PA'JARIANG 50:5 - KITTA' MATANGKASA'

⁵ ‘Ri wattu a'reppese'namo a'jala'na manggena atanta, nasuroi a'janji atanta ri ia, angkanaya lanatarawangi atanta ilalang ri jera' le'baka napasadia ri butta Kanaan. Lanri kammana, kisaremi pangngellai atanta a'lampa untu' antarawangi manggena atanta. Le'baki anjo lammotere'mi atanta.’ ”

PA'JARIANG 50:5 Referans Kwoze

YESAYA 22:16

“Nukana inaika kalennu? Apa ha'nu sa'genna nupare' jera' kalennu ri anjo bulu' batua?

2 PATTOTTORANG 16:14

Nisarei rampa-rampa maya'na iamintu rampa-rampa mabau', nampa nitarawang ri pa'jerakkanna sikamma karaenga ri Kota Daud. Nampa untu' tanra pappakalompo mae ri ia, apparinrai pepe' sannaka lompona ra'yaka.

MATIUS 27:60

Nampa naerang anjo maya'Na Isa mange natarawang ri jera' napareka kalenna. Anjo jeraka lalangi ri bulu' batua nipare'. Le'baki napantama' maya'Na Isa, nagulungimi batu lompo nampa natongko' pakke'bu'na anjo jeraka, nampa a'lampa.

KATO'BA 12:7

Tubuta lammotereki, a'jari limbu'bu ri buttaya Nappasa' tallasatta lammotereki mae ri Allata'ala. Ia assareki' a'jari passare kalammoranNa.

KATO'BA 12:5

Mallakko angngambi' ri tampa' tinggia na musti tutuko a'jappa. Uu'nu kebo'mi napakamma uang na nure'resang bangkennu punna a'jappako. Na tappela' ngasemmo sikamma ero'nu siagang cinnanu. A'lampa mangeki' ri tampa' pammantangngang kala'busanta, susa ngasengi taua siagang nakarrukiki' ri aganga.

KATO'BA 6:3

Manna pole nania' sibilangngang ana'na se'rea tau, siagang attallasaki sa'genna toa umuru'na, mingka tena namate'ne nakasia' siagang tena todong nanggappa pa'jerakkang siratannaya; jari turu' panggappaku, bajikangngangi sarenna ana' lolo matea ri lassu'na kala sarenna anjo taua.

PAMMUJI 79:3

Ri sikontu kota Yerusalem tattumpa cera'na ke'nanga sanrapang je'ne'; tena antarawangi ke'nanga.

AYUB 30:23

Kuassengi, angkana Kieranga' mange ri lino kamateanga, tampa'na nipasse're sikamma apa attallasaka.

1 SAMUEL 14:43

Nampa nakanamo Saul mae ri Yonatan, “Apa le'ba' nugaukang?” Appialimi Yonatan angkana, “Le'baka' angnganre sike'de' bani kuallea siagang cappa' takkangku. Sadiama' untu' mate.”

PAOLE 4:22

Tasalloami nula'limbang siagang nupammantangngi anjo butta copponga; mingka inakke tena kumminawang, nasaba' lamatea' anrinni.

PA'JARIANG 50:24

Nakanamo ri sikamma sari'battanna, “A'birimmi narapi' a'jalakku, mingka mattantu laNaparakai ngasengko siagang laNapimpingko Allata'ala assulu' battu ri anne pa'rasanganga mange ri pa'rasangang le'baka Napa'janjiang siagang sumpa mae ri Abraham, Ishak siagang Yakub.”

PA'JARIANG 48:21

Nampa nakanamo Yakub mae ri Yusuf, “Sangkamma nucinika, a'birimmi a'jalakku. Mingka laNatulung ngasengko Allata'ala siagang laNaerang ngasengko ammotere' mange ri pa'rasanganna boe-boenu.

PA'JARIANG 3:19

Laballasakko anjama siagang lammattiki songo'nu nanampa nia' wassele'na anne buttaya, sa'gennu ammotere' poleang a'jari butta, nasaba' battu ri buttayako nipare'. Battu ri buttayako nipare', na nulammotere' a'jari butta.”

PA'JARIANG 50:4

Ri le'ba'namo wattu kasusaanga, nakanamo Yusuf ri pagawe-pagawena karaenga, “Pabattui anne pasanga mae ri karaenga angkana,

PA'JARIANG 50:6

Nakanamo karaenga, “A'lampamako mange antarawangi manggenu, sangkamma napappasangnganga ri kau.”