PA'JARIANG 50:21 - KITTA' MATANGKASA'

²¹ Teako bata-batai. Lakupa'gannakkangko kaparalluannu ngaseng siagang ana'-ana'nu.” Kammaminjo, na napakasannammo Yusuf pa'mai'na ke'nanga, siagang kana-kana lamma, sa'genna dinging-dingimmo pa'mai'na ke'nanga.

PA'JARIANG 50:21 Referans Kwoze

PA'JARIANG 47:12

Nampa nagannakkimo pappasadia untu' lanakanrea manggena, sikamma sari'battanna, kammayatompa sikontu bija pammanakanna, sa'genna kaminang loloa.

1 PETRUS 3:9

Teako pasibalasaki kaja'dallanga siagang kaja'dallang, yareka kana-kana pali'bo siagang kana-kana pali'bo; mingka pappalakkangi barakka' mae ri Allata'ala; iaminjo nupa'balassang. Nasaba' iaji naNakiokko Allata'ala kaNakellaiko sollannu akkulle annarima barakka' battu ri Ia.

1 TESALONIKA 5:15

Jagai sollanna tena nanubalasa' kaja'dallanga siagang kaja'dallang. Usahako tuli a'gau' baji' mae ri massing para ikau, kammayatompa mae ri yangasenna taua.

MATIUS 6:14

Punna nupammopporang tu kasalanga ri kalennu, Napammopporang tongi Allata'ala Manggenu ri suruga dosanu.

MATIUS 5:44

Mingka anne kamma Kukana ri kau ngaseng: kamaseangi sikontu balinnu siagang pappala' doangangi tau assessayako,

YESAYA 40:2

Pakasannangi atinna tu Yerusalem, pauangi angkanaya lakala'busammi nipare' ata. Kupammopporammi salana, le'ba'mi Kuhukkung a'lappi rua sikamma dosana ke'nanga.”

PA'JARIANG 34:3

Mingka sanna'mi ero'na ri Dina, sa'genna tu'guru' pangngai ri ia. Nausahaimi sollanna ero' todong anjo tuloloa ri kalenna.

PA'JARIANG 50:22

Ammantang turusmi Yusuf ri Mesir siagang bija pammanakanna. Attallasaki sa'genna narapi' sibilangngang assampulo taung umuru'na.

HAKING-HAKING 19:3

a'lampami anjo tu Lewia ampinawangi untu' anynyonyoki sollanna ammotere' mae ri ia. A'lampana, angngerangi sitau suro siagang ruang kayu keledai. Battui mange anjoreng, nierammi ri bainenna mange ri manggena. Nicini'na ri manggena anjo bainea, niruppaimi siagang rannu pa'mai'na,

PA'JARIANG 45:5

Teako mallakki siagang teako sassali kalennu ngaseng, lanri le'bakku nubalukang. Sikontutojenna KalenNa Allata'ala angngeranga' mae anrinni, a'jappa riolo untu' ampasalamaki tau jaia.

2 PATTOTTORANG 30:22

Teai sipato' cara'de'na anjo tu Lewia ampimpingi anjo panynyombanga mae ri Batara, sa'genna nipalece ke'nanga ri Hizkia. Le'baki tuju allo sallona ke'nanga angkasiaki kanre-kanreang battua ri anjo passua'-suarranga kammayatompa ampassareangi koro'banga untu' appala' sukkuru' mae ri Batara, Allata'alana boe-boena ke'nanga,