PA'JARIANG 47:25 - KITTA' MATANGKASA'

²⁵ Appialimi ke'nanga angkana, “Kipasalama'mi anne ikambe karaeng. Appala' sukkuru'mi ikambe. Rellami anne ikambe a'jari atanna karaenga.”

PA'JARIANG 47:25 Referans Kwoze

PA'JARIANG 33:15

Nakanamo Esau, “Baji'mi punna kamma. Lakuboliki siapa are jaina ana' buaku nania' nuagang.” Mingka appialimi Yakub angkana, “Tea' maki' susa-susai, ero'naji kupakasannang atinta.”

RUT 2:13

Appialimi Rut angkana, “Teai sipato' bajitta mae ri nakke Bapa', manna natena kusangkamma siagang pajama-jamata. Anjo somberetta teai sipato' nasaleorinna atingku.”

PA'JARIANG 50:20

Assituju ngaseng mako a'gau' ja'dala' mae ri nakke ri pirangngalloang, mingka Napinrami Allata'ala anjo kaja'dallanga a'jari kabajikang; sollanna apa anjo kajarianga pirangalloang, a'jari jaimi tau attallasa' siagang nipasalama' kamma-kamma anne.

PA'JARIANG 41:45

Nampa nisaremo areng Mesir ri karaenga anjo Yusuf, iamintu niarengi Zafnat-Paaneah. Nisare tommi sitau baine niarenga Asnat, ana'na Potifera, a'jari imanga ri kota Heliopolis. Umuru'na Yusuf tallumpulo taung ri wattunna appakkaramula anjama untu' karaeng Mesir. Jari a'lampami Yusuf battu ri balla' kakaraenganga mange angkulilingi najappai sikontu pa'rasanganga.

PA'JARIANG 18:3

na nakana, “O Karaeng-karaeng, teaki' lalloi anne kemaku punna tena nakissengka rolong. Kipa'biang laloa' allayaniki'.

PA'JARIANG 6:19

Angngerangko antama' ri anjo kappalaka massing tassikayu laki siagang gana battu ri sikontu rupanna jangang-janganga kammayatompa olo'-olo' maraengannaya, sollanna tena namminawang ancuru' ke'nanga.

PA'JARIANG 47:24

Punna wattu pakkattoang, musti nupassareangi bage limanna wassele'na mae ri karaenga. La'binnaya akkullei nupake untu' a'jari bine siagang untu' nukanre siagang kaluarganu.”

PA'JARIANG 47:26

Nampa napa'jarimo Yusuf anjo passalaka undang-undang ri Mesir, iamintu angkanaya bage limanna wassele' pakkattoanga musti a'jari karaeng pata. Sa'genna kamma-kamma anne nipake iji anjo undang-undanga. Ia bawang sikamma tampa'na imang-imanga tena na'jari karaeng pata.

PA'JARIANG 32:6

Ri wattunna ammotere' sikamma anjo tunasuroa Yakub, nakanamo ke'nanga, “Battumi ikambe ri Esau, daenta, nakamma-kamma anne niaki lalang pa'jappang, ero' battu mae ambuntuliki'. Battui mae sirurungang patambilangngang tau.”