PA'JARIANG 8:1 - KITTA' MATANGKASA'

¹ Tena nikaluppai Nuh ri Allata'ala siagang sikamma olo'-olo' niaka naagang lalang ri anjo kappalaka. Napa'nia'mi Allata'ala anging mammirika, sa'genna appakkaramulamo naung anjo je'neka.

PA'JARIANG 8:1 Referans Kwoze

PA'JARIANG 30:22

Nampa Nau'rangimo Allata'ala Rahel. Naturukiammi pappala' doanna siagang nasaremi pangngellai untu' allassukang ana'.

PA'JARIANG 19:29

Kammaminjo kajarianna ri wattunna Napanraki Allata'ala anjo kota-kotaya, ri lappara' napammantangia Lot. Angngu'rangi Allata'ala ri Abraham, sa'genna natulummo Lot ampilari anjo tampaka.

KALAPPASSANG 2:24

Nipilangngerimi ke'nanga ri Allata'ala, siagang Nau'rangimi parjanjianNa siagang Abraham, Ishak, na Yakub.

PAMMUJI 136:23

Tena Nakaluppaiki' ri wattunta nibeta; pangngamaseanNa sa'genna satunggu-tungguna.

1 SAMUEL 1:19

Ammukona, ambangung bari'basa'mi Elkana siagang kaluargana. Na le'ba'na assambayang ri Batara, ammotere'mi ke'nanga mange ri Rama. Assikatinroammi Elkana siagang Hana, anjo bainenna, siagang niturukiammi pappala'na Hana ri Batara.

KALAPPASSANG 14:21

Nampa napajonjomo limanna Musa ri tompo'na tamparanga, nampa appabattumo Batara anging battu raya ammiri' sanna' kancanna, sa'genna ammunduru'mo je'ne' tamparanga. La'busu' bangngi ammiri' anjo anginga, siagang napinrami anjo tamparanga a'jari butta kalotoro'.

PAMMUJI 106:4

Kiu'rangia', o, Batara, lanri kabajikanTa mae ri ummatTa, Kitulung tonga' punna Kipasalama' ke'nanga.

AMOS 8:7

Batara, Allata'alana Israel, le'baki assumpa angkana, “Tena sikali nalaKukaluppai panggaukang ja'dala'na ke'nanga.

HABAKUK 3:2

O Batara, kulangngereki passala' panggaukanTa, na napirassi pa'maikku eroka mappakalompo. Poro Kipaollei anjo panggaukang malompoTa na Kipa'nyata ri anne jammanna ikambe. Poro Kikamaseangi ikambe manna pole nabambang nyawaTa.

PAMMUJI 137:7

O, Batara, Kiu'rangi panggaukanna tu Edom ri wattunna niancuru' Yerusalem. Nakana ke'nanga, “Rumbangi, rumbangi sa'genna naung ri lappara'na!”

PAMMUJI 132:1

Kelong siara. O, Batara, angngu'rangiKi' mae ri Daud, siagang sikontu pa'risi'na.

NEHEMIA 13:31

Kuatoro' tommi sollanna ri wattu-wattu attantua, akkullei napasadia ra'yaka kayu tunua untu' koro'bang nitunua siagang akkulle angngerang passare battu ri wassele' bungasa'na lamung-lamunna ke'nanga. Kala'busanna appala' doamma' angkana, “O, Allata'alaku, Kiu'rangi ngasengi anne siagang Kibarakkakia'.”

NEHEMIA 13:22

Nampa kusuro tu Lewia appare' upacara pannangkasi kale siagang sikamma pajaga pakke'bu' lompoa untu' anjannangngi sollanna napakalompo taua anjo allo Pammari-marianga. Appala' doanga' angkana, “O, Allata'ala, Kiu'rangia' lanri anjo todong passalaka, siagang kamaseanga' situru' lompona pangngamaseanTa.”

NEHEMIA 13:29

Appala' doanga' angkana, “O, Allata'alaku, Kiu'rangi antekamma batena anjo taua anra'massi tugasa' imanga siagang parjanjianTa siagang sikamma imanga na tu Lewia pole!”

NEHEMIA 13:14

O, Allata'alaku, Kiu'rangi sikontu apa le'baka kugaukang untu' BallatTa ri Yerusalem siagang palayananna.

