PA'JARIANG 5:22 - KITTA' MATANGKASA'

²² Le'baki anjo attallasa'mi Henokh sipa'rappungang siagang Allata'ala 300 taung sallona. Anggappami pole ana'-ana' maraengannaya

PA'JARIANG 5:22 Referans Kwoze

1 TESALONIKA 2:12

Kipakainga' mako, kipamajuko, siagang kikellai tojengko attallasa' situru' ero'Na Allata'ala, sa'genna nupakasannang atinNa. Nasaba' le'ba' mako Nakio' Allata'ala untu' a'jari umma'Na lalang ri Lino BeruNa siagang lalang ri kalompoanNa.

PA'JARIANG 17:1

Ri wattunna salapampulo assalapang taung umuru'na Abram, Napappicinikammi KalenNa Batara mae ri ia na Nakana, “INakkemi Allata'ala Kaminang Koasaya. Turuki laloA' siagang tuli gaukangi erokKu.

LUKAS 1:6

Ningai ri Allata'ala katallassang pakkalabinianna ke'nanga. Nasaba' tutui ke'nanga anturuki ero'Na Allata'ala siagang sikamma atorang Napassareanga Allata'ala.

MALEAKHI 2:6

Napangngajarrangi ke'nanga katojenganga, teai salaya napangngajarrang. SijarrekiA' siagang ke'nanga, siagang naturuki erokKu silambusu'na pa'mai'na ke'nanga. Jai tongi tau natulung ke'nanga sollanna tanagaukanga kaja'dallanga.

PA'JARIANG 6:9

Iaminne riwaya'na Nuh. Nia' ana'na tallu bura'ne, iamintu Sem, Yafet siagang Ham. Tena nagaukangi Nuh panggaukang salaya, siagang kale-kalenna bawang tau baji' ri anjo jammanga. Sibajiki sikali siagang Allata'ala lalang tallasa'na.

1 YOHANES 1:7

Mingka punna attallasakki' lalang ri singaraka, sangkamma Allata'ala niaki lalang ri singaraka, assiama' maki' massing para ikatte lalang ri katallassanta; kammayatompa nitangkasimi sikontu dosa-dosata lalang ri cera'Na Isa, Ana'Na Allata'ala.

MIKHA 6:8

Tena! Le'ba'mi Napa'nyata Batara mae ri katte apa bajika. Ia Natuntuka battu ri katte iamintu sollanta a'gau' adele', tuli nigaukangi mangngamaseanga, siagang nipakatuna tallasatta asse're mae ri Allata'alata.

PAMMUJI 116:9

Jari akkullemi kukasia' tallasaka ri anne linoa, lalang pa'la'langanNa Batara.

KAIMANGNGANG 26:12

INakke larrurungangko; iNakke la'jari Allata'alanu, na ikau la'jari ummakKu.

KOLOSE 1:10

Na lanri kammanami anjo nukkullemo attallasa' situru' ero'Na Allata'ala, siagang natuli nupakasannang pa'mai'Na; sa'genna ilalang ri apa-apa mamo, akkulleko appa'nia' wassele' apa-apa baji'. Kammayatompa katambang tommi pammahannu ri sesena Allata'ala.

1 TESALONIKA 4:1

Lanri kammana, sikamma sari'battangku, paralluko angngalle conto battu ri kambe, antekamma batenu musti attallasa' sollanna nupakasannang pa'mai'Na Allata'ala. Memang kamma-kamma anne sangkammami anjo katallassannu. Mingka kamma-kamma anne lalang koasaNa Batara Isa, napala' tojeng-tojengi ikambe siagang kisekeki ngasengko sollannu pila' appattujuang pole ilalang ri anjo passalaka!

EFESUS 5:15

Lanri kammana, parhatikangi baji'-baji', antekamma katallassannu. Teako attallasaki sangkamma tau dongoka. Attallasakko sangkamma tau cara'de'.

PA'JARIANG 48:15

Le'baki anjo nabarakkakimi Yusuf, nakana, “Allata'ala, Iami Batara napakalompoa Abraham siagang Ishak, Iami anrurunganga' sa'genna kamma-kamma anne;

PA'JARIANG 24:40

Appialimi angkana, ‘Batara sangnging kuturukia, Iami lassuroi battu malaeka'Na untu' antulungko sollanna akkulle a'jari tugasa'nu. Lanugappai sitau baine untu' la'jari bainenna anakku, ia battua ri alla'na bija pammanakang kalengku, iamintu battua ri bijanna manggeku.

KOLOSE 4:5

Mae ri parannu tau, ia tenayapa natappa', baji'-bajiki katallassannu nanupake baji' sikamma kasampatang niaka.

2 KORINTUS 6:16

Apa passisambunganna Balla'Na Batara siagang balla'na barhalaya? Ikattemi anne sanrapang Balla'Na Batara, iamintu Allata'ala attallasaka. KalenNa Allata'ala angkana, “LammantangA' ri tangnga-tangngana ke'nanga, na Kusikatallassang siagang ke'nanga. La'jariMa' Allata'ala mae ri ke'nanga, na la'jarimo ke'nanga ummakKu.

ROMA 8:1

Kamma-kamma anne tenamo hukkungang lantabai tau assileokamo katallassanna siagang Isa Almasi.

