PA'JARIANG 47:14 - KITTA' MATANGKASA'

¹⁴ Sampang ammalli ke'nanga gandung, napasse'remi Yusuf anjo balli gandunga, nampa naboli' ri balla' karaenga.

PA'JARIANG 47:14 Referans Kwoze

PA'JARIANG 41:56

Ri wattunna pila' a'jari sarrimmo anjo kacipuranga, siagang alla'bammi mae ri sikontu pa'rasanganga, nasungkemi Yusuf sikamma gudanga nampa nabalukang anjo gandunga mae ri tu Mesir.

1 PETRUS 4:10

Massing annarima ngaseng mako passare pakkulle battu ri Allata'ala; anjo passarea tena nasangkamma-kamma. Lanri kammana, urusu' bajiki anjo passareNa Allata'ala; parallui massing nupake anjo pakkullea untu' kaparalluang nupa'juluia ngaseng.

1 KORINTUS 4:2

Uru-uruna nituntu' ri anjo palayang kammaya iamintu tamalanrea mae ri karaenna.

PA'JARIANG 47:15

Ri wattunna la'busu'mo doeka ri Mesir siagang ri Kanaan, battumi tu Mesirka mae ri Yusuf nampa nakana ke'nanga, “Kisarei anne ikambe kanre! Teaki' balang parekangi mate ikambe. Cappu'mi doe'na ikambe.”

PA'JARIANG 41:57

Nia'mi taua battu ri sikontu linoa mange ri Mesir untu' ammalli gandung battu ri Yusuf, lanri anjo kacipuranga pila' sarrimmi kajarianna ri kere-keremae.

PANGNGEBARANG 11:26

Inai appatambung apa-apa lanitunrai ri taua, mingka inai ambalukangi langgappai pammuji.