PA'JARIANG 9:20 - KITTA' MATANGKASA'

²⁰ Anjo Nuh jama-jamanna iamintu pamarri. Iami uru-uru appare' koko anggoro'.

PA'JARIANG 9:20 Referans Kwoze

KATO'BA 5:9

Tau balalaya ri doe', tale'bakai ganna'-ganna' doe'na; tau pongoroka ri barang-barang, tale'bakai sangga sukku' ri passawallang. Yangasenna sia-siaji bawang.

PANGNGEBARANG 24:30

Le'baka' allalo ri kokonna siagang koko anggoro'na se'rea tau malasa' siagang tolo.

PANGNGEBARANG 12:11

Pamarri anjama terasaka jai kanre-kanreanna, mingka tau ampelakai wattunna untu' anggaukangi apa-apa tenaya matu-matunna, iami dongo'.

PANGNGEBARANG 10:11

Kana-kananna tau bajika lappa'niaki tallasa' mate'ne, mingka ri bokona kana-kananna tau ja'dalaka taccokkoi pa'mai' pallaka.

PAOLE 28:30

Punna tena numannuruki ri Karaeng Allata'alanu, anne kammaya lantujuko: La'bayuangko, mingka tau maraeng lambuntingi bayuannu. Lambangungko balla', mingka tena nanupammantangngi. Lanulamungi koko anggoro'nu, mingka tanukanreai rapponna.

PAOLE 20:6

Niakka ri kau beru a'lamung anggoro' ri kokonna nampa tenapa nasawe angngallei rapponna anggoro'na? Punna nia', akkullei ammotere'. Saba' punna matei lalang pa'bundukang, tau maraeng langkabajikangi anjo je'ne' anggoro'na.

PA'JARIANG 5:29

Nakanamo Lamekh, “Anne anaka lanasareki' karingangngang ri wattunta anjama terasa' anjamai butta le'baka Natunrai Batara.” Lanri kammana naaremmi Lamekh anjo anaka Nuh.

PA'JARIANG 4:2

Nampa ammana'mo pole Hawa sitau ana' bura'ne, niarenga Habel. Habel a'jari pakalawaki gimbala', mingka Kain a'jari pamarri.

PA'JARIANG 3:23

Jari Nabongkami Karaeng Allata'ala anjo taua battu ri koko Eden na Nasuro angngusaha butta a'jaria assala'na.

1 KORINTUS 9:7

Tenanniakka tantara angngongkosi kale-kalei kalenna lalang ri tugasa'na! Tenanniakka tau a'lamung apa-apa natanakanrea anjo wassele' lamung-lamunna! Tenanniakka tau akkatuo sapi natakkullea nainung dadi' battua ri anjo sapi nakatuoa!

KELONG MALA'BIRI' 1:6

Teako parhatikangngi bukkuleng le'lengku, lanri nitaba' ri bambang allo. Larro ngasengi sikamma daengku ri nakke, kunasuro anjama ri koko anggoro'; tena kusawe angngurusuki kalengku.

PA'JARIANG 9:19

Anjo tallua ana'na Nuh, iami boe-boena sikontu taua ri lino.

PA'JARIANG 9:21

Le'baki Nuh angnginungi anggoro'na, sa'genna nasa'ring. Napasulu' ngasengi sikontu care-carena nampa tinro assolara' lalang ri kemana.