Biblia Todo Logo
Bib sou entènèt

- Piblisite -




PA'JARIANG 50:24 - KITTA' MATANGKASA'

24 Nakanamo ri sikamma sari'battanna, “A'birimmi narapi' a'jalakku, mingka mattantu laNaparakai ngasengko siagang laNapimpingko Allata'ala assulu' battu ri anne pa'rasanganga mange ri pa'rasangang le'baka Napa'janjiang siagang sumpa mae ri Abraham, Ishak siagang Yakub.”

Gade chapit la Kopi




PA'JARIANG 50:24
34 Referans Kwoze  

Pa'rasangang le'baka Kupassareang mae ri Abraham siagang Ishak, laKupassareangi mae ri turungannu.”


Inakke lanjagaiko siagang lambarakkakiko. Sikontu anne daeraya laKupassareangi mae ri kau, siagang mae ri turungannu. LaKurupai janjingKu, ia le'baka Kupau mae ri Abraham manggenu.


Na ri sa'rinna ammentemmi Batara siagang Nakana, “INakkemi Batara, Allata'ala napakalompoa Abraham siagang Ishak. LaKupassareangi mae ri kau siagang mae ri turungannu anne butta nupanra'baia.


Nampa nakanamo Yakub mae ri Yusuf, “Sangkamma nucinika, a'birimmi a'jalakku. Mingka laNatulung ngasengko Allata'ala siagang laNaerang ngasengko ammotere' mange ri pa'rasanganna boe-boenu.


LaKururungangko mange ri Mesir, siagang laKuerangi ammotere' mae anrinni ri pa'rasanganga turungannu. Laniaki Yusuf ri sa'rinnu punna lanarapi' a'jala'nu.”


Anjo wattua memang, appare'mi Batara parjanjiang siagang Abram. Nakana Batara, “A'janjiA' angkanaya laKusarei turungannu sikontu anne buttaya, appakkaramula battu ri pa'baeng-baenna pa'rasangang Mesir sa'genna mange ri Binanga Efrat,


Nampa Nakana pole Batara ri ia, “INakkemi Batara, le'baka anrurungangko assulu' battu ri pa'rasangang Ur ri Babilonia, sollanna Kupassareang anne buttaya mae ri kau untu' nukammai.”


Kamma-kamma anne, jappaimi anne sikontu pa'rasanganga, nasaba' laKupassareangi anne mae ri kau.”


Sikontu anjo butta nucinika laKupassareangi mae ri kau siagang mae ri sossorannu, sollanna nukammai satunggu-tungguna.


Napappicinikammi KalenNa Batara mae ri Abram na Nakana ri ia, “Iaminne pa'rasangang laKupassareanga mae ri sossorannu.” Nampa ambangummo Abram se're tampa' pakkoro'bangngang anjoreng untu' Batara, ia le'baka ampappicinikangi KalenNa mae ri ia.


Lanri tappa'na, na ri wattunna la'birimmo mate Yusuf, nanapau riolomo angkanaya lassulu'mi ammotere' umma' Israel battu ri butta Mesir; kammayatompa ammoli'mi pasang angkanaya lanipaanteikamma sallang maya'na punna matei.


Le'ba'mi Napattantu Allata'ala angkanaya sikaliji bawang mate rupataua. Le'baki anjo niadelimi ri Allata'ala.


Lanri se're tau nantama'mo dosaya ri lino, siagang battu ri iaminjo dosaya ammumba kamateanga. Iaminjo na'la'bammo kamateanga mae ri sikontu rupataua, nasaba' doraka ngasemmi rupataua.


Tubuta lammotereki, a'jari limbu'bu ri buttaya Nappasa' tallasatta lammotereki mae ri Allata'ala. Ia assareki' a'jari passare kalammoranNa.


Mallakko angngambi' ri tampa' tinggia na musti tutuko a'jappa. Uu'nu kebo'mi napakamma uang na nure'resang bangkennu punna a'jappako. Na tappela' ngasemmo sikamma ero'nu siagang cinnanu. A'lampa mangeki' ri tampa' pammantangngang kala'busanta, susa ngasengi taua siagang nakarrukiki' ri aganga.


