PA'JARIANG 48:3 - KITTA' MATANGKASA'

³ Nakanamo Yakub mae ri Yusuf, “Le'ba'mi Napappicinikang KalenNa Allata'ala Kaminang Koasaya mae ri nakke ri Lus, ri butta Kanaan, siagang le'ba'ma' Nabarakkaki.

PA'JARIANG 48:3 Referans Kwoze

KALAPPASSANG 6:3

Appare' tongA' parjanjiang siagang ke'nanga. A'janjiA' angkana laKusarei ke'nanga pa'rasangang Kanaan, iamintu pa'rasangang le'baka napammantangngi ke'nanga riolo salaku tau battu-battu.

PA'JARIANG 28:3

Poro Allata'ala Kaminang Koasaya ambarakkaki pa'buntingannu siagang nasareko jai ana'-cucu, sa'gennu a'jari boena jaia bansa!

PA'JARIANG 17:1

Ri wattunna salapampulo assalapang taung umuru'na Abram, Napappicinikammi KalenNa Batara mae ri ia na Nakana, “INakkemi Allata'ala Kaminang Koasaya. Turuki laloA' siagang tuli gaukangi erokKu.

PAPPICINI' 21:11

siagang suara'na kammayatompa kala'biranNa Allata'ala. Accillaki anjo kotaya sangkamma batu paramata, sangkamma batu baiduri moncongbulo sannaka ci'nonna kamma kaca.

HOSEA 12:4

Baku' lalanna ija ri battanna amma'na anjo Yakub, iamintu boe-boena ke'nanga, nanalacci' memammo sari'battang kambara'na iamintu Esau; na ri wattunna lompomo, a'lagami Yakub siagang Allata'ala.

PA'JARIANG 48:2

Nalangngere'na Yakub angkana niaki battu Yusuf, napikulle-kulleimi nagassingi kalenna, nampa ammempo ri katinroanga.

PA'JARIANG 49:25

Allata'alana manggenu antulungko; Kaminang Koasaya ambarakkakiko siagang je'ne' bosi battu ri langi' na je'ne' battu rawa ri butta. Siagang ana' kammayatompa sapi,

PA'JARIANG 17:6

LaKusareko jai ana' cucu, siagang nia' battu ri ke'nanga la'jari karaeng sallang. Lasannaki jaina turungannu, sa'genna la'jari bansa-bansa ke'nanga.