PAMMILANGNGANG 10:2 - KITTA' MATANGKASA'

² “Apparekko rua tarompe' battu ri pera' nide'de' untu' angkioki ra'yaka asse're yareka untu' assuroi ke'nanga a'lampa.

PAMMILANGNGANG 10:2 Referans Kwoze

YO"EL 1:14

Parentakangi umma'nu untu' appuasa, pappiassengangi passibuntulang lompoa! Kioki sikamma pamimpinga siagang tutoa-toaya, kammayatompa sikontu pandudu'na Yehuda, sollanna battu mae ri Balla'Na Allata'ala, untu' akkio' appala' tulung mae ri Ia.

YESAYA 1:13

Tena matu-matunna nuerang anjo passarea. ErokkA' ta'langnge angngaraki rasanna. BirisikkA' siagang tena Kuparrang ancinikko ampakalompoi Bulang Berua, allo-allo Pammari-marianga, allo-allo lompo kammayatompa sikamma passirapakkang agamanu. Yangasenna anjo nurantassi lanri dosa-dosanu, siagang a'jarimi erangngang battala' mae ri Nakke; mangngamMa' Kusa'ring angngerangi.

PAMMUJI 81:3

Appasa'rako rabana, appasa'rako kelong, ko'bi' bajiki gambusuka siagang kacapia.

EFESUS 4:5

Se'reji bawang Batara, se'reji katappakkang, se'reji pa'je'ne',

HOSEA 8:1

Nakana Batara, “Pasa'rai tanra bahayaya! Niaki musua ambunduki pa'rasangangKu rapang balangkoa' antamberoai apa lanakanrea! UmmakKu nadakkai parjanjiangKu siagang ke'nanga, siagang nabaliangi ajarang-ajarangKu.

PAMMUJI 89:15

Dasara'na kakaraenganTa iamintu kaadelang siagang hukkung, pangngamaseanTa siagang tamamminraTa a'nyatai lalang sikontu tindakanTa.

2 KARAENG-KARAENG 12:13

Mingka anjo doeka tena nipakei manna sike'de' untu' appare' cangkiri'-cangkiri' pera', mangko', tarompe', pakkakasa' kanjoli yareka pakkakasa' maraengannaya battua ri bulaeng yareka pera'.

PAMMILANGNGANG 10:7

nampa anjo sa'ra la'bua battuanna musti asse'rei ummaka.

KALAPPASSANG 25:31

“Apparekko bangkeng lampu battu ri bulaeng ti'no'. Pa'lapa'na siagang panna'gallanna musti bulaeng nide'de'; bunga-bunga belo-belona, kammayatompa pucu'na siagang pammantangngang pucu'na musti a'jari se'rei siagang pa'lapa'na siagang panna'gallanna.

KALAPPASSANG 25:18

Apparekko rua malaeka' akka'nyi' battu ri bulaeng de'de',

PAMMILANGNGANG 10:1

Nakana Batara mae ri Musa,

YEREMIA 4:5

Tuiki tarompe'nu ri sikontu pa'rasangang! Bajiki batenu akkio' siagang lompoi. Suroi lari pandudu' Yehuda siagang Yerusalem mange ri kota-kota niaka tembo' pattahanganna.

YO"EL 2:1

Tuiki tarompeka, pasa'rai tanra bahayaya ri Bulu' Sion matangkasaka, ri pammantangnganNa Allata'ala. Annekkere' mako, he pandudu'na Yehuda! Nasaba' a'reppese'mi AllonNa Batara siagang tasalloami nabattu.