Kuassengi, angkana Kieranga' mange ri lino kamateanga, tampa'na nipasse're sikamma apa attallasaka.


“A'janji Karaeng Allata'alanu mae ri boe-boenu iamintu Abraham, Ishak siagang Yakub angkanaya laNapassareangi anjo pa'rasanganga mae ri kau. Kota-kotana lompoi siagang coppongi, nampa teai ikau ambangungi.


INakke, Batara, le'ba' ampa'janjiangi sikontu anjo buttaya mae ri boe-boenu iamintu Abraham, Ishak siagang Yakub kammayatompa mae ri jari-jarina ke'nanga. Jari a'lampa mako mange ampammantangngi anjo buttaya.’ ”


Nampa Nakana Batara ri Musa, “Bokoimi anne tampaka nampa a'lampako siagang anjo bansa nueranga battu ri Mesir mange ri pa'rasangang Kupa'janjianga ri Abraham, Ishak siagang Yakub kammayatompa jari-jarina ke'nanga.


Jari tappa'mi ke'nanga; siagang nalangngere'namo ke'nanga angkanaya Naparhatikammi Batara bansa Israel kammayatompa Nacini'mi sikamma kasessanna ke'nanga, su'ju'mi ke'nanga anynyomba.


‘Ri wattu a'reppese'namo a'jala'na manggena atanta, nasuroi a'janji atanta ri ia, angkanaya lanatarawangi atanta ilalang ri jera' le'baka napasadia ri butta Kanaan. Lanri kammana, kisaremi pangngellai atanta a'lampa untu' antarawangi manggena atanta. Le'baki anjo lammotere'mi atanta.’ ”


Nibarakkakimi Sara ri Batara, situru' apa le'baka Napa'janjiang.


LaKupassareangi mae ri kau siagang mae ri turungannu, anne butta nupammantangia kamma-kamma anne salaku tubattu-battu. Sikontu butta Kanaan lanapatangi ana' cucunna sa'genna satunggu-tungguna, siagang iNakke la'jari Allata'alana ke'nanga.”


Laballasakko anjama siagang lammattiki songo'nu nanampa nia' wassele'na anne buttaya, sa'gennu ammotere' poleang a'jari butta, nasaba' battu ri buttayako nipare'. Battu ri buttayako nipare', na nulammotere' a'jari butta.”


Mingka akkuta'nammi Abram nakana, “O Batara Kaminang Tinggia, antekamma batena nakkulle kuasseng angkanaya inakke lampatangi anne buttaya?”


Lanri kammana anjo, erokKa' naung untu' allappassangi ke'nanga battu ri limanna tu Mesirka, nampa Kuerang ke'nanga assulu' battu ri anjo pa'rasanganga naKuerang mange ri pa'rasangang luaraka. Buttana coppongi siagang akkalumanynyangi. Kamma-kamma anne anjo pa'rasanganga napammantangi bansa Kanaan, bansa Het, Amori, Feris, Hewi siagang Yebus.


Naerammi Musa buku-bukunna tumate Yusuf, lanri lalang tallasa'na Yusuf nasuroi assumpa tu Israel angkana lanagaukangi anjo kammaya. Kammaminne pasanna Yusuf, “Punna Nalappassangko sallang Allata'ala, mayakku musti nuerangi a'lampa battu ri anne tampaka.”


Maya'na Yusuf, naeranga umma' Israel battu ri Mesir, nitarawangi ri Sikhem, iamintu butta naballia Yakub sibilangngang doe' pera' battu ri ana'-ana'na Hemor, manggena Sikhem. Anjo buttaya niwarisiki mae ri jari-jarina Yusuf.


Ri wattunna la'birimmo narapi' a'jala'na, nakio'mi anjo ana'na Yusuf, nampa nakana ri ia, “Padongkoki limannu anrinni ri alla'na bonggangku, nampa assumpamako angkanaya tena nalanutarawanga' anrinni ri Mesir.


Ri allo kala'busanna anjo taung maka-430 taung, sikontu barisanna anjo umma'Na Batara a'lampami ambokoi butta Mesir.


Anjo alloa Naerammi Batara sikontu bansa Israel assulu' battu ri Mesir.


Swiv nou:

Piblisite


Piblisite