PA'JARIANG 45:8 - KITTA' MATANGKASA'

⁸ Jari, teai passabakkang ikau ngaseng nakunia' anrinni, mingka passala' Allata'ala. Iami ampa'jaria' pagawe kaminang tinggi ri karaeng Mesir. Nisarema' koasa mae ri sikontu bone balla'na siagang mae ri sikontu pa'rasangang Mesir.

PA'JARIANG 45:8 Referans Kwoze

YOHANES 15:16

Teai ikau ngaseng ampileA'. Mingka iNakke ampile ngasengko, siagang assuro ngasengko a'lampa sollannu akkulle a'rappo jai – natalapanraka anjo rapponnu. Na apa-apa mamo nupala' lalang arengKu, laNasareko Manggea.

ROMA 9:16

Jari anjo apa Natappukia Allata'ala, teai lanri usahana yareka rellana rupataua, passangalinna kabajikang pa'mai'Na bawang Allata'ala mae ri anjo tau Napilea.

YOHANES 19:11

Appialimi Isa Nakana, “Punna taNasareako' Allata'ala anjo koasanu, tena sikali koasanu mae ri Nakke. Lanri kammana, lompoangangi dosana tau ampassareangai KalengKu mae ri kau, kala ikau.”

AYUB 29:16

Mae ri tu kasi-asia inakke a'jari rapang mangge; mae ri tubattu-battua, inakke angngalleangangi.

HAKING-HAKING 17:10

Nakanamo Mikha, “Ammantammako siagang inakke anrinni sollannu a'jari imang siagang assare pappakainga' mae ri kambe. Kusarepako sampulo doe' pera' sitaung kammayatompa care-care siagang kanre”.

PA'JARIANG 45:5

Teako mallakki siagang teako sassali kalennu ngaseng, lanri le'bakku nubalukang. Sikontutojenna KalenNa Allata'ala angngeranga' mae anrinni, a'jappa riolo untu' ampasalamaki tau jaia.

FILEMON 1:15

Nikellai memang tongko kutadeng assisa'la' rolong sinampekang siagang Onesimus; sollanna akkulle nugappa pole ammotere' untu' satunggu-tungguna.

YESAYA 22:21

Pakeang kalompoannu siagang passikko' aya'nu laKupatabai mae ri ia. Sikontu kakoasannu laKupassareangi mae ri ia. Ia la'jari bapa' mae ri pandudu'na Yerusalem siagang Yehuda.

PA'JARIANG 45:26

Nakanamo ke'nanga ri manggena, “Attallasa' iji Yusuf! Ia a'jari tukoasa ri Mesir!” Nalangngere'na anjo kabaraka, takkajannammi Yakub, siagang tena napatappaki ke'nanga.