PA'JARIANG 47:19 - KITTA' MATANGKASA'

¹⁹ Teaki' balang parekangi ikambe mate! Teaki' balang parekangi a'jari kalotoro' sikamma kokonna ikambe. Kiballimi anne kalenna ikambe siagang tampa'na ikambe. Gandummo kipare' pa'bayara'. Ikambe siagang tampa'na ikambe, a'jarimi karaeng pata. Kisaremi ikambe gandung untu' ansambungi tallasa'na ikambe, kammayatompa bine untu' nakioro' ri sikamma kokonna ikambe!”

PA'JARIANG 47:19 Referans Kwoze

AYUB 2:4

Mingka appialimi lapung Panggoda angkana, “Nyawana siagang pakkamalena tubua la'bi lompoangngangi anggaranna na pa'barang-barangnganga. Rellai rupataua angkoro'bangkangi sikontu apa-apanna, assala' akkullei tulusu' attallasa'.

PIRAUNG 5:9

Pantaranna kotaya, jai pabuno tau a'jappai; tuli a'reppeseki bala kamateanga ri wattu a'boyana kanre ikambe.

PIRAUNG 5:6

A'lampai ikambe appala'-pala' ri Mesir, appala'-pala' kanre ri Asyur.

PIRAUNG 1:11

Ballasa'mi na makkunrareng pandudu'na amboyai tallasa'na; barang lompoa anggaranna napassambe siagang roti, sollanna akkulle attallasa' na tamatea. Akkio'mi Yerusalem angkana, “O Batara, ciniki atanTa, parhatikangi sikontu pa'risi' kukasiaka.”

MATIUS 16:26

Nasaba' apa matu-matunna nagappa ngaseng taua anne linoa punna latappela' katallassanna? Maka akkullei anjo katallassanga nipassambe apa-apa maraeng?

PA'JARIANG 47:15

Ri wattunna la'busu'mo doeka ri Mesir siagang ri Kanaan, battumi tu Mesirka mae ri Yusuf nampa nakana ke'nanga, “Kisarei anne ikambe kanre! Teaki' balang parekangi mate ikambe. Cappu'mi doe'na ikambe.”

PA'JARIANG 47:18

Ri taung poleanna battumi pole ke'nanga mae ri ia nampa nakana, “Nilambusiang maki' mae karaeng, angkanaya cappu'mi doe'na ikambe, nampa olo'-olo' piarana ikambe ikatte ngasemmi pata. Tenamo apa-apanna ikambe akkullea nipassareang mae ri katte, pantaranganna kalenna ikambe siagang tampa'na ikambe.

PA'JARIANG 47:20

Nampa naballimo Yusuf sikamma buttaya ri Mesir untu' karaenga. Sikontu tu Mesirka tarpassami nabalukang tampa'na, lanri sarrinna anjo kacipuranga. Nampa sikontu anjo tampaka ri Mesir a'jarimi karaeng pata.

PA'JARIANG 41:36

Yangasenna anjo gandung nibolika la'jari kanre nipasadia untu' nipake sallang punna narapi' wattu tuju taunga kacipurang ri Mesir. Na lanri kammana anjo tenamo nalamate cipuru' ra'yaka.”