PA'JARIANG 47:23 - KITTA' MATANGKASA'

²³ Nakanamo Yusuf ri anjo ra'yaka, “Cini'mi, ikau ngaseng siagang sikamma tampa'nu le'ba'mi kuballi untu' karaenga. Annemi bine akkullea nupakioro' ri kokonnu.

PA'JARIANG 47:23 Referans Kwoze

2 KORINTUS 9:10

Allata'ala ampasadiai bine napakioroka taua siagang kanre niparalluia. Ia tommi ampasadiai siagang ampa'jari jai anjo bine le'baka nupakioro', sa'genna katambang todong wassele'na anjo apa le'baka nupa'lammorang.

MATIUS 24:45

Nakanamo pole Isa, “Punna kamma, maka kereanga palayang tuli bajika siagang cara'deka? Iami niangka' ri karaenna a'jari kapala mae ri palayang-palayang maraenga, sollanna nasare ke'nanga kanre punna narapi' wattunna.

YESAYA 55:10

Rapang bosi turunga battu ri langi', na tammotera nai', passangalinna nabasai buttaya, napakacoppongi siagang napattimboi lamung-lamunga, assarei wassele' untu' nipakioro' siagang untu' nikanre,

KATO'BA 11:6

Appakiorokko bine ri wattu bari'basa' siagang teako ammari ri wattu bangngina. Saba' taniassengai angkana bine kereanga baji' timbona. Nakulle todong baji' rua-ruai timbona.

PANGNGEBARANG 13:23

Butta kosonga akkullei angngerang wassele' jai kanre-kanreang untu' tu kasi-asia; mingka tenaya naadele' la'jari sabaki natena nangngerang wassele' anjo buttaya.

PANGNGEBARANG 12:11

Pamarri anjama terasaka jai kanre-kanreanna, mingka tau ampelakai wattunna untu' anggaukangi apa-apa tenaya matu-matunna, iami dongo'.

PANGNGEBARANG 11:26

Inai appatambung apa-apa lanitunrai ri taua, mingka inai ambalukangi langgappai pammuji.

PAMMUJI 112:5

Mate'nei tau lammoro' pa'maika siagang tau nangaia appapiinrang kammayatompa tau lambusuka lalang sikontu urusang.

PAMMUJI 41:1

Untu' pamimping pakelong. Pammujina Daud.

PA'JARIANG 45:6

Kamma-kamma anne nampami taung makarua wattu kacipuranga. Limang taumpi sallona takkullea taua anjama yareka akkatto.

PA'JARIANG 41:27

Tujua sapi roso', ia ammumbaya ri boko, kammayatompa tujua bulere' gandung opa lanri anging parang, battuanna iamintu tuju taungi lawattu kacipurang.

PA'JARIANG 47:22

Se're-se're mami tampa' tanaballia, iamintu tampa'na sikamma imanga. Tena naparallu ke'nanga ambalukangi tampa'na ke'nanga lanri tuli nisarena gaji ke'nanga battu ri karaenga, untu' kaparalluang katallassanna ke'nanga.

PA'JARIANG 47:24

Punna wattu pakkattoang, musti nupassareangi bage limanna wassele'na mae ri karaenga. La'binnaya akkullei nupake untu' a'jari bine siagang untu' nukanre siagang kaluarganu.”