PA'JARIANG 6:13 - KITTA' MATANGKASA'

¹³ Nakanamo Allata'ala ri Nuh, “Le'ba'mi Kupattantu angkana laKubuno ngasengi sikontu apa-apa attallasaka. LaKuancuru' ngasengi ke'nanga siagang apa niaka lalang lino, nasaba' anne linoa rassimi panggaukang palla' nagaukanga ke'nanga.

PA'JARIANG 6:13 Referans Kwoze

1 PETRUS 4:7

Sikontu apa-apaya a'reppese'mi mae ri kale'bakkanna; lanri kammana paralluko tutu siagang nupakalewa kalennu, sollannu akkulle appala' doang.

AMOS 8:2

Akkuta'nangi Batara ri nakke angkana, “Apa nucini' Amos?” Appialima' angkana, “Se're karanjeng nibonei rappo-rappoang ti'no'.” Nakanamo Batara, “Narapi'mi wattunna mae ri ummakKu Israel, rapang rappo-rappoang ti'nokamo. Tenamo nalaKupinra pole rancanaKu siagang ma'nassa laKuhukkungi ke'nanga.

PA'JARIANG 6:4

Ri anjo jammanga siagang ri le'ba'na anjo, nia' tau sannaka lompona ngaseng kalenna ri lino. Anjo ke'nanga ana'-ana' battu ri sikamma anjo tulolo a'buntinga siagang rewata-rewataya. Anjo tau lompoa ngaseng kalenna masahoroki niasseng siagang iami pahlawang-pahlawang lompo ri jammang riolo.

IBRANI 11:7

Lanri tappa'na nanatarimamo Nuh pappakainga' Napassareanga Allata'ala mae ri ia; iamintu passala'na apa-apa lakajarianga tenaya nakkulle nacini' Nuh. Naturukimi Nuh kananNa Allata'ala. Jari appare'mi se're biseang lompo. Nama'nassa iaminjo biseang lompoa ampasalamaki kalenna siagang pole sikamma ana'na siagang tubai'-bainena. Jari nihukkummi linoa, mingka Nuh nipattojemmi ri Allata'ala nikana tau baji' lanri tappa'na.

YEREMIA 51:13

Anjo pa'rasanganga teai sipato' kalumanynyanna siagang jai binangana, mingka lala'busu'mi wattu tallasa'na; battumi kala'busang katallassanna.

PA'JARIANG 49:5

Simeon na Lewi massari'battang; sanjatana ke'nanga katerassang.

PA'JARIANG 6:14

Appare'mako se're kappala' kayu ia kassaka pare'na. Apparekko kama'-kamara' lalang ri anjo kappalaka, nampa nulapisi' siagang tere' pantaranganna siagang lalanganna.

PA'JARIANG 7:4

Tuju allopi nalaKupaturung bosia, tenaya nammari-mari patampulo allo patampulo bangngi, sollanna ancuru' ngaseng sikamma apa attallasa' le'baka Kupa'jari.”

PA'JARIANG 7:21

Naancuru' ngasemmi Batara sikontu apa attallasaka ri lino, iamintu: rupataua, jangang-jangang siagang olo'-olo' niaka ri tompo'na buttaya, ia ca'dia siagang lompoa. Ia tenaya naancuru' iamintu Nuh bawang siagang sikontu niaka naagang lalang ri anjo kappalaka.

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

YESAYA 34:1

Umba kirappungang, he bansa-bansaya, pilangngerimi. Lappassammi nabattu ngaseng sikontu buttaya siagang sikontu niaka ammantang ri tompo'na, nampa appilangngeri.

AMOS 3:7

Tena le'bakai Batara Kaminang Tinggia anggaukang apa-apa punna tena Napa'nyatai rancanaNa mae ri sikamma na'bia, ata-atanNa.