PA'JARIANG 5:2 - KITTA' MATANGKASA'

² Napa'jari ke'nanga bura'ne siagang baine. Nabarakkaki ke'nanga siagang Naarengi ke'nanga “Tau”.]

PA'JARIANG 5:2 Referans Kwoze

MARKUS 10:6

Mingka ri pakkaramulanna, ri wattu Napa'jarina Allata'ala rupataua, nipaui angkanaya, ‘Napa'jari Allata'ala ke'nanga bura'ne siagang baine.

MATIUS 19:4

Appialimi Isa Nakana, “Maka tena ngasempa nubacai lalang ri Kittaka angkanaya ri uru nipare'na rupataua ri Allata'ala, Napareki bura'nea siagang bainea?

PA'JARIANG 2:23

Nakanamo anjo taua, “Iaminne tau sangkammangku, buku battu ri bukungku, siagang dageng battu ri dagengku. Kuarengi baine, lanri battu ri bura'nei nialle.”

PA'JARIANG 1:27

Kammaminjo bateNa Allata'ala ampa'jari rupataua, na Napa'jari ke'nanga sanrapang KalenNa. Napa'jarimi ke'nanga bura'ne siagang baine.

LAMPA-LAMPANA 17:26

Battu ri se'rea tau Nanapa'jari sikontu bansaya, nampa Nasuro ke'nanga ampammantangi sikontu buttaya. Iatommi ampattantui battu ri uru-uruna angkana kemae sa'genna siagang kemaei akkulle ammantang rupataua.

MALEAKHI 2:15

Sai Allata'ala tenaya ruanna ampa'jari se'reko tubu siagang se're nyawa siagang anjo bainea? Apa ero'Na Batara lalang kammaya anjo? Tena maraeng sollannu anggappa ana'-ana' untu' a'jari umma'Na Allata'ala sitojennaya. Jari katutui kalennu, gassingka nia' ri alla'nu tamajarreka mae ri bainenna.

PA'JARIANG 2:15

Nampa Napamantang Karaeng Allata'ala anjo taua lalang ri koko Eden, sollanna najama siagang naparakai anjo kokoa.

PA'JARIANG 1:28

Nampa Nabarakkaki ke'nanga angkana, “Ammana'-mana' mako siagang accucu-cucu mako nu'jari jai, sollanna napammantangngi sossorannu sikontu buttaya siagang nanakoasai. Kusareko tugasa' untu' amparakai sikamma juku'-jukuka, jangang-janganga, siagang sikontu olo'-olo' maraenganga ia liaraka.

PA'JARIANG 5:3

Ri wattunna 130 taung umuru'na Adam, anggappami sitau ana' bura'ne sintanjaka le'ba' kalenna, na naareng anjo anaka Set.