PA'JARIANG 45:5 - KITTA' MATANGKASA'

⁵ Teako mallakki siagang teako sassali kalennu ngaseng, lanri le'bakku nubalukang. Sikontutojenna KalenNa Allata'ala angngeranga' mae anrinni, a'jappa riolo untu' ampasalamaki tau jaia.

PA'JARIANG 45:5 Referans Kwoze

PA'JARIANG 50:20

Assituju ngaseng mako a'gau' ja'dala' mae ri nakke ri pirangngalloang, mingka Napinrami Allata'ala anjo kaja'dallanga a'jari kabajikang; sollanna apa anjo kajarianga pirangalloang, a'jari jaimi tau attallasa' siagang nipasalama' kamma-kamma anne.

AYUB 1:21

“Nilassukkanga' natena apa-apangku, siagang punna matea' tena todong apa-apangku. Batara assarea' nampa Batara todong angngallei ammotere'. Nipujimi arenNa!”

LUKAS 23:34

Appala' doammi Isa Nakana, “O Bapa', pammopporangi anne ke'nanga; nasaba' tanaassengai angkanaya apa anne nagaukanga ke'nanga.” Nalotereimi ke'nanga pakeanNa Isa ero' nabage-bage.

PA'JARIANG 47:25

Appialimi ke'nanga angkana, “Kipasalama'mi anne ikambe karaeng. Appala' sukkuru'mi ikambe. Rellami anne ikambe a'jari atanna karaenga.”

2 KORINTUS 2:11

Nakugaukang anjo kammaya, sollanna takkullea Billisika anggappa kasampatang angkoasaiki'; nasaba' niassemmi sikamma ero'na anjo Billisika.

2 KORINTUS 2:7

Anne kamma musti nupammopporammi, siagang parallui nupakajarre' pa'mai'na sollanna tena nasi'na dudu pa'mai'na sa'genna tappu' panrannuang.

2 SAMUEL 17:14

Nalangngere'na anjo, nakanamo Absalom siagang sikontu tu Israel, “Anjo kana pangngunju'na Husai bajikangngangi nakana pangngunju'na Ahitofel.” Memang, Batara le'ba' ampattantui laNahalangi anjo kana pangngunju' baji'na Ahitofel, sollanna nituju Absalom ri bala lompo.

2 SAMUEL 12:12

Nugaukang cokko-cokkomi dosaya, mingka iNakke laKupa'butti panggammarakKu lalang kasingarang, ri dallekanna sikontu tu Israel.’ ”

1 SAMUEL 1:19

Ammukona, ambangung bari'basa'mi Elkana siagang kaluargana. Na le'ba'na assambayang ri Batara, ammotere'mi ke'nanga mange ri Rama. Assikatinroammi Elkana siagang Hana, anjo bainenna, siagang niturukiammi pappala'na Hana ri Batara.

FILEMON 1:15

Nikellai memang tongko kutadeng assisa'la' rolong sinampekang siagang Onesimus; sollanna akkulle nugappa pole ammotere' untu' satunggu-tungguna.

PA'JARIANG 37:28

Na ri wattunna nia' siapa are padanggang battu ri Midian allalo, nipasulu'mi Yusuf ri sikamma sari'battanna battu lalang ri anjo bungunga. Nampa nabalukang ke'nanga ri anjo tu Ismaelka. Na ia ballinna iamintu ruampulo doe' pera'. Nampa nierammo Yusuf ri anjo sikamma padangganga mange ri Mesir.

PA'JARIANG 50:19

Mingka nakanamo Yusuf ri ke'nanga, “Teako mallakki; nasaba' tena kukkulle a'gau' kamma Allata'ala.

PA'JARIANG 50:21

Teako bata-batai. Lakupa'gannakkangko kaparalluannu ngaseng siagang ana'-ana'nu.” Kammaminjo, na napakasannammo Yusuf pa'mai'na ke'nanga, siagang kana-kana lamma, sa'genna dinging-dingimmo pa'mai'na ke'nanga.

ESTER 4:14

Manna antekamma carana mattantu langgappai pannulung tu Yahudia, sa'genna salama' ke'nanga. Mingka punna tuli ammantangko tena apa-apa nugaukang ri kamma-kammaya anne, ikau kalennu lamate tongko siagang lapuppusu'mi riwaya'na kaluargana manggenu. Inai angngassengi, gassingka untu' ri wattu-wattu kammayami anne naniangkakko a'jari ratu!”