PAPPICINI' 18:5

Nasaba' attambung-tambungi dosana sa'genna ri langika, na Nau'rangi Allata'ala kaja'dallanna.

PAPPICINI' 16:19

Assisa'la'mi anjo kotaya ta'bage tallu, siagang ancuru' tommi kota-kotaya ri sikontu pa'rasanganga ri linoa. Nampa Nau'rangimo Allata'ala anjo Babel lompoa. Jari Napainummi Allata'ala anjo Babel anggoro' battua ri pammoneang anggoro'Na Allata'ala – iamintu anggoro' pangngalarroi lompoNa.

PANGNGEBARANG 25:23

Anging battu wara' mattantu langngerangi bosi; kamma tomminjo a'bi'nyaraka carita mattantu appaumbai kalarroang.

AYUB 14:13

Cokkoma' lalang ri linona tau matea; jagaia' sa'genTa tenamo Kilarro. Mingka Kipattantu wattunna untu' Kiu'rangia'.

PAMMILANGNGANG 22:32

Akkuta'nammi malaeka'Na Batara angkana, “Angngapa nanutunrungi keledainu sa'genna pintallung? Battua' mae anrompaiko, nasaba' turu' ri panggappaku, tabajikai punna a'lampako.

YUNUS 4:11

Maka tena nalasi'na nyawaKu ampikkiriki Niniwe, anjo kota lompoa. Nasaba' pantaranganna olo'-olo' tenaya nakkulle nibilang jaina anjo, anjoreng nia' todong tau la'bi ri 120.000 ana'-ana' tenayapa naissengi ampasimmaraengi apa bajika siagang apa ja'dalaka.”

PAMMUJI 36:6

O, Batara, pangngamaseanTa santinggi langika, tamamminraTa sa'genna rammanga.

KALAPPASSANG 15:10

Mingka sikaliji a'mai' Batara na Napabattu balaya mae ri tu Mesir. Tallangi ke'nanga rapang tima battala' lalang ri gamarrunna je'ne' lompoa.

PAMMILANGNGANG 10:9

Na punna a'bundukko ri pa'rasangannu untu' ampartahangkangi kalennu mae ri musu battua ambundukiko, tuiki anjo tarompe'-tarompeka. Na iNakke, Karaeng Allata'alanu, labattu antulungko siagang ampasalamakko battu ri musu-musunnu.

AYUB 12:15

Natahangi je'neka, nakalotoro' siagang roso' sikamma niaka; Nalappassangi assolong, nabattumo a'baya!

PAMMUJI 29:10

Makoasai Batara ri a'ba lompoa, makoasai salaku Karaeng sa'genna satunggu-tungguna.

PAMMUJI 105:42

Saba' Nau'rangi Batara janjinNa mae ri Abraham, atanNa.

YESAYA 44:27

INakke angkana mae ri tamparanga: esakko! INakke ampa'jari kalotoroki sikamma binanganu.

NAHUM 1:4

Naga'garaki tamparanga na'jari kalotoro', Napaccappuki je'ne'na sikontu binangaya. Bulu' Karmel siagang sikamma paranga ri Basan a'jari kalotoroki na kalumeng sikamma bungaya ri Libanon.

PA'JARIANG 9:10

siagang mae ri sikontu apa-apa attallasaka, iamintu jangang-janganga siagang sikontu olo'-olo' niaka ri bontoa, bodona kana sikontu anjo assuluka battu ri anjo kappalaka siagang ikau.

PAMMUJI 115:12

Mangngu'rangi Batara mae ri katte siagang laNabarakkakiki', laNabarakkaki umma' Israel siagang sikontu imang turunganna Harun.

YEREMIA 50:38

Kalotori sikontu binangana siagang kokonna! Nasaba', Babel rassi barhala appakaringi'-ringi', ampa'jari pongoroki sikamma tau anynyombaya ri ia.

ZAKHARIA 10:11

Punna a'limbang ke'nanga ri tamparang kasukkarang, iNakke, Batara antunrungi sikamma bombanga; na'jari kalotoro' taba sikali dapara' rawana Binanga Nil. Bansa Asyur tampoa lanipakatunai, siagang Mesir porea latappelaki kakoasanna.