PA'JARIANG 47:26 - KITTA' MATANGKASA'

²⁶ Nampa napa'jarimo Yusuf anjo passalaka undang-undang ri Mesir, iamintu angkanaya bage limanna wassele' pakkattoanga musti a'jari karaeng pata. Sa'genna kamma-kamma anne nipake iji anjo undang-undanga. Ia bawang sikamma tampa'na imang-imanga tena na'jari karaeng pata.

PA'JARIANG 47:26 Referans Kwoze

PA'JARIANG 47:22

Se're-se're mami tampa' tanaballia, iamintu tampa'na sikamma imanga. Tena naparallu ke'nanga ambalukangi tampa'na ke'nanga lanri tuli nisarena gaji ke'nanga battu ri karaenga, untu' kaparalluang katallassanna ke'nanga.

YEHEZKIEL 7:24

Bansa-bansa kaminang sekkeka laKupabattui untu' angngempoi sikamma balla'nu. Sikamma tau porenu kaminang barania la'jari mallaki punna Kulappassang anjo bansa-bansaya angngancuruki tampa'-tampa' ibadanu.

PA'JARIANG 47:25

Appialimi ke'nanga angkana, “Kipasalama'mi anne ikambe karaeng. Appala' sukkuru'mi ikambe. Rellami anne ikambe a'jari atanna karaenga.”

PA'JARIANG 14:20

Nipujimi Allata'ala Kaminang Tinggia, assareako pammetang mae ri musunnu.” Le'baki anjo napassareammi Abram mange ri Melkisedek bage sampulona sikontu anjo barang le'baka nirampasa' nanaalle naerang ammotere'.

PA'JARIANG 28:22

Nampa lakupassareang mae ri Batara bage sampulona sikontu apa Napassareanga Batara mae ri nakke. Anne batu pangngu'rangi kupaentenga la'jari tampa' panynyombang mange ri Batara.”

PA'JARIANG 41:34

Musti kiangka' tongi pagawe-pagawe maraengannaya, nampa kisare koasa angngallei bage limanna battu ri sikontu wassele' kattoang gandunga lalang tujua taung sallona ri kala'bianna taua. Nampa kiboli' siagang kisuro jagai yangasenna anjo wasseleka lalang ri kota-kotaya.

KAIMANGNGANG 27:30

Bage sampulona sikontu wassele' buttaya, baji' nagandung yareka rappo-rappoang, untu' Batara.

PAMMILANGNGANG 18:21

Nakana Batara mae ri Harun, “Sikontu passare bagesampulona tu Israel Kupassareangi mae ri tu Lewi. Iaminjo bageang warisi'na ke'nanga untu' jama-jamanna ke'nanga ri KemaKu.

PAOLE 14:22

“Tunggala' taung musti nusa'laki bage sampulona sikontu wassele' buttanu.

PAOLE 26:12

Tunggala' taung makatallu, musti assareko passare bage sampulona panggappannu, iamintu bage sampulona wassele' kattoannu mae ri Imang Lewi, tubattu-battua, ana'-ana' kukanga siagang jandaya, sa'genna ri tunggala' kotaya anggappai ke'nanga kanre naparalluanga ke'nanga. Punna le'baki,

EZRA 7:24

Takkulleako angngalle paja' battu ri sikamma imanga, tu Lewia, pakelonga, pajaga pakke'bu' lompoa, pajama-jamaya, yareka manna inai niaka passisambungang jama-jamanna siagang Balla'Na Batara ri Yerusalem.