PA'JARIANG 45:7 - KITTA' MATANGKASA'

⁷ Naeramma' Allata'ala a'jappa riolo untu' ampasalama' ngasengko tete ri anne kajariang appakalannasaka, siagang untu' antanggongi kasalamakkannu ngaseng, kammayatompa untu' kala'buanna turungannu.

PA'JARIANG 45:7 Referans Kwoze

LAMPA-LAMPANA 7:35

Iaminne Musa, tenaya niakui ri bansa Israel, siagang nisorongbokoa angkana, ‘Inai le'ba' angngangkakko a'jari pamimping siagang a'jari haking mae ri kambe?’ Mingka sitojenna, iami nisuro ri Allata'ala a'jari pamimping siagang appasalamaka, lanri bantuanna anjo malaeka' battua mae ri ia lalang ri anjo rompo' a'rinraya.

PAMMUJI 44:4

Anjo buttaya tena naalle passai ke'nanga siagang pa'dang; teai lanri kagassingang kalenna nammeta ke'nanga, mingka lanri koasana siagang cayana kahaderanTa, saba' mangngellaiKi' mae ri ummatTa.

PAMMUJI 18:50

Jari kupakalompo maKi' ri alla'na bansa-bansaya, siagang makkelomma' pammuji-muji mae ri Katte.

HAKING-HAKING 15:18

Nampa turere dudumo nasa'ring Simson. Akkio'mi mae ri Batara, angkana, “Silalongku Kisare pammetang lompo. Maka lamate tangnginunga' kamma-kamma anne sa'gengku najakkala' tu Filistin tenaya nanaassengKi'?”

PA'JARIANG 45:5

Teako mallakki siagang teako sassali kalennu ngaseng, lanri le'bakku nubalukang. Sikontutojenna KalenNa Allata'ala angngeranga' mae anrinni, a'jappa riolo untu' ampasalamaki tau jaia.

PA'JARIANG 50:20

Assituju ngaseng mako a'gau' ja'dala' mae ri nakke ri pirangngalloang, mingka Napinrami Allata'ala anjo kaja'dallanga a'jari kabajikang; sollanna apa anjo kajarianga pirangalloang, a'jari jaimi tau attallasa' siagang nipasalama' kamma-kamma anne.

PA'JARIANG 47:12

Nampa nagannakkimo pappasadia untu' lanakanrea manggena, sikamma sari'battanna, kammayatompa sikontu bija pammanakanna, sa'genna kaminang loloa.