PA'JARIANG 9:6 - KITTA' MATANGKASA'

⁶ Anjo rupataua nipa'jari sangkamma iNakke; lanri kammana anjo, inai-nai ammuno rupatau, kalenna lanibuno tongi ri rupataua.

PA'JARIANG 9:6 Referans Kwoze

KAIMANGNGANG 24:17

Inai-nai ambunoi paranna tau musti nihukkung matei.

MATIUS 26:52

Mingka angkanami Isa ri ia, “Poterangi antama' ri banoanna antu kalewanga; nasaba' inai-nai akkarena kalewang, iami lanipanraki ri kalewang.

PAPPICINI' 13:10

“Tau lanitarungkua, musti lanitarungkui. Siagang tau lanibunoa siagang pa'dang mattantu lanibunoi siagang pa'dang. Iaminjo saba'na namusti sa'bara' siagang tamamminraya Umma'Na Allata'ala.”

PAMMILANGNGANG 35:33

Punna nugaukangi anjo kammaya, nura'massimi butta nupammantangngia. Anjo pammunoanga nara'massi pa'rasanganga; jari tena cara maraeng untu' antangkasi anjo pa'rasanganga pantaranganna angkanaya musti niallei nyawana anjo tau ammunoa.

YAKOBUS 3:9

Akkullei nipake untu' appala' sukkuru' mae ri Batara siagang Manggeta; mingka akkulle tongi nipake untu' ampakkanai paranta tau, le'baka Napa'jari Allata'ala situru' rupanNa.

PA'JARIANG 5:1

Iaminne pattottoranna sossoranna Adam. [Ri wattu Napa'jarina Allata'ala rupataua, Napa'jari sanrapangi ke'nanga KalenNa Allata'ala.

ROMA 13:4

Nasaba' anjo pamarentaya atanNa Allata'ala, anjamaya untu' kabajikannu. Mingka punna a'gau' ja'dalakko, memang musti mallakko mae ri pamarentaya; nasaba' tena naporo nia'naja koasana anghukkungi taua. Iami atanNa Allata'ala, ampabattuai hukkunganNa Allata'ala mae ri tau a'gau' ja'dalaka.

PA'JARIANG 4:14

Kibongkama' battu ri anne buttaya, bella battu ri dallekang mala'biritTa. La'lampama' mange-mange na tena pammantangangku ri lino, siagang lanibunoa' ri tau ambuntulukia' sallang.”

PAMMUJI 51:4

Kibissai sikontu kaja'dallangku; Kitangkasia' battu ri dosaku.

PAMMILANGNGANG 35:25

Anjo umma' asse'rea musti najagai anjo tau tenaya nakunjungi ammuno battu ri pa'balasa'na bija-bijanna anjo tau matea. Anjo taua musti nierangi ammotere' mange ri kota palarianga, iamintu tampa' palarianna. Musti ammantangi anjoreng sa'genna matemo anjo tau a'jari Imang Malompoa anjo wattua; punna le'ba'mi anjo nampami akkulle ammotere' mange ri kamponna. Mingka punna nabokoi anjo kota tampa' palarianna, nampa nigappa siagang nibuno ri bijanna anjo tunibunoa, anjo panggaukang kammaya teai pammunoang.

1 KORINTUS 11:7

Tena naparallu tu bura'-bura'nea natongko' ulunna, nasaba' iami sanrapang carammeng ampappicinikangai KalenNa siagang kalompoanNa Allata'ala. Mingka tu bai'-bainea a'jarimi sanrapang carammeng ampappicinikangai kalompoanna tu bura'-bura'nena,

PA'JARIANG 42:22

Nakanamo Ruben, “Sai kukana memang riolo ri kau ngaseng angkana teako apa-apai anjo anaka. Mingka tea ngasengko appilangngeri. Nakamma-kamma anne nibalasa'mi mae ri katte kamateanna.”

KALAPPASSANG 20:13

Teako ammunoi.

PAOLE 5:17

Teako ammunoi.

HAKING-HAKING 9:56

Kammaminjo bateNa Allata'ala ambalasaki kaja'dallang nagaukanga Abimelekh mange ri manggena, ri wattu nabunona tuju puloa sari'battanna.

1 SAMUEL 15:33

Nakanamo Samuel, “Sangkamma pa'dannu le'baki a'jari passabakkang najai amma' tappela' ana'na, kamma tomminjo amma'nu latappela'mi ana'na.” Nampa naalle nacancang Samuel anjo Agag ri dallekanna tampa' pakkoro'bangngang ri Gilgal.

2 KARAENG-KARAENG 11:16

Nijakkala'mi Atalya ri ke'nanga, nampa naerang mange ri balla' karaenga. Anjorengi nibuno ri dallekanna Pakke'bu' Lompo Jaranga.

PANGNGEBARANG 28:17

Tau ammunoa tulusu' kammai tuniondang na kasia' sa'genna narapi' a'jala'na; manna sitau takkulle antahangi.

KATO'BA 3:3

wattu untu' ammuno siagang wattu untu' appamolle, wattu untu' anrumbang siagang wattu untu' ambangung.

PAMMILANGNGANG 35:16

Mingka punna nia' tau ammake bassi tarang yareka kayu untu' ambunoi paranna tau, anjo tau kammaya pabuno tau; salai siagang musti nihukkung matei.

PAOLE 19:11

“Mingka maraengi passala'na punna nia' tau angngadangi musunna siagang lanri birisi'na na nakunjungi ambunoi anjo taua, nampa lari mange ri kalase'renna anjo kota palarianga untu' a'boya pa'la'langngang.

2 SAMUEL 4:11

Teai sipato' la'bi battala'na hukkungang lakupabattua mae ri tau ja'dala' ambunoai tau tenaya salana siagang sitabanga attinro ri balla' kalenna! Kamma-kamma anne kutuntuki pambalasanga mae ri kau lanri anjo pammunoanga, siagang kupa'lanynyakko battu ri tompo'na anne buttaya!”

1 KARAENG-KARAENG 2:9

Mingka iaminne pasangku ri kau: teako lappassangi ta'lappasa' battu ri hukkunganga. Kuassengi angkanaya ikau baji' pa'maikko. Jari, manna pole natoamo, usahakangi na nihukkung mate.”

2 KARAENG-KARAENG 11:1

Ri wattunna naasseng Atalya angkanaya matemi ana'na, iamintu Karaeng Ahazia, naparentakammi sollanna nibuno kabusu' sikontu kaluargana Ahazia.

2 KARAENG-KARAENG 11:20

Rannu ngasemmi nyawana sikontu ra'yaka. Nasannammo kotaya siagang le'ba' tommi nibuno Atalya.

2 PATTOTTORANG 33:24

Pagawe-pagawena Amon assikongkoloki angngewai Karaeng Amon nampa nabuno lalang ri balla' karaenga.