PA'JARIANG 47:22 - KITTA' MATANGKASA'

²² Se're-se're mami tampa' tanaballia, iamintu tampa'na sikamma imanga. Tena naparallu ke'nanga ambalukangi tampa'na ke'nanga lanri tuli nisarena gaji ke'nanga battu ri karaenga, untu' kaparalluang katallassanna ke'nanga.

PA'JARIANG 47:22 Referans Kwoze

EZRA 7:24

Takkulleako angngalle paja' battu ri sikamma imanga, tu Lewia, pakelonga, pajaga pakke'bu' lompoa, pajama-jamaya, yareka manna inai niaka passisambungang jama-jamanna siagang Balla'Na Batara ri Yerusalem.

1 TIMOTIUS 5:17

Sikamma pamimping anggaukang bajikai jama-jamanna siratangi a'lappi rua batena nipakala'biri', la'biangampa ia rajenga akkato'ba siagang angngajara'.

2 TESALONIKA 3:10

Ri wattunna nia' ija ikambe ri tangnga-tangnganu ngaseng, napabattumi ikambe anne paratoranga angkanaya, “Tau tenaya naero' anjama, teako sarei kanre.”

GALATIA 6:6

Tau annarimaya pangngajarang battu ri Almasi, parallui nabage siagang gurunna apa-apa niaka ri ia.

1 KORINTUS 9:13

Tantu nuassemmi angkanaya inai-nai anjama lalang ri Balla'Na Allata'ala, battu anjoremmi ri Balla'Na Allata'ala anggappa kanre ke'nanga. Siagang inai-nai angngurusuki tampa' pakkoro'bangnganga, anggappa tongi bageang battu ri anjo koro'bang nipassareanga anjoreng.

MATIUS 10:10

Tea tongko angngerangi pammoneang passidakka, yareka pakeang ruang lawara', teako angngerangi sapatu yareka takkang. Nasaba' sikamma tau anjamaya tena tanisareanna kaparalluanna.

NEHEMIA 13:10

Le'baki anjo, kurapikammi sikamma pakarena musika siagang tu Lewia nabokoimi Yerusalem, nampa ammotere' mange ri massing kokonna ke'nanga, lanri tena nigannakkiangi kaparalluanna ke'nanga.

2 SAMUEL 8:18

Kapala pangawala' kalenna karaenga: Benaya ana'na Yoyada; Imang-imang balla' kakaraenganga: ana'-ana' bura'nena Daud.

PAOLE 12:19

Jagai gassingka nubalang parekangi tu Lewia na tena nasilolongang katallassanna lalang ammantannu ri anjo pa'rasanganga.

PA'JARIANG 41:50

Ri tenanapa nabattu anjo wattu kacipuranga, ammana'mi Asnat, iamintu bainenna Yusuf. Rua ana'na, sangnging bura'ne.

PA'JARIANG 41:45

Nampa nisaremo areng Mesir ri karaenga anjo Yusuf, iamintu niarengi Zafnat-Paaneah. Nisare tommi sitau baine niarenga Asnat, ana'na Potifera, a'jari imanga ri kota Heliopolis. Umuru'na Yusuf tallumpulo taung ri wattunna appakkaramula anjama untu' karaeng Mesir. Jari a'lampami Yusuf battu ri balla' kakaraenganga mange angkulilingi najappai sikontu pa'rasanganga.

PA'JARIANG 14:18

Melkisedek, iamintu karaeng Salem, a'jari imanNa todong Allata'ala Kaminang Tinggia, battui angngerang roti siagang anggoro' untu' Abram,

PA'JARIANG 47:21

Sikontu ra'yaka ri Mesir a'jarimi atanna Yusuf.

PA'JARIANG 47:23

Nakanamo Yusuf ri anjo ra'yaka, “Cini'mi, ikau ngaseng siagang sikamma tampa'nu le'ba'mi kuballi untu' karaenga. Annemi bine akkullea nupakioro' ri kokonnu.

PA'JARIANG 47:26

Nampa napa'jarimo Yusuf anjo passalaka undang-undang ri Mesir, iamintu angkanaya bage limanna wassele' pakkattoanga musti a'jari karaeng pata. Sa'genna kamma-kamma anne nipake iji anjo undang-undanga. Ia bawang sikamma tampa'na imang-imanga tena na'jari karaeng pata.