LAMPA-LAMPANA 9:31

A'jari sannammi sikontu jama'aka ri Yudea, Galilea, siagang Samaria. Na lanri malla'na ri Batara siagang pannulunNa RohNa Allata'ala, pila' jarre'mi siagang pila' katambammi jaina ke'nanga.

MIKHA 4:5

Tunggala' bansaya ri tompo'na buttaya massing anynyombai siagang mannuruki ri massing rewata kalenna. Mingka ikatte lamannurukiki' mae ri Karaeng Allata'alata siagang anynyomba ri Ia untu' satunggu-tungguna.

AMOS 3:3

Maka akkullei taua a'lampa sipa'rua punna tena nasipato la'bi riolo?

HOSEA 14:9

Lanapelaki tu Israel patung-patung barhalana; laKuparakai ke'nanga naKupilangngeri pappala' doanna. Rapang poko' kayu tuli jaina leko'na, iNakke lalla'langngi ke'nanga. INakkemi kabattuanna sikontu barakkaka mae ri ke'nanga. INakke, Batara, anne akkana.”

KELONG MALA'BIRI' 1:4

Umba linta', o, karaengku, eranga' antama' ri kamara'nu. Lanri ikau nama'reja-reja ngaseng ikambe, mammuji ri pangngainu la'bia na anggoro'; siratang memangi tuloloa ero' ri kau!

PAMMUJI 128:1

Kelong siara. Mate'nei tau mappilangngeria siagang attallasaka situru' parentaNa Allata'ala.

PAMMUJI 86:11

Kiajarakka' mae ri erotTa, o, Batara, sollanna kupinawang siagang majarre'; Kiajaria' a'jari tumappilangngeri sibatu pa'mai'.

PAMMUJI 56:13

Lakurupai janjingku mae ri Katte, o, Allata'ala, na kuassare koro'bang sukkuru' mae ri Katte.

PAMMUJI 26:11

Mingka inakke lambusu' pa'maikka' lalang tallasakku, Kikamaseanga' siagang Kilappassang laloa'.

PAMMUJI 16:8

Tuli mangngu'rangia' ri Batara; niaki ri sa'ringku, Iami saba' natena kuta'lengga.

2 KARAENG-KARAENG 20:3

“O Batara, Kiu'rangi laloi angkanaya le'ba'mi kupare' ata kalengku mae ri Katte, majarreka' siagang tulusuki pa'maikku mae ri Katte. Tuli kuusahai anggaukangi apa Kikaerokia.” Nampa angngarru' Hizkia sanna' si'nana nasa'ring nyawana.

1 KARAENG-KARAENG 2:4

Punna mannurukiko ri Batara, laNarupai janjinNa angkanaya turungangku lammarenta ri Israel, assala' tuli majarreki mannuruki ri sikontu parenta-parentaNa siagang situlusu'na atinna siagang nyawana ke'nanga.

PAOLE 28:9

Punna mannurukiko ri Batara Allata'alanu siagang nugaukang sikontu parentaNa, laNapa'jariko umma' KalenNa, sangkamma le'baka Napa'janjiang.

PAOLE 13:4

Tau kammaya anjo musti nihukkung matei, lanri eroki ampasala oloangko battu ri oloang Naparentakanga Karaeng Allata'alanu mae ri kau. Anjo tau kammaya tau ja'dala', lanri nasuroko ambaliangi Karaeng Allata'alanu, Ia le'baka allappassangko battu ri Mesir, tampa' le'baka nupammantangngi nipare' ata. Jari musti nibunoi anjo tau kammaya, sollanna nipaccappu' anjo kaja'dallanga. Mingka ikau paralluko amminawang turu' ri Karaeng Allata'alanu siagang mappakala'biri' mae ri Ia; mannurukiko ri Ia siagang gaukangi sikontu parentaNa. Tuli majarre' pa'maikko ri Ia siagang nupare' ata kalennu mae ri Ia.

PAOLE 5:33

Gaukangi sikontu Napassuroanga Karaeng Allata'alanu mae ri kau, sollannu salewangang siagang akkulle ammantang tuli ri pa'rasangang lanupammantangia.”

KALAPPASSANG 16:4

Nakanamo Batara ri Musa, “Kamma-kamma anne lappaturungA' kanre alla'bi-la'bi rapang bosi untu' ikau ngaseng. Tunggala' allo musti appasse'reko kanre untu' siganna'na nukanre siallo. Kammaminjo bateKu ero' anso'ri ummakKu, sollanna akkulle Kuasseng angkana apaka ma'nassa mannuruki tojenji ke'nanga ri sikamma parentaKu yareka tena.

PA'JARIANG 5:24

Lanri tuli sipa'rappunganna siagang baji' Henokh mae ri Allata'ala, allanynya'mi lanri niallei ri Allata'ala.

1 KORINTUS 7:17

Parallui massing nuatoro' katallassannu situru' Nakaerokia Batara, iamintu situru' apa le'bakamo Napattantu Allata'ala ri wattunnu Nakio' Allata'ala a'jari tau tappa' mae ri Ia. Iami anjo paratorang le'baka kupangngajarrang ri sikontu jama'aka.

PA'JARIANG 5:21

Ri wattunna narapi' 65 taung umuru'na Henokh, anggappami sitau ana' bura'ne, niarenga Metusalah.

PA'JARIANG 5:23

sa'genna narapi' 365 taung umuru'na.