PA'JARIANG 50:23 - KITTA' MATANGKASA'

²³ Narapi' iji nacini' ana' cucunna Efraim. Narapi' tongngiji naparakai ana'-ana'na Makhir, iamintu cucunna Manasye, napasangkamma ana' kalenna.

PA'JARIANG 50:23 Referans Kwoze

PAMMILANGNGANG 32:39

Golongang bijanna Makhir, ana'na Manasye, nabundukimi butta Gilead, nampa naallemo ke'nanga anjo buttaya siagang nabongkami tu Amori niaka ammantang anjoreng.

AYUB 42:16

Le'baki anjo attallasa' iji Ayub sibilangngang patampulo taung sallona, sa'genna narapi' iji nacini' sikamma cucu-cucunna siagang massing ana'-ana'na anjo cucu-cucunna.

PA'JARIANG 30:3

Nakanamo Rahel, “Anne suroku Bilha; sikatinroang mako sollanna ammana'. Lanri kammana akkullema' a'jari amma' battu ri ia.”

PAMMUJI 128:6

Poro la'bu lalo umuru'nu, na nucini' ana'-cucunnu! Poro salewangang ummatTa!

YOSUA 17:1

Siapa are bageang ri bageang laukanna Binanga Yordan nipassareangi mae ri bageruanna kaluarga-kaluarga Manasye, ana' toana Yusuf. Makhir, manggena Gilead, iami ana' toana Manasye. Nasaba' ia se'rei tantara pejuang, jari daera Gilead siagang Basan niaka irayanganna Binanga Yordan nipassareang mae ri ia.

PAMMILANGNGANG 32:33

Nampa napassareammo Musa mae ri suku Gad siagang Ruben, kammayatompa bage ruana suku Manasye sikontu daera Sihon, karaeng Amori, siagang daera Og, karaeng Basan, kammayatompa kota-kotaya siagang butta niaka ri tammulilina.

PA'JARIANG 48:19

Mingka taerokai manggena, na nakana, “Kuassenji ana', kuassenji. Manasye lalompoi koasana, siagang turunganna la'jari tongi bansa lompo. Mingka andi'na lalompoangngangi koasana naia, kammayatompa turunganna andi'na la'jari bansa-bansa lompo.”

PA'JARIANG 49:12

Eja matanna lanri angnginung anggoro', kebo' giginna lanri angnginung dadi'.

PA'JARIANG 50:22

Ammantang turusmi Yusuf ri Mesir siagang bija pammanakanna. Attallasaki sa'genna narapi' sibilangngang assampulo taung umuru'na.

1 PATTOTTORANG 7:14

Manasye siagang baine maraenna, iamintu sitau baine battu ri Aram, nia' rua ana'na bura'ne, iamintu: Asriel siagang Makhir. Ana'na Makhir iamintu Gilead.

PANGNGEBARANG 17:6

Kalompoang pa'mai'na tau toayamo, iamintu ana' cucunna; kalompoang pa'mai'na ana'-anaka, iamintu tau toana.