PA'JARIANG 9:27 - KITTA' MATANGKASA'

²⁷ Poro Natambai barakka'Na Allata'ala mae ri Yafet iamintu Natambai luara'na pammantanganna. Poro sipammantangngangi sossoranna siagang sossoranna Sem. Kanaan la'jari atai mae ri Yafet.”

PA'JARIANG 9:27 Referans Kwoze

ROMA 15:12

Siagang kammami anne napaua pole Na'bi Yesaya, “Battu ri sossoranna Isai nia' lammumba sitau lammarentaya mae ri bansa-bansaya; Iami lanapanrannuangi anjo bansa-bansaya.”

ROMA 11:12

Lanri salana siagang tenana manannuruki bansa Yahudia mae ri ero'Na Allata'ala, nanibarakkakimo bansa-bansa maraenga ri Allata'ala. Jari la'biangampa pole punna a'jari baji'mo ammotere' passisambunganna bansa Yahudia siagang Allata'ala; tantu lala'bi lompoangangi pole barakka' laNapassareanga Allata'ala!

EFESUS 3:13

Lanri kammana, iami anne pappalakku ri kau: teako ranggaselai ri passala' kapa'risang kukasiaka passabakkang ikau ngaseng; nasaba' yangasenna anjo untu' kabajikannu ngaseng.

EFESUS 3:6

Iaminne anjo rahasiaya: Passabakkang anjo Kabara' Bajika, para anggappami barakka'-barakka'Na Allata'ala bansa maraenga, siagang bansa Yahudia, iamintu barakka'-barakka' le'baka Napasadia Allata'ala; para a'jarimi ke'nanga anggota battu lalang ri tubu sangkammaya, siagang para natarima tommi ke'nanga apa Napa'janjianga Allata'ala tete ri Isa Almasi.

EFESUS 2:19

Lanri kammana, teai mako tau maraeng yareka tau pantarang. Kamma-kamma anne para umma'Na ngaseng mako Allata'ala. Anggota-anggota ngaseng mako lalang ri balla'Na Allata'ala.

MALEAKHI 1:11

NipakalompoA' ri sikamma bansa-bansaya ri sikontu linoa. Kere-keremae nitunui dupaya untu' ampakalompoi arengKu siagang nipassareangi sikamma koro'bang siratanga, ba'lalo sikontu bansaya napakalompoA'.

HOSEA 2:14

Nakana Batara, “Lanri kammana anjo laKuerangi mange ri parang lompoa; laKunyonyoki anjoreng siagang kana-kana passingaiang.

YESAYA 11:10

Nia' sallang se're wattu nalabattu sitau karaeng turunganna Daud, a'jari tau niparhatikang ri sikontu bansaya. Labattui ke'nanga mae ri ia, siagang sanna' nipakalompona pammantanganna.

LAMPA-LAMPANA 17:14

Akkaro-karomi tau tappaka ri Berea angngantaraki Paulus mange ri biring tamparanga. Mingka Silas siagang Timotius ammantanji anjoreng ri kotaya.

PA'JARIANG 9:28

Le'ba'na kajariang anjo a'ba lompoa, attallasa' iji Nuh 350 taung sallona.

PA'JARIANG 10:2

Sikamma ana'na Yafet iamintu: Gomer, Magog, Madai, Yawan, Tubal, Mesekh, siagang Tiras.

PA'JARIANG 27:29

Poro a'jari atannu ngaseng sikamma bansa-bansaya, siagang tundu' ngaseng suku bansaya mae ri kau. Poro nukoasai ngaseng sikamma bija pammanakannu, siagang su'ju' ri kau turunganna amma'nu. Poro nitunra ngasengi sikamma tau antunrayako, siagang poro nibarakkaki ngaseng sikamma tau ambarakkakiako.”

YESAYA 66:19

LammoliKa' se're pammatei ri tangnga-tangngana ke'nanga. Sike'de'ji battu ri ke'nanga laKupasalama'. LaKusuroi ke'nanga mange ri bansa-bansa niaka ri sikamma pa'rasangang bellaya, tenayapa nalangngereki kabarakKu yareka tenayapa naciniki kala'birangKu siagang koasaKu: mange ri Tarsis, Libia, siagang Lidia siagang sikamma tucara'de'na ammana, mange ri Tubal siagang Yunani. Lanakabarrangi ke'nanga kalompoangKu ri alla'na anjo bansa-bansaya.