PA'JARIANG 50:20 - KITTA' MATANGKASA'

²⁰ Assituju ngaseng mako a'gau' ja'dala' mae ri nakke ri pirangngalloang, mingka Napinrami Allata'ala anjo kaja'dallanga a'jari kabajikang; sollanna apa anjo kajarianga pirangalloang, a'jari jaimi tau attallasa' siagang nipasalama' kamma-kamma anne.

PA'JARIANG 50:20 Referans Kwoze

ROMA 8:28

Niassengi angkanaya Allata'ala ngaseng angngatoroki sikontu apa-apaya, sa'genna a'jari baji' mae ri sikamma tau angkamaseangai, iamintu sikamma tau Nakioka situru' ero' panggaukanNa.

PAMMUJI 119:71

Memang bajiki lanri Kihukkunga' sollanna kuasseng sikamma katantuanTa.

LAMPA-LAMPANA 2:23

Situru' ero' KalenNa, Natappukimi Allata'ala laNapassareang Isa Almasi mae ri kau ngaseng. Na ri wattunna nipassareang mae ri kau ngaseng, nuallemi nubuno, lanri nubalang parekanna nisalli' ri tau ja'dalaka.

LAMPA-LAMPANA 3:26

Iaminjo saba'na naNapattantumo Ana'Na Nasuro rolong battu mae ri kau, sollanna naNabarakkakiko. Ia bateNa ambarakkakiko, iamintu Napa'jari tobakko battu ri kaja'dallanga lalang ri katallassannu.”

PA'JARIANG 37:4

Nacini'na sikamma daenna Yusuf angkanaya la'bi ningaiangngangi Yusuf ri manggena na kalenna ke'nanga, birisi'mi ke'nanga mae ri Yusuf. Sa'genna taerokami ke'nanga a'bicara baji' mae ri ia.

PAMMUJI 56:5

Mammujia' ri Allata'ala lanri apa le'baka Napa'janjiang; tappaka' ri Ia, jari tena kumalla', tena pakkullena rupataua mae ri nakke.

YESAYA 10:7

Mingka karaeng Asyur nia' rancana kalenna. Eroki ampakei katerassanga siagang napaccappu' jaia bansa.

PAMMUJI 76:10

Ri wattunTa ammenteng ero' angngadeli untu' ampasalamaki tau nijallakkanga ri lino.

PA'JARIANG 37:26

Nakanamo Yehuda mae ri sikamma sari'battanna, “Apa matu-matunna nibuno anjo anditta nampa nirahasiakang anjo pammunoanga?

PA'JARIANG 37:27

Umba nanibalukangi mae ri anjo tu Ismael. Tea'mi nipa'risi. Manna antekamma, kaia anditta tonji.” Situju ngasemmi sikamma sari'battanna.

PA'JARIANG 50:19

Mingka nakanamo Yusuf ri ke'nanga, “Teako mallakki; nasaba' tena kukkulle a'gau' kamma Allata'ala.