi oloanNa, saba' battu ri Yerusalem ajaranNa Batara, battu ri Sion A'bicara.”

PAMMUJI 34:8

Malaeka'Na Batara anjagai tau mappilangngeria, siagang nalappassang ke'nanga battu ri bahayaya.

1 SAMUEL 15:6

Akkiring tommi pasang pappakainga' mae ri tu Keni angkana, “A'lampako siagang bokoi tu Amalek, sollanna tena nutappinawang niancuru' siagang ke'nanga. Nasaba' riolo boe-boenu napare' passari'battangangi tu Israel ri wattunna nia' tu Israel battu ri Mesir.” Jari a'lampami tu Keni battu anjoreng.

HAKING-HAKING 1:16

Ia turunganna matoang bura'nena Musa, iamintu tu Keni. Amminawangi ke'nanga ri tu Yehudaya assulu'na battu ri kota Yerikho, niarenga kota Kurma. Nampa a'lampa ke'nanga mange ri daera tenaya coppong buttana, niaka ri timboranna Arad ri pa'rasangang Yehuda. Ammantammi ke'nanga ri tangnga-tangngana tuma'buttaya anjoreng, niarenga bansa Amalek.

PAMMILANGNGANG 23:19

Anjo Allata'ala tena nasangkamma rupataua gampanga assesse' lalang siagang nangaia a'balle-balle. Punna a'janji Allata'ala, mattantu laNarupai! Punna a'bicarai, tena taNagaukanNa!

KALAPPASSANG 18:27

Nampa nalappassammo Musa a'lampa Yitro ammotere' mange ri pa'rasanganna.

KALAPPASSANG 18:1

Yitro, matoanna Musa, imang Midian, nalangngereki kabara'na sikontu apa le'baka Nagaukang Allata'ala untu' Musa siagang bansa Israel, ri wattunna napimping ke'nanga assulu' battu ri pa'rasangang Mesir.

KALAPPASSANG 3:8

Lanri kammana anjo, erokKa' naung untu' allappassangi ke'nanga battu ri limanna tu Mesirka, nampa Kuerang ke'nanga assulu' battu ri anjo pa'rasanganga naKuerang mange ri pa'rasangang luaraka. Buttana coppongi siagang akkalumanynyangi. Kamma-kamma anne anjo pa'rasanganga napammantangi bansa Kanaan, bansa Het, Amori, Feris, Hewi siagang Yebus.

PA'JARIANG 15:18

Anjo wattua memang, appare'mi Batara parjanjiang siagang Abram. Nakana Batara, “A'janjiA' angkanaya laKusarei turungannu sikontu anne buttaya, appakkaramula battu ri pa'baeng-baenna pa'rasangang Mesir sa'genna mange ri Binanga Efrat,

PA'JARIANG 13:15

Sikontu anjo butta nucinika laKupassareangi mae ri kau siagang mae ri sossorannu, sollanna nukammai satunggu-tungguna.

KALAPPASSANG 6:4

Kulangngere'mi kunrarenna tu Israel, nipare' ataya ri bansa Mesir, nampa Kuu'rangimo anjo janjingKu.

KALAPPASSANG 18:12

Nampa angngerang Yitro siapa are koro'bang nitunu siagang koro'bang nipolong, a'jari passare mae ri Allata'ala. Battumi Harun siagang sikontu pamimpinna bansa Israel na sipangnganreang siagang Yitro lalang kahaderanNa Allata'ala.

PAMMILANGNGANG 10:28

Iaminjo susunanna barisanna tu Israel, tasse're pasukang mae ri pasukang maraengannaya, punna a'lampa ke'nanga untu' a'lette'.

PAOLE 4:40

Turuki sikontu hukkung kupassareanga mae ri kau anne alloa, nampa ikau siagang jari-jarinu lasalewangangko siagang latuli attallasa' mako ri pa'rasangang Napassareanga Karaeng Allata'alanu a'jari pisakanu sa'genna satunggu-tungguna.”

PAOLE 30:5

Lakkullei nupatang ammotere' butta napammantangngia boe-boenu riolo. Siagang lanipa'jari la'bi salewangangko pole, kammayatompa pila' jaiangngangi bilannu na boe-boenu riolo.

PAMMUJI 95:1

Umba kimakkelong mae ri Batara, akkio' rannu mae ri Tumappasalamatta!

PAMMUJI 100:1

Pammuji untu' koro'bang sukkuru'. Akkio' rannuko mae ri Batara, he sikontu lino!

PA'JARIANG 17:8

LaKupassareangi mae ri kau siagang mae ri turungannu, anne butta nupammantangia kamma-kamma anne salaku tubattu-battu. Sikontu butta Kanaan lanapatangi ana' cucunna sa'genna satunggu-tungguna, siagang iNakke la'jari Allata'alana ke'nanga.”

KALAPPASSANG 2:21

Ero'mi Musa ammantang anjoreng. Nampa napa'bunting Yitro ana'na niarenga Zipora siagang Musa.