PA'JARIANG 9:23 - KITTA' MATANGKASA'

²³ Jari angngallemi Sem siagang Yafet silawara' juba na napaka'rang ri salangganna ke'nanga. Nampa a'jappa ammono'boko ke'nanga antama' ri anjo kemaya na nakalimbuki manggena ke'nanga siagang anjo jubaya. Assailemi accini' maraeng ke'nanga sollanna tanacinika anjo manggena ke'nanga assolara'.

PA'JARIANG 9:23 Referans Kwoze

GALATIA 6:1

Sikamma sari'battangku! Punna nia' tau nugappa a'gau' dosa, ikau nipimpinga ri RohNa Allata'ala parallui nuerang ammotere' anjo taua mange ri oloang annabaya. Mingka musti tuna pa'maikko anggaukangi, siagang katutui kalennu sollanna tena nunataba todong paccoba.

KALAPPASSANG 20:12

Pakala'biriki manggenu siagang amma'nu, sollanna salewangang tallasa'nu siagang la'bu umuru'nu ri pa'rasangang Kupassareanga mae ri kau.

1 PETRUS 4:8

La'biangampa pole nayangasennaya, paralluko attojeng-tojeng massing sikamaseang; nasaba' punna massing sikamaseangko sadia tommako untu' sipammopporang.

1 PETRUS 2:17

Anggara' baji' ngasengi taua, siagang kamaseangi sari'battang parannu tu Karisteng. Mallakko mae ri Allata'ala, siagang pakalompoi Kapala pamarentahanga.

1 TIMOTIUS 5:19

Teako pilangngeri tuduhanga mae ri pamimping jama'aka, punna tena nangganna' kaminang rawana rua tau a'jari sa'bi.

1 TIMOTIUS 5:17

Sikamma pamimping anggaukang bajikai jama-jamanna siratangi a'lappi rua batena nipakala'biri', la'biangampa ia rajenga akkato'ba siagang angngajara'.

1 TIMOTIUS 5:1

Teako liwakki larronu mae ri tau la'bi toanganga na ikau. Usahakangi nanapilangngeri kana-kanannu sanrapang angkana iami manggenu. Ia tau rungkaya pasangkammai sari'battannu;

ROMA 13:7

Jari bayaraki mae ri pamarentaya apa siratanga nubayara' ri ia. A'bayarakko sima punna siratangko a'bayara' sima; siagang a'bayarakko sussung punna siratangko a'bayara' sussung. Musti nubilang lompoi tau siratang nubilang lompo siagang musti nupakala'biriki tau siratanga nupakala'biri'.

KAIMANGNGANG 19:32

Angngalikko siagang pakala'biriki tau toaya. Paralluko mappakala'biri' siagang malla' mae ri Nakke, nasaba' iNakkemi Batara.

PA'JARIANG 9:22

Ri wattunna Ham, iamintu manggena Kanaan, naciniki manggena assolara', assulukammi nampa napauang anjo ruaya sari'battanna.

PA'JARIANG 9:24

Ri wattunna angngu'rangimo ammotere' Nuh, na naasseng apa nagaukanga ana' bungkona mae ri kalenna,