PA'JARIANG 49:8 - KITTA' MATANGKASA'

⁸ Yehuda, ikau angkokkoki kacikoro'na musunnu; lanipujiko ri sikamma sari'battannu siagang su'juki ri dallekannu.

PA'JARIANG 49:8 Referans Kwoze

IBRANI 7:14

Sikontu rupataua naasseng ngasengi angkanaya battu ri suku Yehuda assala'Na Batarata; na tale'bakai nasero kana Musa anjo sukua ri wattunna nabicara passala'na imang-imanga.

PA'JARIANG 27:29

Poro a'jari atannu ngaseng sikamma bansa-bansaya, siagang tundu' ngaseng suku bansaya mae ri kau. Poro nukoasai ngaseng sikamma bija pammanakannu, siagang su'ju' ri kau turunganna amma'nu. Poro nitunra ngasengi sikamma tau antunrayako, siagang poro nibarakkaki ngaseng sikamma tau ambarakkakiako.”

YOSUA 10:24

na nierang mange ri Yosua. Nampa nakio'mo Yosua battu asse're sikontu tu Israel, na nasuro ngaseng sikamma perwira amminawanga siagang ia a'bundu' battu angngonjokangi kallonna anjo limaya karaeng. Battu ngasemmi sikamma perwira na naonjokang kalonna anjo limaya karaeng.

PAOLE 33:7

Ri sesena suku Yehuda nakana: “O, Batara, Kipilangngeri ke'nanga punna makkio', sollanna asse're ke'nanga siagang suku maraenga. Kibantui ke'nanga barjuang angngewai musunna ri parang pa'bundukanga.”

PA'JARIANG 29:35

Nampa attianammo pole Lea siagang allassukammi sitau ana' bura'ne. Nakanamo, “Kamma-kamma anne lamammujia' ri Batara.” Nampa naaremmo anjo anaka Yehuda. Le'baki anjo tenamo nammana' pole Lea.

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”

PAPPICINI' 5:5

Nampa nakanamo kalase'renna anjo pamimpinga mae ri nakke, “Teako angngarruki! Ciniki! Ammetami anjo singa battua ri suku Yehuda, sossorang lompona Daud. Akkullei Nareppe' anjo segeleka siagang Nasungke anjo kittaka.”

IBRANI 10:13

Na kamma-kamma anne attayammi Almasi, sa'genna Nasuro Allata'ala musu-musunNa anynyomba ri dallekanNa.

YEHEZKIEL 21:29

Anjo paccini' nucinika iamintu paccini' balle-balle, siagang anjo boto nupaua boto balle-balle todong. Ja'dalakko siagang dorakako, nampa wattu hukkungang kala'busannu a'reppese'mi. Anjo pa'danga lanapolongi kallonnu.

YESAYA 9:7

Napabattumi Batara hukkunganga mae ri kakaraenganna Israel.

PAMMUJI 76:1

Untu' pamimping pakelong. Nirurungang ri kacapi. Pammujina Asaf. Kelong-kelong.

2 PATTOTTORANG 30:11

Mingka, nia' todong tau battu ri suku Asyer, Manasye, siagang Zebulon ero' a'lampa mange ri Yerusalem.

2 PATTOTTORANG 17:2

Ammoliki tantara ri sikontu kota niaka tembo' pattahanganna ri Yehuda, ri daera pantara'na kota Yehuda, kammayatompa ri kota-kota le'baka nabeta manggena ri daera Efraim.

2 PATTOTTORANG 15:9

Jai tu Efraim, tu Manasye siagang tu Simeon asse're siagang Asa siagang ammantang ri daera kakaraenganna, lanri naciniki ke'nanga angkanaya nitulungi Asa ri Batara. Nasuro ngasengi Asa anjo ke'nanga siagang ra'ya' Yehuda siagang Benyamin

2 PATTOTTORANG 14:8

Tantarana Karaeng Asa iamintu nia' 300.000 tu Yehuda ammakea poke siagang pannangkisi', siagang 280.000 tu Benyamin ammakea sanjata pana, anrong pana siagang pannangkisi'. Kabusu'na ke'nanga sangnging tantara barani siagang le'ba' nilati.

2 SAMUEL 24:9

nampa a'laporo' mae ri karaenga antekamma wassele'na anjo pammilangnganga. Jaina tu bura'ne akkullea a'jari tantara iamintu 800.000 tau ri Israel nampa 500.000 tau ri Yehuda.

2 SAMUEL 22:41

Kipalari musungku battu ri nakke; Kipossoki sikamma tau birisika mae ri nakke.

2 SAMUEL 5:3

Appare'mi parjanjiang Daud siagang anjo pamimping-pamimpinna tu Israel, nampa nilanti' ri ke'nanga a'jari karaeng mae ri Israel.

HAKING-HAKING 20:18

A'lampai anjo tantarana umma' Israel mange ri tampa' ibadaya ri Betel, nakkuta'nang ri Allata'ala angkana, “O, Batara, suku kereanga battu ri kambe musti uru-uru maju ambunduki tu Benyamin?” Appialimi Batara angkana, “Suku Yehuda.”

PAMMILANGNGANG 26:22

Sikontu tu bura'nea lalang ri yangasenna anjo golonganga nia' 76.500 jaina tau.

PAMMILANGNGANG 10:14

Ia riolo dudua a'lampa iamintu pasukang a'la'langa rawa bandera pasukanna Yehuda, pasukang se'rea mae ri pasukang maraenga: Nahason, ana'na Aminadab ampimpingi barisanna suku Yehuda,

PA'JARIANG 46:12

Yehuda; naia ana'-ana'na Yehuda iamintu: Syela, Peres, siagang Zerah. Nampa ana'na Yehuda maraenga iamintu: Er siagang Onan matei ri Kanaan. Ana'-ana'na Peres: Hezron siagang Hamul.

PA'JARIANG 42:6

Ia a'baluka gandung mae ri tau battua ri sikontu linoa, iamintu Yusuf; iami guburnur ri Mesir. Lanri kammana battumi sikamma daenna Yusuf nampa anynyomba ri dallekanna Yusuf.

1 PATTOTTORANG 28:4

Batara, Allata'ala nasombaya tu Israel, le'ba' ampilea' siagang turungangku untu' ammarenta ri Israel sa'genna satunggu-tungguna. Untu' appasadia sitau pamimping, Napilemi suku Yehuda, na battu ri ia anjo sukua Napilemi kaluargana manggeku. Siagang battu ri sikontua kaluargana manggeku, rellami ampilea' siagang ampa'jaria' karaeng mae ri sikontu Israel.

YOSUA 15:20

Iaminne butta nipassareanga mae ri kaluarga-kaluarga niaka lalang ri suku Yehuda untu' a'jari pisakana ke'nanga.