PA'JARIANG 46:32 - KITTA' MATANGKASA'

³² Lakupaui angkana ikau ngaseng jama-jamannu iamintu akkalawaki gimbala' siagang sapi, siagang nuerang ngasemmi olo'-olo' piaranu, kammayatompa sikontu pa'barang-barangannu.

PA'JARIANG 46:32 Referans Kwoze

PA'JARIANG 47:3

Akkuta'nammi karaenga ri ke'nanga angkana, “Apa ngaseng jama-jamannu?” Appialimi ke'nanga angkana, “Ikambe anne pakalawaki sangkamma boe-boena ikambe.

ZAKHARIA 13:5

Kabalekanna, lanakana ke'nanga, ‘Inakke teaiya' na'bi. Inakke poro pamarrija' bawang, anjamaya ri kokoa lalang sikontu tallasakku.’

YESAYA 40:11

Rapang sitau pakalawaki amparakai olo'-olo'Na; KalenNa ampa'rappungi ke'nanga. Ana'-ana' gimbalaka Nakalawingi, na Naemba baji'-baji' sikamma anronNa.

1 KARAENG-KARAENG 9:27

Nakiringi Karaeng Hiram ana'-ana' kappala'na ia niaka pangalamanna untu' assombala' siagang ana'-ana' kappala'na Salomo.

1 SAMUEL 17:15

biasai Daud a'lampa ambokoi Saul siagang ammotere' mange ri Betlehem untu' angkalawaki gimbala'na manggena.

KALAPPASSANG 3:1

Anjo wattua nakalawaki Musa sikamma gimbala'na siagang bembena Yitro, iamintu matoanna, imanga ri butta Midian. Ri wattunna naemba anjo olo'-olo' piaraya anta'leang ri parang lompoa, battumi mange ri Moncong Sinai, iamintu moncong matangkasaka.

PA'JARIANG 46:34

pauammi angkana battu ri ca'dinu iji nummarakaimo olo'-olo' piara sangkamma boe-boenu. Lanri kammana, lanasuro ngaseng mako ammantang ri Daera Gosyen.” Akkana kammami anjo Yusuf, lanri tu Mesirka nakanai kalenna tuna assibengkoro' siagang sikamma pakalawakia.

PA'JARIANG 45:10

Akkulleki' ammantang ri Daera Gosyen, ri ampi' pammantangangku. Battu maki bapa', siagang ana'-cucunta, sikamma gimbalatta, bembeta, sapita, siagang sikamma pa'barang-baranganta.

PA'JARIANG 37:2

Na iaminne riwaya' kaluargana Yakub: Ri wattunna sampulo antuju taung umuru'na Yusuf, iamintu ana'na Yakub, sitabanna naparakai bembena siagang gimbala'na siagang ngaseng sari'battanna, iamintu ana'-ana'na Bilha siagang Zilpa, ruaya baine piarana manggena. Napabattui sikamma gau' ja'dala'na daenna mae ri manggena.

PA'JARIANG 9:20

Anjo Nuh jama-jamanna iamintu pamarri. Iami uru-uru appare' koko anggoro'.

PA'JARIANG 4:2

Nampa ammana'mo pole Hawa sitau ana' bura'ne, niarenga Habel. Habel a'jari pakalawaki gimbala', mingka Kain a'jari pamarri.

1 SAMUEL 16:11

Nampa akkuta'nang Samuel ri ia angkana, “Ia ngasenji anne bawang ana'nu bura'nea?” Appialimi Isai angkana, “Nia' ija sitaupi, iamintu bungkoa, mingka sitabangi a'lampa akkalawaki gimbala'.” Nakanamo Samuel, “Suro kioki, nasaba' tena kilangnganre punna tenapa nabattu.”

PA'JARIANG 46:31

Nampa nakanamo Yusuf mae ri sikamma sari'battanna siagang ri sikamma bija pammanakanna maraenga, “Musti a'lampa' mange ri karaenga ampauangi angkanaya nia'mi battu sikamma sari'battangku siagang sikamma bija pammanakanna ammantanga ri Kanaan.

PA'JARIANG 46:33

Punna nakio' ngasengko karaenga nampa napakkuta'nangngang angkana apa jama-jamannu,