PA'JARIANG 47:9 - KITTA' MATANGKASA'

⁹ Appialimi Yakub angkana, “Sibilangngammi antallumpulo taung attallasa' atanta, a'jari tupalampa mange-mange. Punna nipasinrapangi siagang umuru'na boe-boena atanta a'jaria tupalampa mange-mange, anne katallassanna atanta jai kasukkarranna siagang bodoji umuru'na.”

PA'JARIANG 47:9 Referans Kwoze

PAMMUJI 39:12

Lanri kasalanna rupataua, Kihukkungi siagang Kiajaraki sanrapang bu'bu' Kiancuruki apa lompoa anggaranna mae ri ke'nanga. Tojeng, rupataua sanrapanji sipa'maikang nappasa' bawang.

PA'JARIANG 35:28

Lalang umuru' sannakamo toana, iamintu sibilangngang assagantujupulo taung, matemi Ishak. Nampa nitarawammo ri Esau siagang Yakub, siagang sikamma ana'na ke'nanga.

PAMMUJI 39:5

“O, Batara, Kipauanga' ringngapanna wattu a'jalakku sollanna kuasseng antekamma bodona tallasakku.”

AYUB 14:1

Battu ri lassu'na anjo taua lamma memangi, tena kullena; sinampe'ji attallasa' siagang rassi pa'risi' tallasa'na.

YOSUA 24:29

Nampa matemo anjo Yosua ana'na Nun, atanNa Batara, lalang umuru' sibilangngang assampulo taung.

PAOLE 34:7

Sibilangngang anruampulo taung umuru'na Musa namate. Tena nakurang kagassinganna siagang baji' iji paccini'na.

KALAPPASSANG 7:7

Anjo wattua 80 taung umuru'na Musa na Harun 83 taung umuru'na, na'lampa ke'nanga mange andallekang ri Karaeng Mesir.

KALAPPASSANG 6:4

Kulangngere'mi kunrarenna tu Israel, nipare' ataya ri bansa Mesir, nampa Kuu'rangimo anjo janjingKu.

PA'JARIANG 50:26

Nampa matemo Yusuf ri Mesir, lalang umuru' sibilangngang assampulo taung. Nasareimi ke'nanga rampa-rampa anjo maya'na Yusuf, nampa napantama' ri patti tumatea.

1 PETRUS 2:11

Sikamma sari'battangku, sannaka kukarimangnginna! Ikau teaiko tuma'buttana anne linoa; ikau tau battu-battu jako. Lanri kammana, kupala' tojeng-tojengi mae ri kau sollanna tena nanuturuki hawa napasu rupataua, tuli ambundukiai nyawaya.

YAKOBUS 4:14

Apa lakajariang lalang ri katallassannu ammuko, tena sikali nanuassengi! Sanrapang le'ba' jako umbu sinampe' duduaji kacinikang, nampa a'lanynya'.

PAMMUJI 119:54

Lalang tallasakku sinampeka ri anne linoa, katantuanTa kupa'jari kelong-kelong pammuji.

PAMMUJI 119:19

Poro sinampe'ja' bawang lammantang ri lino, teaKi' cokkoi hukkunTa mae ri nakke.

PA'JARIANG 47:28

Attallasa' iji Yakub sa'genna sampulo antuju taung ri Mesir, sa'genna narapi' umuru'na a'jari sibilangngang ampatampulo taung.

PA'JARIANG 11:11

Le'baki anjo attallasa' iji 500 taung sallona, siagang nisare iji siapa are jaina ana' maraengannaya.

IBRANI 13:14

Nasaba' tena pammantanganta untu' satunggu-tungguna ri lino; ikatte a'boyaki' pammantangang untu' labattua.

1 PATTOTTORANG 29:15

Kiassengi o Batara, angkanaya sangkamma boe-boena ikambe, ikambe anne pole nijappai anne katallassanga sanrapangki' tubattu-battu bawang. Katallassanna ikambe sanrapanji bayang-bayang allaloa, siagang takkulleai ikambe alliliangi kamateanga.

PA'JARIANG 5:27

Narapiki 969 taung umuru'na nampa mate.

2 KORINTUS 5:6

Lanri kammanami anjo natuli jarre' pa'mai'na ikambe. Naassengi ikambe angkanaya lalang ammantanna ija ikambe ilalang ri anne tubuna ikambe, bella iji ikambe battu ri anjo balla' lanipammantangia siagang Batara.

PA'JARIANG 47:8

Nampa akkuta'nammo karaenga ri ia angkana, “Siapa umurutta, Bapa'?”

PAMMUJI 39:13

Kipilangngeri pappala' doangku, o, Batara, Kiparhatikangi pappalakku; teaKi' ammantangngi a'mereki punna angngarruka'. Sangkamma sikontu boe-boeku, sinampe'ja' bawang annumpang ri Katte.